ಬಳ್ಳಾರಿ, ಕರ್ನಾಟಕ: ಭಾರತೀಯ ಜನತಾ ಪಾರ್ಟಿ(BJP) ಪರವಾಗಿ ನಟ ಸುದೀಪ್ (Actor Sudeep) ಆಯ್ದ ಕ್ಷೇತ್ರಗಳಲ್ಲಿ ಚುನಾವಣಾ ಪ್ರಚಾರ ಮಾಡುತ್ತಿದ್ದಾರೆ. ಅದೇ ರೀತಿ, ಬಳ್ಳಾರಿಯ ಸಂಡೂರು ಪಟ್ಟಣದಲ್ಲೂ ಸುದೀಪ್ ಪ್ರಚಾರ ಮಾಡಲಿದ್ದಾರೆಂದು ಹೇಳಲಾಗಿತ್ತು. ಆದರೆ, ಅಲ್ಲಿಯ ಜನರಿಗೆ ನಿರಾಸೆಯಾಗಿದೆ. ಸಂಡೂರ್‌ಗೆ ಬಂದರೂ ಸುದೀಪ್ ಪ್ರಚಾರ ಮಾಡದೇ, ರೋಡ್ ಶೋ ಮಾಡದೇ ಹೊರಟು ಹೋಗಿದ್ದಾರೆ(Karnataka election 2023).
ಸುದೀಪ್ ಅವರು ಈ ನಡೆಯಿಂದಾಗಿ ಸ್ಥಳೀಯರಲ್ಲಿ ನಿರಾಸೆಯಾಗಿದೆ. ಎರಡನೇ ದಿನ ಸಂಡೂರಿನಲ್ಲಿ ಸುದೀಪ್ ರೋಡ್ ಷೋ ಮಾಡೋದಾಗಿ ಹೇಳಲಾಗಿತ್ತು. ಸಂಡೂರಿನ ವಿಜಯ ಸರ್ಕಲ್ ನಲ್ಲಿ ರೋಡ್ ಶೋಗಾಗಿ ಸಾವಿರಾರು ಜನರು ಸೇರಿದ್ದರು. ಆದರೆ, ನಟ ಸುದೀಪ್ ರೋಡ್ ಶೋ ಮಾಡದೇ ಕಾರಿನಿಂದ ಇಳಿಯದೇ ಹೋರಟು ಹೋಗಿದ್ದಾರೆ.
ಸಂಡೂರಿನ ಶಿವಲೀಲಾ ಪ್ಯಾಲೇಸ್‌ನಿಂದ ಬಂದು ಕಾರು ನಿಲ್ಲಿಸದೇ ವೇಗವಾಗಿ ಹೋಗಿದ್ದಾರೆ. ಸುದೀಪ್ ಅವರು ಸಂಡೂರು ಬಿಜೆಪಿ ಅಭ್ಯರ್ಥಿ ಶಿಲ್ಪಾ ಪರ ಪ್ರಚಾರ ಮಾಡಬೇಕಿತ್ತು. ಪಟಾಕಿ ಸಿಡಿಸಿ, ಡೋಲು ತಾಷ್ಯ ಬಾರಿಸೋ ಮೂಲಕ ಸುದೀಪ್ ಪೋಟೋ ಇರೋ ಬಾವುಟ ಹಿಡಿದು ಕಾಯ್ತಿದ್ದ ಅಭಿಮಾನಿಗಳಿಗೆ ನಿರಾಸೆಯಾಗಿದೆ. ಸುಡು ಬಿಸಿಲಿನಲ್ಲೂ ಬೆಳಿಗ್ಗೆ ಯಿಂದಲೇ ಸುದೀಪ್‌ಗಾಗಿ ಜನರು ಕಾದಿದ್ದರು.
ಇದನ್ನೂ ಓದಿ: Karnataka Election : ಪ್ರಚಾರದ ಫೀಲ್ಡಿಗಿಳಿದ ಕಿಚ್ಚ ಸುದೀಪ್; ಭರ್ಜರಿ ರೋಡ್ ಶೋ, ಹುಚ್ಚೆದ್ದು ಕುಣಿದ ಅಭಿಮಾನಿಗಳು
ಕಾರಿನಲ್ಲಿ ಸುದೀಪ್ ನೋಡಿದ ಕೂಡಲೇ ಕಿಚ್ಚಾ ಕಿಚ್ಚಾ ಎಂದು ಘೋಷಣೆ ಕೂಗಿದ ಜನಸ್ತೋಮ. ನಿನ್ನೆ ಸಂಡೂರಿನ ಅಂತಪುರ ಗ್ರಾಮದಲ್ಲಿ ಪ್ರಚಾರ ಮಾಡಿದ್ದ ಸುದೀಪ್ . ಸಂಡೂರು ಶಿವಲೀಲಾ ಪ್ಯಾಲೇಸ್ ನಲ್ಲಿ ವಾಸ್ತವ್ಯ ಹೂಡಿದ್ರು ಕಿಚ್ಚ ಸುದೀಪ್. ಆದರೆ, ಬೆಳಗ್ಗೆ ಮಾತ್ರ ಪ್ರಚಾರ ಮಾಡದೇ ಹೊರಟು ಹೋದರು.
ಸಂಡೂರಿನಲ್ಲಿ ಸುದೀಪ್ ರೋಡ್ ಶೋ ರದ್ದು
