ಹಾಸನ: ವಿಧಾನಸಭಾ ಚುನಾವಣೆ ಹೊಸ್ತಿಲಲ್ಲಿ ಜಿಲ್ಲೆಯ ಅರಸೀಕೆರೆ ತಾಲೂಕು ಕೋಡಿ ಮಠಕ್ಕೆ ಮಾಜಿ ಸಿಎಂ ಸಿದ್ದರಾಮಯ್ಯ ಅವರು ಭಾನುವಾರ ಭೇಟಿ ನೀಡಿ ಶ್ರೀ ಶಿವಾನಂದ ಶಿವಯೋಗಿ ರಾಜೇಂದ್ರ ಸ್ವಾಮೀಜಿ ಅವರ ಆಶೀರ್ವಾದ ಪಡೆದರು. ಈ ವೇಳೆ ಸಿದ್ದರಾಮಯ್ಯಗೆ ಉಜ್ವಲ ರಾಜಕೀಯ ಭವಿಷ್ಯವಿರುವುದಾಗಿ ಶ್ರೀಗಳು ತಿಳಿಸಿದ್ದಾರೆ.
ಅರಸೀಕೆರೆ ತಾಲೂಕಿನ ಗುತ್ತಿನಕೆರೆಯಲ್ಲಿ ಭಾನುವಾರ ಸಂಗೊಳ್ಳಿ ರಾಯಣ್ಣ ಪ್ರತಿಮೆ ಅನಾವರಣ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ನಂತರ ಸಿದ್ದರಾಮಯ್ಯ ಅವರು ಕೋಡಿ ಮಠಕ್ಕೆ ಭೇಟಿ ನೀಡಿದ್ದರು. ಶ್ರೀಗಳ ಜತೆ ಒಂದು ಗಂಟೆ ಚರ್ಚೆ ನಡೆಸಿದ ಬಳಿಕ ಬೆಂಬಲಿಗರ ಜತೆ ಮಠದಲ್ಲಿ ಊಟ ಮಾಡಿ ನಿರ್ಗಮಿಸಿದರು.
ಇದನ್ನೂ ಓದಿ | Karnataka Election 2023: ಇನ್ನೂ ಒಂದು ತಿಂಗಳು ಜೆಡಿಎಸ್‌ ಶಾಸಕನಾಗಿಯೇ ಇರುವೆ, ನಂತರ ಕಾಂಗ್ರೆಸ್‌ಗೆ ಹೋಗುವೆ: ಕೆ.ಎಂ. ಶಿವಲಿಂಗೇಗೌಡ
ರಾಜಕೀಯ ಭವಿಷ್ಯ ನುಡಿಯೋ ಮೂಲಕ ಖ್ಯಾತರಾಗಿರುವ ಶ್ರೀಗಳ ಬಳಿ ಕೈ ನಾಯಕ ತಮ್ಮ ಭವಿಷ್ಯ ಕೇಳಲು ಮಠಕ್ಕೆ ಭೇಟಿ ನೀಡಿದ್ದರಾ? ಎಂಬ ಮಾತುಗಳು ಕೇಳಿಬರುತ್ತಿವೆ. ಶ್ರೀಗಳ ಜತೆ ಒಂದು ಗಂಟೆ ಚರ್ಚೆ ಬಳಿಕ ಖುಷಿಯಾಗಿ ಸಿದ್ದರಾಮಯ್ಯ ಹೊರಬಂದಿದ್ದು ಕಂಡುಬಂತು.