ಹಾಸನ: ಬೇಲೂರು ತಾಲೂಕಿನ ಹಣಸೇಕೆರೆ ಗ್ರಾಮದಲ್ಲಿ ಕೆಎಸ್‌ಆರ್‌ಟಿಸಿ ಬಸ್-ಬೈಕ್ (Accident) ನಡುವೆ ಮುಖಾಮುಖಿ ಡಿಕ್ಕಿಯಾಗಿದ್ದು, ಇಬ್ಬರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.
ಬೈಕ್ ಸವಾರ ಭಾನುಪ್ರಕಾಶ್ ಹಾಗೂ ಹಿಂಬದಿ ಸವಾರ ರಂಗಸ್ವಾಮಿ ಮೃತರು. ಹಳೇಬೀಡಿನಿಂದ ಬೇಲೂರಿಗೆ ಬರುವ ಮಾರ್ಗದಲ್ಲಿ ಹುಣಸೇಕೆರೆ ಬಳಿ ಸೋಮವಾರ ಅಪಘಾತ ಸಂಭವಿಸಿದೆ. ಈ ವೇಳೆ ಬಸ್ ಮುಂದಿನ ಚಕ್ರದ ಅಡಿಗೆ ಬೈಕ್ ಸಿಲುಕಿದ್ದರಿಂದ ಸವಾರರಿಗೆ ತೀವ್ರವಾಗಿ ಗಾಯಗಳಾಗಿ ರಕ್ತಸ್ರಾವವಾಗಿದೆ. ಈ ಹಿನ್ನೆಲೆಯಲ್ಲಿ ಅವರು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆನ್ನಲಾಗಿದೆ. ಸ್ಥಳೀಯ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ | ಗೃಹ ಸಚಿವರ ಬೆಂಗಾವಲು ಜೀಪ್ ಅಪಘಾತ; ಪ್ರಾಣಾಪಾಯದಿಂದ ಪಾರು