ಬೆಂಗಳೂರು: ಮಾಜಿ ಸಿಎಂ ಜಗದೀಶ ಶೆಟ್ಟರ್ ಬಿಜೆಪಿ ತೊರೆದು ಕಾಂಗ್ರೆಸ್ ಸೇರುತ್ತಿರುವುದಕ್ಕೆ ಸಚಿವ ಮುನಿರತ್ನ ವಾಗ್ದಾಳಿ ನಡೆಸಿದ್ದು, ಅಲ್ಲಿ ಅವರು ಧೂಳು ಹೊಡೆಯೋದಕ್ಕೂ ಲಾಯಕ್ಕಲ್ಲ ಎಂದಿದ್ದಾರೆ.
ದೇವರು ಪ್ರತ್ಯಕ್ಷ ಆದ್ರೆ ಶೆಟ್ಟರ್ ಅವರಿಗೆ ನೂರು ವರ್ಷ ಆಯಸ್ಸು ಕೊಡ್ಲಿ ಅಂತಾ ಕೇಳ್ತೀನಿ. ಜಗದೀಶ್ ಶೆಟ್ಟರ್ ಯಾಕೆ ಪಕ್ಷ ಬಿಟ್ರೋ ಗೊತ್ತಿಲ್ಲ. ಅವರು ತುಂಬಾ ಲೇಟಾಗಿ ಹೋಗ್ತಾ ಇದ್ದಾರೆ.
ಅಲ್ಲಿ ಧೂಳು ಹೊಡೆಯೋಕೆ ಕೂಡ ಅವರು ಲಾಯಕ್ ಇಲ್ಲ. ಕಾಂಗ್ರೆಸ್ ನಲ್ಲಿ ಯಾರಿಗೂ ಮಣೆ ಹಾಕೋಲ್ಲ. ಆರಾಮಾಗಿ ಮಕ್ಕಳು ಮೊಮ್ಮಕ್ಕಳು ಆಡಿಸೊದು ಬಿದ್ದು ಕಾಂಗ್ರೆಸ್ ಸೇರ್ಪಡೆ ಯಾಕೆ ಬೇಕು? ಅವರಿಗೆ ವಯಸ್ಸು 67 ಆಗಿದೆಯೇ ವಿನಃ 27 ವರ್ಷ ಅಲ್ಲ.
ಬಿಜೆಪಿ ಪಕ್ಷ ಅವರಿಗೆ ಒಳ್ಳೆಯ ಸ್ಥಾನಮಾನ ಕೊಟ್ಟಿದೆ. ಜಗದೀಶ್ ಶೆಟ್ಟರ್ ಬಿಜೆಪಿ ಸಿಂಬಲ್ ಬಿಟ್ರೆ ಅಲ್ಲಿ ಗೆಲ್ಲೋಕೆ ಆಗಲ್ಲ. ಯಡಿಯೂರಪ್ಪ ತರಹ ರಾಜ್ಯದಲ್ಲಿ ಯಾವ ಅಭ್ಯರ್ಥಿಯನ್ನು ಗೆಲ್ಲುಸೋ ಶಕ್ತಿ ಇದೆ? ಶೆಟ್ಟರ್ ತಮ್ಮ ಕ್ಷೇತ್ರ ಬಿಟ್ಟು ಪಕ್ಕದ ಕ್ಷೇತ್ರ ಗೆಲ್ತಾರಾ ಮೊದಲು ನೋಡಲಿ. ಮಗನಿಗೆ ಹುಡುಗಿ ನೋಡಲು ಹೋಗಿ ತಂದೆಯೇ ಮದುವೆ ಆದಂತೆ ಇದೆ ಶೆಟ್ಟರ್ ಅವರ ನಡೆ ಎಂದು ವ್ಯಂಗ್ಯವಾಡಿದ್ದಾರೆ.
ಇದನ್ನೂ ಓದಿ: BJP Karnataka: ನೂರು ಶೆಟ್ಟರ್‌ಗಳನ್ನು ತಯಾರಿಸುವ ತಾಕತ್ತು ಬಿಜೆಪಿಗಿದೆ: ಬಿಜೆಪಿ ಮುಖ್ಯ ವಕ್ತಾರ ಎಂ.ಜಿ. ಮಹೇಶ್‌