ಬೀದರ್: ರಾಜ್ಯದಲ್ಲಿ ಗೋಹತ್ಯೆ ನಿಷೇಧ (cow slaughter) ವಿಚಾರವು ಈಗ ಭಾರಿ ಚರ್ಚೆ ನಡೆಯುತ್ತಿದೆ. ಬಿಜೆಪಿ ಜಾರಿಗೆ ತಂದಿರುವ ಕಾಯ್ದೆಯನ್ನು ವಾಪಸ್‌ ಪಡೆಯುವುದಾಗಿ ಕಾಂಗ್ರೆಸ್ ಸರ್ಕಾರ ಹೇಳುತ್ತಿದೆ. ಈ ಮಧ್ಯೆ ಬಸವಕಲ್ಯಾಣ ಶಾಸಕ ಶರಣು ಸಲಗರ ಅವರು, ಗೋ ಹತ್ಯೆ ತಡೆದು ಮುಸ್ಲಿಂರಿಗೆ ಆವಾಜ್ ಹಾಕಿದ್ದಾರೆ. ಹಿಂದುಗಳು ಪುಕ್ಕಲರಲ್ಲ ಎಂದು ಗುಡುಗಿದ್ದಾರೆ.
ಬಸವಕಲ್ಯಾಣದ ಇನಾಮ್ ಉಲ್ಲಾ ಖಾನ್ ಎಂಬುವವರ ಮನೆಯಲ್ಲಿ ಗೋ ಹತ್ಯೆ ನಡೆಯುತ್ತಿದೆ ಎಂಬ ಖಚಿತ ಮಾಹಿತಿ ಹಿನ್ನೆಲೆಯಲ್ಲಿ ಸ್ಥಳಕ್ಕಾಗಮಿಸಿ ಪರಿಶೀಲನೆ ನಡೆಸಿದ್ದಾರೆ. ಮುಸ್ಲಿಂ ಏರಿಯಾದಲ್ಲಿ ನಿಂತು ಗೋಹತ್ಯೆ ವಿರುದ್ಧ ಆಕ್ರೋಶವನ್ನು ಹೊರಹಾಕಿದ್ದಾರೆ.
ಗೋ ಹತ್ಯೆ ತಡೆಯಲು ನಿರಂತರ ಹೋರಾಟ ಇರಬೇಕು. ಗೋ ಹತ್ಯೆ ಮಾಡುವವರ ವಿರುದ್ಧ ನಿರಂತರ ಹೋರಾಟ ಇರಬೇಕು. ಗೋ ಹತ್ಯೆ ಮಾಡುವುದು ಮುಸ್ಲಿಮರಿಗೆ ಮೈ ಉಂಡಿದೆ. ಹಿಂದುಗಳು ನೂರು ಜನ ಸೇರಿದರೂ ಪುಕ್ಕಲರಿದ್ದಾರೆ ಎಂಬುದು ಮುಸ್ಲಿಮರ ಭಾವನೆಯಾಗಿದೆ. ಹಿಂದುಗಳು ಪುಕ್ಕಲರಲ್ಲ ಅನ್ನವುದನ್ನು ಮುಸ್ಲಿಮರಿಗೆ ಸಾಬೀತು ಮಾಡಿ ತೋರಿಸುತ್ತೇವೆ. ಹಿಂದುಗಳು ಏನು ಅನ್ನುವುದನ್ನು ತೋರಿಸಬೇಕು ಇವರಿಗೆ. ನಾವು ಗಂಡಸರು ಅನ್ನುವುದನ್ನು ನಿಮಗೆ ತೋರಿಸುತ್ತೇವೆ ಎಂದು ಶಾಸಕ ಶರಣು ಸಲಗರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಹಿಂದುಗಳು ಗಂಡಸರು ಎಂಬುವುದು ಸಾಬೀತು ಮಾಡುತ್ತೇವೆ
ಬಸವಕಲ್ಯಾಣದಲ್ಲಿ ಕಾನೂನು ಮಾತ್ರವೇ ಪಾಲನೆಯಾಗಬೇಕು. ಇಲ್ಲಿ ಮುಸ್ಲಿಂರ ದಬ್ಬಾಳಿಕೆ ನಡೆಯುತ್ತಿದೆ. ಬಸವಕಲ್ಯಾಣದಲ್ಲಿ ಹಿಂದುಗಳು ಗಂಡಸರು ಎಂಬುವುದು ಸಾಬೀತು ಮಾಡುತ್ತೇವೆ. ಕಾಂಗ್ರೆಸ್ ಅಲ್ಲ ಯಾವ ಸರ್ಕಾರ ಬಂದರೂ ಏನು ಮಾಡುವುದಕ್ಕಾಗದು ಎಂದು ಗುಡುಗಿದ್ದಾರೆ.