ಗದಗ: ಗದಗ ಜಿಲ್ಲೆಯ ನರಗುಂದ ವಿಧಾನಸಭಾ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ಸಿ.ಸಿ ಪಾಟೀಲ್ 1634 ಮತಗಳ ಅಂತರದಲ್ಲಿ ಗೆಲುವು ಗೆಲುವು ಸಾಧಿಸಿದ್ದಾರೆ.
ಈ ಬಾರಿ ಇಲ್ಲಿ ಕಾಂಗ್ರೆಸ್ ಅಭ್ಯರ್ಥಿಯಾಗಿ ಬಿ.ಆರ್ ಯಾವಗಲ್, ಜೆಡಿಎಸ್‌ ಅಭ್ಯರ್ಥಿಯಾಗಿ ರುದ್ರಗೌಡ ಪಾಟೀಲ, ಆಪ್‌ನಿಂದ ರಾಮಪ್ಪ ದ್ಯಾವಪ್ಪ ಹೊನ್ನವರ, ಬಿಜೆಪಿಯಿಂದ ಸಿ.ಸಿ ಪಾಟೀಲ ಕಣದಲ್ಲಿದ್ದರು.
2018ರಲ್ಲಿ ನಡೆದ ವಿಧಾನಸಭೆ ಚುನಾವಣೆಯಲ್ಲಿ ಭಾರತೀಯ ಜನತಾ ಪಾರ್ಟಿಯ ಸಿ.ಸಿ ಪಾಟೀಲ 73,045 ಮತ ಪಡೆದು ಗೆಲುವು ಸಾಧಿಸಿದ್ದರು. ಇಂಡಿಯನ್ ನ್ಯಾಷನಲ್ ಕಾಂಗ್ರೆಸ್‌ನ ಬಸವರಡ್ಡಿ ಯಾವಗಲ್ 7979 ಮತಗಳ ಅಂತರದಿಂದ ಸೋಲನ್ನು ಅನುಭವಿಸಿದ್ದರು. ಈ ಬಾರಿ ಮತಗಳ ಅಂತರ ಕೇವಲ 1634ಕ್ಕೆ ಇಳಿದಿದೆ.
ಇಲ್ಲಿ ಇರುವ ಒಟ್ಟು ಮತಗಳು 186,012. ಪುರುಷರು 94,854 ಹಾಗೂ ಸ್ತ್ರೀಯರು 91,153.