ಕೊಪ್ಪಳ: ಇದು ಯಾವ ಸಿನಿಮಾ ಕತೆಗೂ ಕಮ್ಮಿ ಇಲ್ಲ. ಹೈ ಫೈ ಕಳ್ಳತನಕ್ಕಿಳಿದಿದ್ದ ವ್ಯಕ್ತಿಯೊಬ್ಬ ಕಾರು ಚಲಾಯಿಸಿಕೊಂಡು ಜುಮ್‌ ಎಂದು ಬರುತ್ತಿದ್ದ. ದಾರಿ ಮೇಲೆ ಕುರಿ ಮೇಯಿಸಿಕೊಂಡು ಒಬ್ಬನೇ ವ್ಯಕ್ತಿ ಬರುತ್ತಿದ್ದಾನೆ ಎಂಬುದು ಖಾತ್ರಿಯಾದರೆ ಸಾಕು, “ಕೈ ಕಟ್‌- ಬಾಯ್ ಮುಚ್‌” ಎನ್ನುವ ರೀತಿಯಲ್ಲಿ ಕುರಿಗಾಹಿಗೆ ಥಳಿಸಿ, ಆ ಕುರಿಗಳನ್ನು ತನ್ನ ಕಾರಿನೊಳಗೆ ಹಾಕಿ ಪರಾರಿಯಾಗುತ್ತಿದ್ದ. ಈಗ ಈ ಖರ್ತನಾಕ್‌ ಕುರಿ ಕಳ್ಳನೊಬ್ಬ (Sheep thief) ಪೊಲೀಸರ ಅತಿಥಿಯಾಗಿದ್ದಾನೆ.
ಇಲ್ಲಿನ ಬುದಗುಂಪಾ ಗ್ರಾಮದಲ್ಲಿ ಕುರಿ ಮೇಯಿಸಿಕೊಂಡು ಬರುತ್ತಿದ್ದ ಈತ ಯಾದಗಿರಿ ಜಿಲ್ಲೆಯ ಕುರಕುಂಬಾತಾಂಡಾದ ನಿವಾಸಿ ನಾಗಪ್ಪ ಹಟ್ಟಿ ಎಂಬುವವರ ಎದುರು ಕಾರು ನಿಲ್ಲಿಸಿದ ಮೋತಿರಾಮ, ಏಕಾಏಕಿ ಅವರ ಮೇಲೆ ದಾಳಿ ನಡೆಸಿದ್ದಾನೆ. ಬಳಿಕ ಆತನ ಕೈ-ಕಾಲು ಕಟ್ಟಿದ್ದಾನೆ. ಹಾಗೇ ಕೂಗಿಕೊಳ್ಳಬಾರದು ಎಂದು ಬಾಯಿಗೆ ಬಟ್ಟೆ ಕಟ್ಟಿದ್ದಾನೆ. ಬಳಿಕ ಆತನನ್ನು ಅಲ್ಲಿಯೇ ಬಿಟ್ಟು ಕುರಿಗಳನ್ನು ತನ್ನ ಕಾರಿನಲ್ಲಿ ಹಾಕಿಕೊಂಡು ಪರಾರಿಯಾಗಿದ್ದಾನೆ.
ವಿಷಯ ತಿಳಿದ ಮುನಿರಾಬಾದ್ ಪೊಲೀಸರು ಕೂಡಲೇ ಕಾರ್ಯಪ್ರವೃತ್ತರಾಗಿ, ಬೆನ್ನಟ್ಟಿದ್ದು, ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ವಿಚಾರಣೆ ಮುಂದುವರಿಸಿದ್ದಾರೆ.
ಇದನ್ನೂ ಓದಿ | Child Theft | ಮಕ್ಕಳ ಕಳ್ಳನೆಂದು ತಿಳಿದು ಭಿಕ್ಷುಕನಿಗೆ ಹಿಗ್ಗಾಮುಗ್ಗಾ ಥಳಿತ