ಕಾರವಾರ: ಮನೆ ಗೋಡೆ ಕುಸಿದು(Wall collapse) ಬಿದ್ದು ಇಬ್ಬರು ಮೃತಪಟ್ಟಿರುವ ಘಟನೆ ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾ ತಾಲೂಕಿನ ಬಾವಿಕೇರಿಯಲ್ಲಿ ನಡೆದಿದೆ. ಮಧುಕರ ಸುಬ್ರಾಯ ನಾಯಕ(58), ಶಾಂತಾರಾಮ ನಾರಾಯಣ ನಾಯಕ(58) ಮೃತರು.
ಮೃತ ಮಧುಕರ ಅವರ ಹಳೆ ಮನೆ ಗೋಡೆಯನ್ನು ಮಂಗಳವಾರ ತೆರವುಗೊಳಿಸುವ ಆಕಸ್ಮಿಕವಾಗಿ ಗೋಡೆ ಕುಸಿದುಬಿದ್ದ ಪರಿಣಾಮವಾಗಿ ಇಬ್ಬರೂ ಗೋಡೆ ಅವಶೇಷಗಳಡಿ ಸಿಲುಕಿದ್ದಾರೆ. ಗಂಭೀರ ಸ್ಥಿತಿಯಲ್ಲಿ ಇದ್ದವರನ್ನು ಪ್ರತ್ಯೇಕವಾಗಿ ಮಂಗಳೂರು ಆಸ್ಪತ್ರೆಗೆ ಸಾಗಿಸುತ್ತಿದ್ದಾಗ ಒಬ್ಬರು ಕುಮಟಾ ಮಿರ್ಜಾನ ಬಳಿ, ಮತ್ತೊಬ್ಬರು ಕುಂದಾಪುರ
ಬೈಂದೂರು ಬಳಿ ಮೃತ ಪಟ್ಟಿರುವುದಾಗಿ ತಿಳಿದು ಬಂದಿದೆ. ಸ್ಥಳಕ್ಕೆ ಭೇಟಿ ನೀಡಿದ ಅಂಕೋಲಾ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಇದನ್ನೂ ಓದಿ | Road Accident | ತುಮಕೂರಿನಲ್ಲಿ ಲಾರಿ-ಕಾರು ಮುಖಾಮುಖಿ ಡಿಕ್ಕಿಯಾಗಿ ಇಬ್ಬರು ಸ್ಥಳದಲ್ಲೇ ಸಾವು