ಬೆಂಗಳೂರು: ಕನ್ನಡದ ಹಿರಿಯ ನಟ ಅನಂತನಾಗ್ (Anant Nag) ಅವರು ಕಾರಿನಲ್ಲಿ ಪ್ರಯಾಣಿಸುವಾಗ ಹಾಡಿದ ಹಾಡು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ. ಪತ್ರಕರ್ತ ಹಾಗೂ ಲೇಖಕ ಜೋಗಿ (Jogi) ಅವರು ವಿಡಿಯೋವನ್ನು ಫೇಸ್‌ಬುಕ್‌ನಲ್ಲಿ (Facebook) ಹಂಚಿಕೊಂಡಿದ್ದಾರೆ. ಸಾಕಷ್ಟು ಜನರು ಪೋಸ್ಟ್ ಷೇರ್ ಮಾಡಿಕೊಂಡಿದ್ದಾರೆ. ಹಲವರು ಕಮೆಂಟ್‌ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ(Viral Video).
ಈ ವಿಡಿಯೋ 2.13 ನಿಮಿಷದಷ್ಟು ದೀರ್ಘವಾಗಿದೆ. ಜೋಗಿ ಅವರು ಫೇಸ್‌ಬುಕ್‌ನಲ್ಲಿ ಷೇರ್ ಮಾಡಿಕೊಂಡು, ‘ಮೇರು ನಟನ ಹಾಡು ಹಬ್ಬ ದಾರಿಯುದ್ದಕ್ಕೂ..’ ಎಂದು ಬರೆದುಕೊಂಡಿದ್ದಾರೆ. ವಿಡಿಯೋದಲ್ಲಿ ನಟ ಅನಂತನಾಗ್ ಅವರ ತನ್ಮಯರಾಗಿ, ದಶಭುಜ ಮಂದಿತ್‌ಟಕ್ಕಮ್….… ಎಂದು ಹಾಡುತ್ತಾ ಹೋಗುತ್ತಾರೆ.
ಇದನ್ನೂ ಓದಿ: Rishab Shetty | ʻಅದ್ಭುತ ವ್ಯಕ್ತಿಗಳ ಜತೆ ಅದ್ಭುತ ಚರ್ಚೆʼ ಅಂದಿದ್ಯಾಕೆ ರಿಷಬ್‌ ಶೆಟ್ಟಿ: ಫೋಟೊ ವೈರಲ್!
ಈ ವಿಡಿಯೋವನ್ನು ಯಾವಾಗ ಚಿತ್ರಿಕರಿಸಲಾಗಿದೆ, ಅನಂತನಾಗ್ ಅವರು ಎಲ್ಲಿಂದ ಎಲ್ಲಿಗೆ ಹೊರಟಿದ್ದರು ಎಂಬ ಯಾವ ಮಾಹಿತಿಯೂ ಇಲ್ಲ. ಆದರೆ, ಅವರು ತುಂಬ ತನ್ಮಯರಾಗಿ ಹಾಡುತ್ತಿರುವ ವಿಡಿಯೋ ಸಾಕಷ್ಟು ನೆಟ್ಟಿಗರನ್ನು ಸೆಳೆದುಕೊಂಡಿದೆ. ಭಾನುವಾರ ಈ ವಿಡಿಯೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಅಪ್‌ಲೋಡ್ ಮಾಡಲಾಗಿದೆ.
