ಬೆಂಗಳೂರು: ವಿಸ್ತಾರ ನ್ಯೂಸ್‌ ಟಿವಿ ವಾಹಿನಿಯ ಅನಾವರಣ ಮತ್ತು ಕಾಯಕ ಯೋಗಿ ಪುರಸ್ಕಾರ ಸಮಾರಂಭ ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದಲ್ಲಿ ಭಾನುವಾರ ಮುಂಜಾನೆ ಜನಪದ ನೃತ್ಯ ಹಾಡು ಕುಣಿತಗಳೊಂದಿಗೆ ಆರಂಭವಾಯಿತು.
ವಿವಿಧ ಜಾನಪದ ಕಲಾ ತಂಡಗಳು ನಾಡಿನ ಹಲವು ನೃತ್ಯ ಪ್ರಕಾರಗಳನ್ನು ಪ್ರದರ್ಶಿಸಿದವು. ನಾಡಿನ ಹಲವು ಕಡೆಯಿಂದ ಬಂದ ಗಣ್ಯರು ಈ ದೃಶ್ಯಕ್ಕೆ ಸಾಕ್ಷಿಯಾದರು. ದೊಳ್ಳು ಕುಣಿತ, ವೀರಗಾಸೆ, ಯಕ್ಷಗಾನ ವೇಷಗಳು ನೆರೆದವರನ್ನು ರಂಜಿಸಿದವು.
ಗಾಯಕಿ ಎಂ.ಡಿ. ಪಲ್ಲವಿ ಅವರ ಸಂಗೀತ ರಸಮಂಜರಿಯೊಂದಿಗೆ ಕಾರ್ಯಕ್ರಮ ಆರಂಭವಾಗುತ್ತಿದ್ದು, ನಾಡಿನ ಗಣ್ಯರ ಉಪಸ್ಥತಿಯೊಂದಿಗೆ ಚಾನೆಲ್‌ ಅನಾವರಣ ಹಾಗೂ ದಿನವಿಡೀ ವಿವಿಧ ಮನರಂಜನಾ ಕಾರ್ಯಕ್ರಮಗಳು ನಡೆಯಲಿವೆ.