ಬೆಂಗಳೂರು: ಖ್ಯಾತ ಗಾಯಕಿ ಎಂ.ಡಿ ಪಲ್ಲವಿ ಹಾಗೂ ತಂಡದವರು ʻವಿಸ್ತಾರ ನ್ಯೂಸ್‌ ಟಿವಿ ಅನಾವರಣʼ ಕಾರ್ಯಕ್ರಮವನ್ನು ಸುಮಧುರ ಹಾಡುಗಳೊಂದಿಗೆ ಆರಂಭಿಸಿದರು. ಬೆಂಗಳೂರಿನ ರವೀಂದರ ಕಲಾಕ್ಷೇತ್ರದಲ್ಲಿ ಇಡೀ ದಿನದ ಈ ಕಾರ್ಯಕ್ರಮ ನಡೆಯುತ್ತಿದೆ.
ಕರುಣಾಳು ಬಾ ಬೆಳಕೆ, ಬದುಕು ಜಟಕಾ ಬಂಡಿ ಮುಂತಾದ ಹಾಡುಗಳನ್ನು ಹಾಡಿ ಎಂ.ಡಿ ಪಲ್ಲವಿ ಸಭಿಕರನ್ನು ರಂಜಿಸಿದರು. ಕನ್ನಡದ ಖ್ಯಾತ ಕವಿಗಳು ರಚಿಸಿದ ಸುಮಧುರ ಭಾವಗೀತೆಗಳಿಗೆ ಪಲ್ಲವಿ ಧ್ವನಿಯಾದರು. ರಾಜಧಾನಿಯ ಕೇಳುಗರಿಗೆ ಭಾನುವಾರದ ಬೆಳಗು ಈ ಹಾಡುಗಳೊಂದಿಗೆ ಸಂಪನ್ನವಾಯಿತು.