ಬೆಂಗಳೂರು: ರಾಷ್ಟ್ರೀಯ ಹೆದ್ದಾರಿಗಳ (Express Highway) ಸಂಖ್ಯೆ ದೇಶದಲ್ಲಿ ಹೆಚ್ಚಾಗುತ್ತಿರುವಂತೆಯೇ ಅದರ ಬಳಕೆದಾರರ ಪ್ರಮಾಣವೂ ಅಧಿಕವಾಗಿದೆ. ಹೀಗಾಗಿ ಹೆದ್ದಾರಿ ಬಳಕೆದಾರರ ಸವಾರಿ ಅನುಭವವನ್ನು ಹೆಚ್ಚಿಸಲು ಮತ್ತು ಎಕ್ಸ್ಪ್ರೆಸ್ವೇಗಳಲ್ಲಿ ತಡೆರಹಿತ ಪ್ರಯಾಣದ ಸೌಕರ್ಯ ಒದಗಿಸಲು, ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ (ಎನ್ಎಚ್ಎಐ) ರಾಜಮಾರ್ಗಯಾತ್ರಾ (‘Rajmargyatra) ಎಂಬ ಮೊಬೈಲ್ ಅಪ್ಲಿಕೇಶನ್ ಪರಿಚಯಿಸಿದೆ. ಈ ನಾಗರಿಕ ಕೇಂದ್ರಿತ ಏಕೀಕೃತ ಮೊಬೈಲ್ ಅಪ್ಲಿಕೇಶನ್ ರಾಷ್ಟ್ರೀಯ ಹೆದ್ದಾರಿ ಬಳಕೆದಾರರಿಗೆ ಸಮಗ್ರ ಮಾಹಿತಿ ಮತ್ತು ಪರಿಹಾರ ಒದಗಿಸುವ ಗುರಿಯನ್ನು ಹೊಂದಿದೆ.
ಹೆದ್ದಾರಿಗಳ ಪ್ರಯಾಣದ ವೇಳೆ ದೂರುಗಳು ಮತ್ತು ಕುಂದುಕೊರತೆಗಳನ್ನು ಪರಿಹರಿಸಲು ಈ ಆ್ಯಪ್ ಅಭಿವೃದ್ಧಿ ಮಾಡಲಾಗಿದೆ. ಮೊಬೈಲ್ ಬಳಕೆದಾರರಿಂದ ನೋಂದಾಯಿತ ದೂರನ್ನು ಹತ್ತಿರದ ಟೋಲ್ ಪ್ಲಾಜಾದ ಸಂಬಂಧಿತ ಹೆದ್ದಾರಿ ಪ್ರಾಧಿಕಾರಕ್ಕೆ ಕಳುಹಿಸಲಾಗುತ್ತದೆ. ಈ ದೂರುಗಳನ್ನು ಟ್ರ್ಯಾಕ್ ಮಾಡುವ ಮತ್ತು ಮೇಲ್ವಿಚಾರಣೆ ಮಾಡುವ ವ್ಯವಸ್ಥೆಯನ್ನೂ ಮಾಡಲಾಗಿದೆ.
ಎಲ್ಲಿ ಡೌನ್ಲೋಡ್ ಮಾಡಿಕೊಳ್ಳಬಹುದು?
ರಾಜಮಾರ್ಗಯಾತ್ರಾ ಹಿಂದಿ ಮತ್ತು ಇಂಗ್ಲಿಷ್ ಭಾಷೆಗಳಲ್ಲಿ ಲಭ್ಯವಿದೆ. ಇದನ್ನು ಗೂಗಲ್ ಪ್ಲೇ ಸ್ಟೋರ್ ಮತ್ತು ಐಒಎಸ್ ಆಪ್ ಸ್ಟೋರ್ ಮೂಲಕ ಡೌನ್ಲೋಡ್ ಮಾಡಬಹುದು. ಪಿಐಬಿ ಪತ್ರಿಕಾ ಪ್ರಕಟಣೆಯ ಪ್ರಕಾರ, ಹೊಸ ಅಪ್ಲಿಕೇಶನ್ನ ಪ್ರಮುಖ ವೈಶಿಷ್ಟ್ಯಗಳು ಈ ಕೆಳಗಿನಂತಿವೆ.
ಆ್ಯಂಡ್ರಾಯ್ಡ್ ಮೊಬೈಲ್ಗೆ ಡೌನ್ಲೋಡ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ
ಆ್ಯಪಲ್ ಮೊಬೈಲ್ಗಳಿಗೆ ಆ್ಯಪ್ ಡೌನ್ಲೋಡ್ ಮಾಡಲು ಇಲ್ಲಿ ಕ್ಲಿಕ್ ಮಾಡಿ.
ಸಮಗ್ರ ಹೆದ್ದಾರಿ ಮಾಹಿತಿ: ‘ರಾಜಮಾರ್ಗಯಾತ್ರಾ’ ರಾಷ್ಟ್ರೀಯ ಹೆದ್ದಾರಿ ಬಳಕೆದಾರರಿಗೆ ಅಗತ್ಯ ಮಾಹಿತಿಯ ಕಣಜವಾಗಿದೆ. ರಿಯಲ್ ಟೈಮ್ ಹವಾಮಾನ ಪರಿಸ್ಥಿತಿಗಳು, ಸಮಯೋಚಿತ ಪ್ರಸಾರ ಅಧಿಸೂಚನೆಗಳು ಮತ್ತು ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಟೋಲ್ ಪ್ಲಾಜಾಗಳು, ಪೆಟ್ರೋಲ್ ಪಂಪ್ಗಳು, ಆಸ್ಪತ್ರೆಗಳು, ಹೋಟೆಲ್ಗಳು ಮತ್ತು ಇತರ ಅಗತ್ಯ ಸೇವೆಗಳ ಬಗ್ಗೆ ವಿವರ ನೀಡುತ್ತದೆ.
ಇದನ್ನೂ ಓದಿ : Bangalore-Mysore Expressway: ಮರಣ ಮಾರ್ಗವಾಗಿದ್ದ ಹೆದ್ದಾರಿ ಈಗ ಸೇಫ್‌ ; ಅಪಘಾತಗಳ ಸಂಖ್ಯೆ ಭಾರಿ ಇಳಿಕೆ
ದೂರು ಮತ್ತು ಪರಿಹಾರ: ಅಪ್ಲಿಕೇಶನ್ ಅಂತರ್ನಿರ್ಮಿತ ದೂರು ಪರಿಹಾರ ಕಾರ್ಯವಿಧಾನ ಹೊಂದಿದೆ. ಸಾರ್ವಜನಿಕರು ಹೆದ್ದಾರಿ ಸಂಬಂಧಿತ ಸಮಸ್ಯೆಗಳನ್ನು ಸುಲಭವಾಗಿ ಆ್ಯಪ್ ಮೂಲಕ ವರದಿ ಮಾಡಬಹುದು. ಜಿಯೋ ಟ್ಯಾಗ್ ವಿಡಿಯೊಗಳು ಅಥವಾ ಫೋಟೋಗಳನ್ನು ಪೋಸ್ಟ್ ಮಾಡಬಹುದು. ದೂರುಗಳನ್ನು ಕಾಲಮಿತಿಯೊಳಗೆ ನಿರ್ವಹಿಸುವ ಮತ್ತು ವಿಳಂಬವಾದರೆ ಉನ್ನತ ಅಧಿಕಾರಿಗಳಿಗೆ ಮಾಹಿತಿ ರವಾನಿಸುವ ವ್ಯವಸ್ಥೆಯಿದೆ. ವ್ಯವಸ್ಥೆ ಪಾರದರ್ಶಕವಾಗಿದ್ದು. ಬಳಕೆದಾರರು ತಮ್ಮ ದೂರುಗಳನ್ನು ಟ್ರ್ಯಾಕ್ ಮಾಡಬಹುದು.
ಫಾಸ್ಟ್ಟ್ಯಾಗ್ಗಳ ಸೇವೆಗಳು: ‘ರಾಜಮಾರ್ಗಯಾತ್ರಾ ತನ್ನ ಸೇವೆಗಳನ್ನು ವಿವಿಧ ಬ್ಯಾಂಕ್ ಪೋರ್ಟಲ್ನೊಂದಿಗೆ ಲಿಂಕ್ ಮಾಡಿಕೊಂಡಿದೆ. ಇದು ಬಳಕೆದಾರರಿಗೆ ತಮ್ಮ ಫಾಸ್ಟ್ಟ್ಯಾಗ್ಗಳನ್ನು ರೀಚಾರ್ಜ್ ಮಾಡಲು, ಮಾಸಿಕ ಪಾಸ್ಗಳನ್ನು ಪಡೆಯಲು ಮತ್ತು ಇತರ ಫಾಸ್ಟ್ಟ್ಯಾಗ್ ಸಂಬಂಧಿತ ಬ್ಯಾಂಕಿಂಗ್ ಸೇವೆಗಳನ್ನು ಪಡೆಯಲು ನೆರವು ನೀಡುತ್ತದೆ.
ಜವಾಬ್ದಾರಿಯುತ ನಡವಳಿಕೆಗೆ ಪ್ರೇರಣೆ: ಸುರಕ್ಷಿತ ಚಾಲನಾ ನಡವಳಿಕೆಯನ್ನು ಉತ್ತೇಜಿಸಲು ಅತಿವೇಗದಲ್ಲಿ ವಾಹನ ಚಲಾಯಿಸವ ವೇಳೆ ಧ್ವನಿ ಎಚ್ಚರಿಕೆ ನೀಡುತ್ತದೆ.
ರಿಯಲ್ಟೈಮ್ ಅಪ್ಡೇಟ್: ಹವಾಮಾನ, ಹತ್ತಿರದ ಟೋಲ್ ಪ್ಲಾಜಾಗಳು, ಪೆಟ್ರೋಲ್ ಕೇಂದ್ರಗಳು, ಆಸ್ಪತ್ರೆಗಳು, ಹೋಟೆಲ್ಗಳು ಮತ್ತು ಇತರ ಪ್ರಮುಖ ಸೇವೆಗಳ ಬಗ್ಗೆ ನೈಜ ಸಮಯದ (ರಿಯಲ್ಟೈಮ್ ಅಪ್ಡೇಟ್) ನೀಡುತ್ತದೆ.
ದೂರುಗಳ ಪರಿಹಾರ ಹೇಗೆ?
- ಅಪ್ಲಿಕೇಶನ್ನಲ್ಲಿರುವ ಡ್ಯಾಶ್ಬೋರ್ಡ್ ದೂರುಗಳ ಸ್ಥಿತಿಯನ್ನು ಹೇಳುತ್ತದೆ.
- ಸ್ವೀಕರಿಸಿದ ದೂರುಗಳ ಸಂಖ್ಯೆಯನ್ನು ತೋರಿಸುತ್ತದೆ, ಉದಾಹರಣೆಗೆ “ಬಾಕಿ ಇದೆ”, “ಪ್ರಕ್ರಿಯೆಯಲ್ಲಿ” ಅಥವಾ ಪ್ರಗತಿ ಸಾಧಿಸಲಾಗಿದೆ ಎಂಬ ವಿವರ ನೀಡುತ್ತದೆ.
- ಟೋಕನ್, ದೂರುದಾರರ ಹೆಸರು, ಸ್ಥಳ, ದೂರುದಾರರ ಮೊಬೈಲ್ ಸಂಖ್ಯೆ, ದೂರುದಾರರ ಇಮೇಲ್ ವಿಳಾಸ, ವರದಿ ಮಾಡುವ ದಿನಾಂಕ, ದೂರು ಸ್ಥಿತಿ, ಬಳಕೆದಾರರ ಕಾಮೆಂಟ್ಗಳು ಮತ್ತು ಸಾಕ್ಷಿಗಳ ವೀಕ್ಷಣೆ ಈ ಆ್ಯಪ್ ಮೂಲಕ ಸಾಧ್ಯ.
- ಅಧಿಕಾರಿಗಳು ಸಂದೇಶವನ್ನು ಸಹ ಕಳುಹಿಸಬಹುದು . ಉದಾಹರಣೆಗೆ ರಸ್ತೆ ನಿರ್ವಹಣೆಯಲ್ಲದ್ದರೆ ಆ್ಯಪ್ ಮೂಲಕ ಮಾಹಿತಿ ನೀಡಬಹುದು.