ಗದಗ: ನರಗುಂದ ಪಟ್ಟಣದಲ್ಲಿ ಅನುಮಾನಾಸ್ಪದ (Murder Case) ರೀತಿಯಲ್ಲಿ ಮಹಿಳೆಯೊಬ್ಬರ ಶವ ಪತ್ತೆಯಾಗಿದೆ. ಪಟ್ಟಣದ ನವೋದಯ ಶಾಲೆ ಮೈದಾನದಲ್ಲಿ ಮಹಿಳೆ ಶವ ಪತ್ತೆಯಾಗಿದ್ದು, ಸ್ಥಳೀಯರಲ್ಲಿ ಆತಂಕ ಮೂಡಿಸಿದೆ.
ಸವಿತಾ ವೀರನಗೌಡ ಪಾಟೀಲ (30) ಮೃತ ಮಹಿಳೆ ಎಂದು ಗುರುತಿಸಲಾಗಿದೆ. ಮಹಿಳೆಯನ್ನು ದುಷ್ಕರ್ಮಿಗಳು ಕೊಲೆ ಮಾಡಿ, ಮರಳು ಗುಡ್ಡೆಯಲ್ಲಿ ಹೂತು ಹಾಕಲಾಗಿದೆ ಎಂದು ಶಂಕಿಸಲಾಗಿದೆ.
ಇದನ್ನೂ ಓದಿ: Karnataka Elections 2023 : 8 ಹಾಲಿ ಶಾಸಕರಿಗೆ ಟಿಕೆಟ್‌ ಮಿಸ್‌, 8 ಮಹಿಳೆಯರಿಗೆ ಚಾನ್ಸ್‌; ಬಾಕಿ ಉಳಿದಿವೆ 35 ಕ್ಷೇತ್ರಗಳು
ಸೋಮವಾರವಷ್ಟೇ ಮಹಿಳೆ ಕಾಣೆಯಾದ ಬಗ್ಗೆ ಪೊಲೀಸ್ ಠಾಣೆಗೆ ಕುಟುಂಬಸ್ಥರು ಮಾಹಿತಿ ನೀಡಿದ್ದರು. ಬುಧವಾರ (ಏ. 12) ಬೆಳಗಿನ ಜಾವ ಕೊಲೆಯಾದ ಸ್ಥಿತಿಯಲ್ಲಿ ಮಹಿಳೆ ಶವ ಪತ್ತೆಯಾಗಿದೆ. ಸ್ಥಳಕ್ಕೆ ನರಗುಂದ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ನರಗುಂದ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.
ರೌಡಿಶೀಟರ್ ಶಿವರಾಜ್ ಕೊಲೆ ಪ್ರಕರಣ; ಕೇವಲ 24 ಗಂಟೆಯಲ್ಲೇ ಐವರು ಆರೋಪಿಗಳು ಅರೆಸ್ಟ್‌
ಬೆಂಗಳೂರು: ನಗರದ ಉತ್ತರಹಳ್ಳಿಯ ಸ್ಪೈಸ್ ಬಾರ್‌ನಲ್ಲಿ ಭಾನುವಾರ ರಾತ್ರಿ ನಡೆದ ರೌಡಿಶೀಟರ್ ಶಿವರಾಜ್ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿ ಸುಬ್ರಹ್ಮಣ್ಯಪುರ ಪೊಲೀಸರು ಐವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಕೊಲೆ ನಡೆದು ಕೇವಲ 24 ಗಂಟೆಯಲ್ಲೇ ಬಂಧನ ನಡೆದಿದೆ. ಮಂಜುನಾಥ್, ಪ್ರಜ್ವಲ್, ಸುಮಂತ್ , ಪ್ರಶಾಂತ್, ರಾಮಕೃಷ್ಣ ಬಂಧಿತ ಆರೋಪಿಗಳು.
ರೌಡಿಶೀಟರ್ ಶಿವರಾಜ್ ಮತ್ತು ಮಂಜು ಅಲಿಯಾಸ್‌ ಪೋಲಾರ್ ಎಂಬಾತನೊಂದಿಗೆ ಭಾನುವಾರ ರಾತ್ರಿ ಬಾರ್‌ಗೆ ತೆರಳಿದ್ದರು. ಈ ವೇಳೆ ಕಂಠಪೂರ್ತಿ ಕುಡಿದು ಯಾವುದೊ ವಿಚಾರಕ್ಕೆ ಗಲಾಟೆ ಮಾಡಿಕೊಂಡಿದ್ದಾರೆ. ಈ ಮಧ್ಯೆ ಗಲಾಟೆ ತೀವ್ರ ಸ್ವರೂಪಕ್ಕೆ ತಿರುಗಿ, ಇಬ್ಬರು ಕೈ ಕೈ ಮಿಲಾಯಿಸಿದ್ದಾರೆ. ಒಬ್ಬರಿಗೊಬ್ಬರು ಕುಡಿದ ಮತ್ತಿನಲ್ಲಿ ಬಡಿದಾಡಿಕೊಂಡಿದ್ದು, ಸಿಟ್ಟಿಗೆದ್ದ ಮಂಜ ಶಿವರಾಜ್‌ನ ತಲೆಗೆ ಬಿಯರ್ ಬಾಟಲ್‌ನಿಂದ ಹಲ್ಲೆ ಮಾಡಿದ್ದಾನೆ. ಕುಸಿದು ಬಿದ್ದ ಮಂಜನನ್ನು ಕೂಡಲೇ ಬಾರ್‌ ಸಿಬ್ಬಂದಿ ಆಸ್ಪತ್ರೆಗೆ ಸೇರಿಸಲು ಮುಂದಾಗಿದ್ದು, ಮಾರ್ಗ ಮಧ್ಯೆ ಮೃತಪಟ್ಟಿದ್ದಾನೆ.
ಇದನ್ನೂ ಓದಿ: Firing at military station : ಪಂಜಾಬ್‌ ಸೇನಾ ನೆಲೆ ಪ್ರವೇಶಕ್ಕೆ ಉಗ್ರರ ಯತ್ನ: ನಾಲ್ವರನ್ನು ಹೊಡೆದುರುಳಿಸಿದ ಸೇನೆ
ನಿಜಕ್ಕೂ ಅಲ್ಲಿ ಆಗಿದ್ದೇನು?
ರೌಡಿ ಶೀಟರ್‌ ಶಿವರಾಜ್ ಮತ್ತು ಆರೋಪಿಗಳಾದ ಮಂಜುನಾಥ್, ಪ್ರಜ್ವಲ್, ಸುಮಂತ್, ಪ್ರಶಾಂತ್, ರಾಮಕೃಷ್ಣ ಅವರು ಬಾರ್‌ನಲ್ಲಿ ಪಾರ್ಟಿ ಮಾಡುತ್ತಿದ್ದರು. ಈ ವೇಳೆ ಶಿವರಾಜ್ ಫುಲ್ ಟೈಟ್ ಆಗಿ ಬಾರ್‌ನಿಂದ ಹೊರಗಡೆ ಹೊರಟಿದ್ದ. ಆತ ಹೊರಗೆ ಹೋಗುವುದನ್ನು ನೋಡಿದ ಮಂಜುನಾಥ್, ʻʻನೋಡೊ ಫುಲ್ ಟೈಟ್ ಆಗಿ ಹೇಗ್ ತೂರಾಡ್ಕೊಂಡು ಹೋಗ್ತಿದ್ದಾನೆ (ಗಾ… )ʼʼ ಎಂದು ಹೇಳಿದ್ದ
ಈ ಮಾತು ಕೇಳಿಸಿಕೊಂಡು ತಿರುಗಿ ಬಂದ ಶಿವರಾಜ್, ಮಂಜುನಾಥ್‌ಗೆ ಹಲ್ಲೆ ಮಾಡಿದ್ದ. ಕಪಾಳಕ್ಕೆ ಹೊಡೆದು ಕಳುಹಿಸಿದ್ದ. ಕಪಾಳಕ್ಕೆ ಹೊಡೆಸಿಕೊಂಡು ಕೋಪದಿಂದ ಹೊರಗೆ ಬಂದ ಮಂಜುನಾಥ್ ಹೊರಗೆ ಬಂದು ಕಾಯುತ್ತಿದ್ದ. ಶಿವರಾಜ್ ಬಾರ್‌ನಿಂದ ಹೊರಗೆ ಬರುತ್ತಿದ್ದಂತೆಯೇ ಬಿಯರ್ ಬಾಟಲ್‌ನಿಂದ ಹಲ್ಲೆ ಮಾಡಿದ್ದಾನೆ. ಬಳಿಕ ಉಳಿದವರು ಸೇರಿ ಕಲ್ಲಿನಿಂದ ಜಜ್ಜಿ ಕೊಲೆ ಮಾಡಿದ್ದರು.
ಚಲಿಸುವ ಲಾರಿ ಮೇಲೆ ರಕ್ತಸಿಕ್ತ ಬಟ್ಟೆ
ಕೊಲೆ ಮಾಡಿದ ಬಳಿಕ ಸಿನಿಮಾ ಸ್ಟೈಲ್‌ನಲ್ಲಿ ಸಾಕ್ಷಿಗಳ ನಾಶಕ್ಕೆ ಯತ್ನಿಸಿದ ಆರೋಪಿಗಳು ಮೊದಲು ಕೊಲೆ ಮಾಡಿದ್ದ ವೇಳೆ ಹಾಕಿದ್ದ ಬಟ್ಟೆಗಳ ಬದಲಾಯಿಸಿದರು. ಹೊಸ ಬಟ್ಟೆಗಳನ್ನು ತೆಗೆದುಕೊಂಡು ರಕ್ತಸಿಕ್ತ ಬಟ್ಟೆಗಳನ್ನು ಮೈಸೂರು ಹೈವೆಯಲ್ಲಿ ಚಲಿಸುವ ಲಾರಿಯೊಂದರ ಮೇಲೆ ಎಸೆದಿದ್ದಾರೆ.
ಇದನ್ನೂ ಓದಿ: ನಾನು ಸುರಕ್ಷಿತವಾಗಿ ಇರುವುದೇ ಮಾಧ್ಯಮದವರಿಂದ ಎಂದ ಅತೀಕ್ ಅಹ್ಮದ್; ಜೈಲಲ್ಲಿರುವ ಗ್ಯಾಂಗ್ಸ್ಟರ್ಗೆ ಕಾಡುತ್ತಿದೆ ಅದೊಂದು ಭಯ!
ಈ ನಡುವೆ ಆರೋಪಿಗಳನ್ನು ಬೆನ್ನಟ್ಟಿದ ಪೊಲೀಸರು ಕೊಲೆ ನಡೆದ 24 ಘಂಟೆ ಒಳಗೆ ಮದ್ದೂರು ಬಳಿ ಬಂಧಿಸಿದ್ದಾರೆ. ಇನ್ನೂ ಒಬ್ಬ ತಲೆ ಮರೆಸಿಕೊಂಡಿದ್ದು ಅವನಿಗಾಗಿ ಹುಡುಕಾಟ ನಡೆಯುತ್ತಿದೆ.