ರಾಯಚೂರು: ತಾಲೂಕಿನ ಶಕ್ತಿನಗರದ (Raichur News) ರಾಯಚೂರು ಶಾಖೋತ್ಪನ್ನ ವಿದ್ಯುತ್ ಸ್ಥಾವರದ (ಆರ್‌ಟಿಪಿಎಸ್) 4ನೇ ಘಟಕದಲ್ಲಿ ವಿದ್ಯುತ್ ಸ್ಪರ್ಶದಿಂದ ಕಾರ್ಮಿಕ ಮೃತಪಟ್ಟಿರುವ ಘಟನೆ ಶನಿವಾರ ನಡೆದಿದೆ. ಯಾದಗಿರಿ ಮೂಲದ ನಿಂಗಪ್ಪ (45) ಮೃತ ಕಾರ್ಮಿಕ. ಆರ್‌ಟಿಪಿಎಸ್ 4ನೇ ಘಟಕದ ಇಎಸ್‌ಪಿಸಿ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದ ನಿಂಗಪ್ಪಗೆ ವಿದ್ಯುತ್ ತಗುಲಿದ್ದರಿಂದ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.
ವಿದ್ಯುತ್ ಶಾಕ್‌ನಿಂದ ಕಾರ್ಮಿಕ ಮೃತಪಟ್ಟಿರುವ ಹಿನ್ನೆಲೆಯಲ್ಲಿ ಆರ್‌ಟಿಪಿಎಸ್ ಘಟಕದ ಎದುರು ಕಾರ್ಮಿಕರು ಪ್ರತಿಭಟನೆ ನಡೆಸಿ, ಕಾರ್ಮಿಕರಿಗೆ ಸೂಕ್ತ ಭದ್ರತೆ ಜತೆ ಮುಂಜಾಗ್ರತಾ ಕ್ರಮ ಕೈಗೊಳ್ಳಬೇಕು. ಜತೆಗೆ ಮೃತ ಕಾರ್ಮಿಕನ ಕುಟುಂಬಕ್ಕೆ ಸೂಕ್ತ ಪರಿಹಾರ ನೀಡುವಂತೆ ಒತ್ತಾಯಿಸಿದರು.
ಇದನ್ನೂ ಓದಿ | Assault Case: ಸೆಕ್ಸ್‌ಗೆ ನಿರಾಕರಿಸಿದ ಲಿವ್‌ ಇನ್‌ ಗೆಳತಿಗೆ ಸ್ಕ್ರೂಡ್ರೈವರ್‌ ಇರಿದ ದುರುಳ; ಕಂಬಿ ಹಿಂದೆ ಕಂತ್ರಿ
ಹುಬ್ಬಳ್ಳಿ APMC ಬಳಿ ಭೀಕರ ಅಪಘಾತ; ಬೈಕ್ ಸವಾರ, ಪಾದಚಾರಿ ಇಬ್ಬರೂ ಮೃತ್ಯು
ಹುಬ್ಬಳ್ಳಿ: ಬೈಕೊಂದು ರಸ್ತೆ ದಾಟುತ್ತಿದ್ದ ಪಾದಚಾರಿಯೊಬ್ಬರಿಗೆ ಡಿಕ್ಕಿ ಹೊಡೆದು (Road accident) ಸವಾರ ಮತ್ತು ಪಾದಚಾರಿ ಇಬ್ಬರೂ ಪ್ರಾಣ ಕಳೆದುಕೊಂಡ ದಾರುಣ ಘಟನೆ ಹುಬ್ಬಳ್ಳಿಯ ಎಪಿಎಂಸಿ (Hubballi News) ಬಳಿ ಶನಿವಾರ ನಡೆದಿದೆ. ವೇಗವಾಗಿ ಬಂದ ಬೈಕ್ ಪಾದಚಾರಿಗೆ ಡಿಕ್ಕಿ ಹೊಡೆದ (Bike hits Road crosser) ಪರಿಣಾಮವಾಗಿ ಅವಘಡ ಸಂಭವಿಸಿದೆ. ಬೈಕ್ ಸವಾರ ಮಕ್ತುಂ ಹಾಗೂ ಪಾದಚಾರಿ ಬಸವರಾಜ್‌ ಮೃತಪಟ್ಟವರು.
ಬಸವರಾಜ್‌ ಅವರು ಎಪಿಎಂಸಿ ಬಳಿ ರಸ್ತೆಯನ್ನು ದಾಟುತ್ತಿದ್ದರು. ಆಗ ಮಕ್ತುಂ ಅವರು ವೇಗವಾಗಿ ಬೈಕ್ ಚಲಾಯಿಸುತ್ತ ಬಂದಿದ್ದರು. ಈ ವೇಳೆ ಬೈಕ್ ನಿಯಂತ್ರಣಕ್ಕೆ ಬಾರದೆ ಡಿಕ್ಕಿ ಹೊಡೆಯಿತು. ಆಗ ಇಬ್ಬರೂ ಕೆಳಕ್ಕುರುಳಿ ಬಿದ್ದಿದ್ದಾರೆ. ಡಿಕ್ಕಿ ಹೊಡೆದು ಉರುಳಿದ ರಭಸಕ್ಕೆ ಮತ್ತು ಎಳೆದುಕೊಂಡು ಹೋದ ಹೊಡೆತಕ್ಕೆ ಸಿಲುಕಿ ಬೈಕ್ ಸವಾರ ಮಕ್ತುಂ ಸ್ಥಳದಲ್ಲೇ ಪ್ರಾಣ ಕಳೆದುಕೊಂಡಿದ್ದಾರೆ.
ಪಾದಚಾರಿ ಬಸವರಾಜ್‌ ಅವರಿಗೆ ತೀವ್ರ ರಕ್ತ ಗಾಯಗಳಾಗಿದ್ದು ಅವರನ್ನು ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಲು ಒಯ್ಯಲಾಯಿತು. ಆದರೆ, ಆಸ್ಪತ್ರೆಗೆ ಸಾಗಿಸುವಾಗ ಮಾರ್ಗ ಮಧ್ಯದಲ್ಲೇ ಅವರು ಕೊನೆಯುಸಿರೆಳೆದರು. ಎಪಿಎಮ್‌ಸಿ ನವನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.