ನವದೆಹಲಿ: ಇಡೀ ವಿಶ್ವವೇ ಕುತೂಹಲದಿಂದ ನೋಡುತ್ತಿದ್ದ ಲೋಕಸಭಾ ಚುನಾವಣೆಯ ಫಲಿತಾಂಶ ಪ್ರಕಟವಾಗಿದೆ (Election Results 2024). ಎನ್‌ಡಿಎ (NDA) ಮೈತ್ರಿಕೂಟ ಸತತ ಮೂರನೇ ಬಾರಿ ದೆಹಲಿ ಗದ್ದುಗೆ ಏರಲು ಸಿದ್ಧತೆ ಮಾಡಿಕೊಳ್ಳುತ್ತಿದೆ. ಸತತ ಸೋಲುಗಳಿಂದ ಕಂಗೆಟ್ಟಿದ್ದ ಕಾಂಗ್ರೆಸ್ (Congress)ಗೆ ಈ ಚುನಾವಣೆ ಚೇತರಿಕೆ ನೀಡಿದೆ. ಕೆಲವು ಕಡೆ ಅಭ್ಯರ್ಥಿಗಳು ತಮ್ಮ ಪ್ರತಿಸ್ಪರ್ಧಿಗಳಿಂತ ಭಾರೀ ಅಂತರದಿಂದ ಗೆದ್ದರೆ ಇನ್ನು ಕೆಲವೆಡೆ ಗೆಲುವಿನ ಅಂತರ ತೀರಾ ಕಡಿಮೆ ಕಂಡು ಬಂದಿದೆ. ಹಾಗಾದರೆ ಅತೀ ಹೆಚ್ಚು ಮತ್ತು ಅತೀ ಕಡಿಮೆ ಅಂತರದಿಂದ ಗೆದ್ದವರು ಯಾರು ಎನ್ನುವ ನಿಮ್ಮ ಪ್ರಶ್ನೆಗೆ ಇಲ್ಲಿದೆ ಉತ್ತರ.
ಅತೀ ಹೆಚ್ಚು ಅಂತರದಿಂದ ಜಯ ಗಳಿಸಿದವರು
| ಅಭ್ಯರ್ಥಿ | ಕ್ಷೇತ್ರ | ಪ್ರತಿಸ್ಪರ್ಧಿ | ಅಂತರ |
| ಶಂಕರ್‌ ಲಾಲ್ವಾನಿ (ಬಿಜೆಪಿ) | ಇಂದೋರ್‌ (ಮಧ್ಯ ಪ್ರದೇಶ) | ʼನೋಟಾʼ | 11.72 ಲಕ್ಷ |
| ರಕಿಬುಲ್ ಹುಸೇನ್ (ಕಾಂಗ್ರೆಸ್) | ಧುಬ್ರಿ (ಅಸ್ಸಾಂ) | ಬದ್ರುದ್ದೀನ್ ಅಜ್ಮಲ್ (ಎಐಯುಡಿಎಫ್) | 10.12 ಲಕ್ಷ |
| ಶಿವರಾಜ್‌ ಸಿಂಗ್ ಚೌಹಾನ್‌ (ಬಿಜೆಪಿ) | ವಿದಿಶಾ (ಮಧ್ಯ ಪ್ರದೇಶ) | ಪ್ರತಾಪ್ ಭಾನು ಶರ್ಮಾ (ಕಾಂಗ್ರೆಸ್) | 8.2 ಲಕ್ಷ |
| ಸಿ.ಆರ್‌.ಪಾಟೀಲ್‌ (ಬಿಜೆಪಿ) | ನವ್ಸಾರಿ (ಗುಜರಾತ್‌) | ನೈಶಾದ್ ಭಾಯ್ ಭೂಪತ್ ಭಾಯ್ ದೇಸಾಯಿ (ಕಾಂಗ್ರೆಸ್) | 7.73 ಲಕ್ಷ |
| ಅಮಿತ್‌ ಶಾ (ಬಿಜೆಪಿ) | ಗಾಂಧಿನಗರ (ಗುಜರಾತ್‌) | ಸೋನಾಲ್ ಪಟೇಲ್ (ಕಾಂಗ್ರೆಸ್) | 7.44 ಲಕ್ಷ |
ಅತೀ ಕಡಿಮೆ ಅಂತರದಿಂದ ಜಯ ಗಳಿಸಿದವರು
| ಅಭ್ಯರ್ಥಿ | ಕ್ಷೇತ್ರ | ಪ್ರತಿಸ್ಪರ್ಧಿ | ಅಂತರ |
| ರವೀಂದ್ರ ದತ್ತಾರಾಮ್ ವಾಯ್ಕರ್ (ಏಕನಾಥ್ ಶಿಂಧೆ ಶಿವಸೇನೆ) | ಮುಂಬೈ ವಾಯುವ್ಯ (ಮಹಾರಾಷ್ಟ್ರ) | ಅಮೋಲ್ ಗಜಾನನ್ ಕೀರ್ತಿಕರ್ (ಶಿವಸೇನೆ ಯುಬಿಟಿ) | 48 |
| ಅಡೂರು ಪ್ರಕಾಶ್‌ (ಕಾಂಗ್ರೆಸ್) | ಆಟಿಂಗಲ್‌ (ಕೇರಳ) | ವಿ.ಜಾಯ್‌ (ಸಿಪಿಐ (ಎಂ) | 684 |
| ಅಜೇಂದ್ರ ಲೋಧಿ (ಸಮಾಜವಾದಿ ಪಾರ್ಟಿ) | ಹಮೀರ್ಪುರ್ (ಉತ್ತರ ಪ್ರದೇಶ) | ಕುನ್ವರ್ ಪುಷ್ಪೇಂದ್ರ ಸಿಂಗ್ (ಬಿಜೆಪಿ) | 2,629 |
| ರಮಾಶಂಕರ್ ರಾಜ್ಭರ್ (ಸಮಾಜವಾದಿ ಪಾರ್ಟಿ) | ಸೇಲಂಪುರ್ (ಉತ್ತರ ಪ್ರದೇಶ) | ರವೀಂದ್ರ ಕುಶಾವಾಹ (ಬಿಜೆಪಿ) | 3,573 |
आभार इंदौर
— Shankar Lalwani – (मोदी का परिवार) (@iShankarLalwani) June 4, 2024
11,75,092 वोट से मोदीजी को जीत दिलाने के लिए और इंदौर को राज्य, देश और दुनिया में नबर 1 बनाने के लिए…@narendramodi @AmitShah @JPNadda @DrMohanYadav51 @vdsharmabjp pic.twitter.com/3M7T75uovR
ರಾಜ್ಯವಾರು ಸರಾಸರಿ ಅಂತ
2024ರ ಲೋಕಸಭಾ ಚುನಾಚಣೆಯ ಜಯದ ಸರಾಸರಿ ಅಂತರ 1.6 ಲಕ್ಷ ಮತಗಳು. ಈ ಪೈಕಿ 5ಕ್ಕಿಂತ ಹೆಚ್ಚು ಸೀಟುಗಳನ್ನು ಹೊಂದಿರುವ ರಾಜ್ಯಗಳ ಪೈಕಿ ಮಧ್ಯ ಪ್ರದೇಶ ಮೊದಲ ಸ್ಥಾನದಲ್ಲಿದೆ. ಇಲ್ಲಿ ಜಯದ ಅಂತರ 3.4 ಲಕ್ಷ ಮತಗಳು.
ಇನ್ನು ಎರಡನೇ ಸ್ಥಾನದಲ್ಲಿ ಗುಜರಾತ್‌ ಇದ್ದು ಇಲ್ಲಿ 2.8 ಲಕ್ಷ ಮತ ಮತ್ತು ಉತ್ತರಾಖಂಡದಲ್ಲಿ 2.3 ಲಕ್ಷ ಮತಗಳ ಅಂತರ ಕಂಡು ಬಂದಿದೆ. ತಮಿಳುನಾಡಿನಲ್ಲಿ 2.2 ಲಕ್ಷ ಮತಗಳ ಮಾರ್ಜಿನ್‌ ಕಂಡು ಬಂದಿದೆ. ಇನ್ನು ಪಂಜಾಬ್‌ನಲ್ಲಿ ಗೆಲುವಿನ ಸರಾಸರಿ ಅಂತರ 70,500 ದಾಖಲಾಗಿದೆ. ಉತ್ತರ ಪ್ರದೇಶದಲ್ಲಿ, ಮಹಾರಾಷ್ಟ್ರ, ಬಿಹಾರದಲ್ಲಿಯೂ ಒಂದು ಲಕ್ಷಕ್ಕಿಂತ ಕಡಿಮೆ ಕಂಡು ಬಂದಿದೆ.