ಮುಂಬೈ: ಶಾರುಖ್ ಖಾನ್ (Sharukh Khan) ಮತ್ತು ಗೌರಿ ಖಾನ್ (Gauri Khan) ಅವರ ಕಿರಿಯ ಮಗ ಅಬ್ರಾಮ್ (AbRam) ಮತ್ತು ಅಭಿಷೇಕ್-ಐಶ್ವರ್ಯ ರೈ ಬಚ್ಚನ್ (Abhieshk-Aishwarya Rai) ಅವರ ಪುತ್ರಿ ಆರಾಧ್ಯ (Aradhya) ಇಂಟರ್ನೆಟ್‌ನಲ್ಲಿ ಈಗ ಸಖತ್ ಸದ್ದು ಮಾಡುತ್ತಿದ್ದಾರೆ. ಸಿನಿಮಾ ತಾರೆಯರ ಈ ಮಕ್ಕಳು ತಮ್ಮ ಶಾಲೆಯ ವಾರ್ಷಿಕೋತ್ಸವದ (School Annual Function) ನಾಟಕದಲ್ಲಿ ತೋರಿದ ಅದ್ಭುತ ಮತ್ತು ಸಹಜ ಅಭಿನಯಕ್ಕಾಗಿ ಗಮನ ಸೆಳೆಯುತ್ತಿದ್ದಾರೆ. ಈ ಕಾರ್ಯಕ್ರಮದ ವಿಡಿಯೋವೊಂದರಲ್ಲಿ ಆರಾಧ್ಯ ಅವರು ಅಬ್ರಾಮ್‌ರನ್ನು ತಬ್ಬಿಕೊಳ್ಳಬಹುದುನ್ನು ಕಾಣಬಹುದು ಮತ್ತು ಇದು ನೆಟ್ಟಿಗರಿಗೆ, ಶಾರುಖ್ ಖಾನ್ ಮತ್ತು ಐಶ್ವರ್ಯ ರೈ ಬಚ್ಚನ್ ಅವರು ಸಹೋದರ-ಸಹೋದರಿಯಾಗಿ ನಟಿಸಿದ ಜೋಶ್(Josh Film) ಚಿತ್ರವನ್ನು ನೆನಪಿಗೆ ತರಿಸಿದೆ!
ಐಶ್ವರ್ಯಾ ರೈ ಬಚ್ಚನ್‌ಗೆ ಮೀಸಲಾಗಿರುವ ಇನ್‌ಸ್ಟಾಗ್ರಾಮ್‌ ಅಭಿಮಾನಿ ಪುಟದಲ್ಲಿ, ಜೋಶ್ ಮತ್ತು ಆರಾಧ್ಯ-ಅಬ್ರಾಮ್ ಅವರ ಚಿತ್ರದ ದೃಶ್ಯವನ್ನು ಒಳಗೊಂಡಿರುವ ಕೊಲಾಜ್ ಅನ್ನು ಹಂಚಿಕೊಳ್ಳಲಾಗಿದೆ. ಆ ಚಿತ್ರದ ದೃಶ್ಯದಲ್ಲಿ ಐಶ್ವರ್ಯಾ ಶಾರುಖ್ ಖಾನ್ ಅವರನ್ನು ತಬ್ಬಿಕೊಳ್ಳುವುದನ್ನು ಕಾಣಬಹುದು.
ಈ ಮಧ್ಯೆ, ಐಶ್ವರ್ಯ ರೈ ಬಚ್ಚನ್ ಅವರು ತಮ್ಮ ಮಗಳ ನಾಟಕದ ನೃತ್ಯವನ್ನು ತಮ್ಮ ಕ್ಯಾಮೆರಾದಲ್ಲಿ ಸೆರೆ ಹಿಡಿಯುವ ವಿಡಿಯೋ ಕೂಡ ವೈರಲ್ ಆಗಿದೆ. ಐಶ್ವರ್ಯಾ ರೈ ಬಚ್ಚನ್ ಅವರಿಗೆ ಮೀಸಲಾಗಿರುವ ಹಲವಾರು ಅಭಿಮಾನಿ ಪುಟಗಳಿಂದ ವೀಡಿಯೊವನ್ನು ಹಂಚಿಕೊಳ್ಳಲಾಗಿದೆ. ಆರಾಧ್ಯ ಅವರ ಅಜ್ಜ ಅಮಿತಾಬ್ ಬಚ್ಚನ್ ಅವರಿಂದಲೂ ಸಾಕಷ್ಟು ಮೆಚ್ಚುಗೆ ದೊರೆತಿದೆ.
ಐಶ್ವರ್ಯಾ ರೈ ಮಗಳ ನಟನೆ ಸೂಪರ್‌ ಎಂದ ನೆಟ್ಟಿಗರು
ಐಶ್ವರ್ಯ ರೈ ಮತ್ತು ಅಭಿಷೇಕ್ ಬಚ್ಚನ್ ಅವರ ಪುತ್ರಿ ಆರಾಧ್ಯ ಬಚ್ಚನ್ ಇತ್ತೀಚೆಗೆ ಧೀರೂಭಾಯಿ ಅಂಬಾನಿ ಇಂಟರ್‌ನ್ಯಾಶನಲ್ ಸ್ಕೂಲ್‌ನಲ್ಲಿ ನಡೆದ ವಾರ್ಷಿಕ ದಿನದ ಕಾರ್ಯಕ್ರಮದಲ್ಲಿ ತಮ್ಮ ನಟನೆಯಿಂದ ಗಮನ ಸೆಳೆದಿದ್ದಾರೆ. ಆರಾಧ್ಯ ಬಚ್ಚನ್ ಅಭಿನಯದ ವಿಡಿಯೊ ವೈರಲ್ ಆಗಿದ್ದು, ನೆಟ್ಟಿಗರು ಭೇಷ್‌ ಎಂದು ಕಮೆಂಟ್‌ ಮಾಡಿದ್ದಾರೆ. ಆರಾಧ್ಯ ಆತ್ಮವಿಶ್ವಾಸದಿಂದ ಸ್ಕಿಟ್‌ನಲ್ಲಿರುವ ಪವರ್‌ಫುಲ್‌ ಡೈಲಾಗ್‌ ಹೇಳುವ ಮೂಲಕ ಸಖತ್ ಹೈಲೈಟ್‌ ಆದರು.ಈ ವಿಡಿಯೊ ವೈರಲ್ ಆಗುತ್ತದ್ದಂತೆ ‘ದಿ ಆರ್ಚೀಸ್ʼ ತಾರಾವರ್ಗಕ್ಕಿಂತ ಸೂಪರ್‌ ಪರ್ಫಾಮೆನ್ಸ್ ಎಂದು ಕಮೆಂಟ್‌ ಮಾಡಿದ್ದಾರೆ ನೆಟ್ಟಿಗರು.
ಸುಹಾನಾ ಖಾನ್, ಖುಷಿ ಕಪೂರ್ ಮತ್ತು ಅಗಸ್ತ್ಯ ನಂದಾ ಅವರಂತಹ ಸ್ಟಾರ್ ಮಕ್ಕಳನ್ನು ಒಳಗೊಂಡಿರುವ ದಿ ಆರ್ಚೀಸ್ʼ ಸಿನಿಮಾಗೆ ಹಾಗೂ ನಿರ್ದೇಶಕ ಜೋಯಾ ಅಖ್ತರ್ ಅವರಿಗೆ ಪರೋಕ್ಷವಾಗಿ ಟೀಕೆ ಮಾಡಿದ್ದಾರೆ ನೆಟ್ಟಿಗರು. “ಐಶ್ವರ್ಯಾ ರೈ ಅವರ ಮಗಳು ಆರಾಧ್ಯ ಬಚ್ಚನ್ ಅವರ ನಟನೆ ನೋಡಿದ ನಂತರ ಎಲ್ಲಾ ಆರ್ಚಿಸ್ ಮಕ್ಕಳು ನಾಚಿಕೆ ಪಡಬೇಕುʼʼಎಂದು ಕಮೆಂಟ್‌ ಮಾಡಿದ್ದಾರೆ ನೆಟ್ಟಿಗರು. ಆರಾಧ್ಯಾ ಅವರು ಪ್ರದರ್ಶನ ನೀಡುತ್ತಿರುವಾಗ ಐಶ್ವರ್ಯಾ ರೈ ಕೂಡ ಖುಷಿಯಿಂದ ಮೊಬೈಲ್‌ನಲ್ಲಿ ರೆಕಾರ್ಡ್‌ ಮಾಡುತ್ತಿರುವ ಫೋಟೊ ಕೂಡ ವೈರಲ್ ಆಗಿದೆ. ಅಭಿಷೇಕ್ ಬಚ್ಚನ್, ಅಮಿತಾಭ್ ಬಚ್ಚನ್, ಮತ್ತು ಅಗಸ್ತ್ಯ ನಂದಾ ಸೇರಿದಂತೆ ಕುಟುಂಬದ ಸದಸ್ಯರು ಕೂಡ ಜೋರಾಗಿ ಚಪ್ಪಾಳೆ ಹಾಕುತ್ತರುವುದು ಕಂಡು ಬಂತು.
ಈ ಸುದ್ದಿಯನ್ನೂ ಓದಿ: Viral News : ಮಿಸ್‌ ವರ್ಲ್ಡ್‌ ಕಿರೀಟದೊಂದಿಗೆ ನೆಲದ ಮೇಲೆ ಕುಳಿತು ಊಟ ಮಾಡಿದ್ದ ಐಶ್ವರ್ಯ ರೈ! ಫೋಟೊ ವೈರಲ್