ಮುಂಬಯಿ: ಕೌನ್ ಬನೇಗಾ ಕರೋಡ್ಪತಿ ಮುಂಬರುವ ಸಂಚಿಕೆಯಲ್ಲಿ ಬಾಲಿವುಡ್ ನಟ ಅಮಿತಾಬ್ ಬಚ್ಚನ್ (Amitabh Bachchan) ತಮ್ಮ 81 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದ್ದಾರೆ. ಈ ಸಂದರ್ಭವನ್ನು ಆಚರಿಸಲು ಇಡೀ ದೇಶವು ಒಂದಾಗುತ್ತದೆ ಎಂದು ಹೇಳಲಾಗಿದ್ದು, ಆ ಎಪಿಸೋಡ್ ಕೌತುಕ ಮೂಡಿಸಿದೆ. ಈ ಕಾರ್ಯಕ್ರಮದ ಪ್ರೋಮೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಬಿಡುಗಡೆಗೊಂಡಿದೆ. ಅದರಲ್ಲಿ ಶುಭಾಶಯಗಳನ್ನು ಸ್ವೀಕರಿಸಿದ ಅಮಿತಾಭ್ ಅವರು ಆನಂದಭಾಷ್ಟ ಸುರಿಸುವ ದೃಶ್ಯಗಳಿವೆ. ಹೀಗಾಗಿ ವಿಡಿಯೊ ವೈರಲ್ ಆಗಿದೆ.
ವಿಡಿಯೊ ಕ್ಲಿಪ್ನ್ಲಲಿ ಅಮಿತಾಭ್ ನಗುತ್ತಾ ಹೇಳುತ್ತಾರೆ “ನೀವು ನನ್ನನ್ನು ಇನ್ನೂ ಎಷ್ಟು ಭಾವುಕರನ್ನಾಗಿ ಮಾಡುತ್ತೀರಿ” ಎಂದು ಹೇಳಿದ ಅವರು, “ಮೇ ಲೋಗೋ ಕೋ ಟಿಶ್ಯೂ ದೇತಾ ಹು, ಆಜ್ ಮೇರಿ ಬಾರಿ ಆ ಗಯಿ (ಸಾಮಾನ್ಯವಾಗಿ ನಾನು ಜನರಿಗೆ ಕಣ್ಣೊರೆಸಲು ಟಿಶ್ಯೂ ಪೇಪರ್ ನೀಡುತ್ತಿದ್ದೆ. ಈಗ ನನ್ನ ಸರದಿ. ನುಡಿಯುತ್ತಾ ಟಿಶ್ಯೂ ಪೇಪರ್ ಪಡೆದು ಕಣ್ಣೀರನ್ನು ಒರೆಸುವುದನ್ನು ಕಾಣಬಹುದು. ಬಳಿಕ ಅವರು ಬರ್ತ್ಡೇ ಆಚರಣೆಗಾಗಿ ಅವರು ಅಭಿಮಾನಿಗಳಿಗೆ ಮತ್ತು ಕೆಬಿಸಿ ತಂಡಕ್ಕೆ ಧನ್ಯವಾದ ಅರ್ಪಿಸಿದ್ದನ್ನು ಕಾಣಬಹುದು.
ಇಸ್ ಮಂಚ್ ಮೇ ಹಮಾರಾ ಜೋ ಜನಮ್ದಿನ್ ಮನಯಾ ಜಟಾ ಹೈ ವೋಹ್ ಸಬ್ಸೆ ಉತ್ತಮ್ ಹೈ (ನನ್ನ ಜನ್ಮದಿನವನ್ನು ಇಲ್ಲಿ ಆಚರಿಸುವ ರೀತಿ ಅತ್ಯುತ್ತಮವಾಗಿದೆ) ಮುಂದುವರಿದ ಅಮಿತಾಬ್ ಹೇಳುತ್ತಾರೆ. ಅವರು ನಗುತ್ತಿರುವುದನ್ನು ನೋಡಿದ ಪ್ರೇಕ್ಷಕರು ಜೋರಾಗಿ ಚಪ್ಪಾಳೆ ತಟ್ಟುತ್ತಾರೆ.
ಇದನ್ನೂ ಓದಿ : Bigg Boss Tamil: ಬಿಗ್ ಬಾಸ್‌ ತಮಿಳಿನಲ್ಲಿ ಕಿರಿಯ ಸ್ಪರ್ಧಿ ಜೋವಿಕಾ ಭಾರಿ ಸಂಚಲನ; ಯಾರೀಕೆ?
ಕೌನ್ ಬನೇಗಾ ಕರೋಡ್ಪತಿ ವಿಶೇಷ ಸಂಚಿಕೆ
ವರದಿಯ ಪ್ರಕಾರ, ಬಾಲಿವುಡ್ ಬಿಗ್ಬಿಗೆ ಸರಣಿ ಆಶ್ಚರ್ಯಗಳು ಸಾಲುಗಟ್ಟಿ ನಿಂತಿವೆ. ಇದರಲ್ಲಿ ಜನಪ್ರಿಯ ಸರೋದ್ ವಾದಕ ಪದ್ಮವಿಭೂಷಣ ಉಸ್ತಾದ್ ಅಮ್ಜದ್ ಅಲಿ ಖಾನ್ ಅವರ ಪ್ರದರ್ಶನವೂ ಸೇರಿದೆ ಎನ್ನಲಾಗಿದೆ. ಚಿರಂಜೀವಿ, ಅನುಪಮ್ ಖೇರ್, ವಿದ್ಯಾ ಬಾಲನ್, ವಿಕ್ಕಿ ಕೌಶಲ್, ಆರ್ ಮಾಧವನ್ ಮತ್ತು ಬೊಮನ್ ಇರಾನಿ ಸೇರಿದಂತೆ ಹಲವಾರು ಸೆಲೆಬ್ರಿಟಿಗಳು ಅಮಿತಾಭ್ಗೆ ವಿಶೇಷ ವೀಡಿಯೊ ಸಂದೇಶಗಳ ಮೂಲಕ ಶುಭಾಶಯಗಳನ್ನು ಕಳುಹಿಸಲಿದ್ದಾರೆ ಎಂದು ಹೇಳಲಾಗಿದೆ.
ಈ ಸಂಚಿಕೆಯಲ್ಲಿ ಹಿಂದಿನ ಕೆಬಿಸಿ ವಿಜೇತರಾದ ಸೀಸನ್ 11 ರ ಬಾಬಿಯು ತಾವ್ಡೆ ಮತ್ತು ಸೀಸನ್ 13ರ ಹಿಮಾನಿ ಬುಂದೇಲಾ ಭಾಗವಹಿಸಲಿದ್ದಾರೆ. ಈ ಋತುವಿನ ಮೊದಲ ಕೋಟ್ಯಾಧಿಪತಿ ವಿಜೇತ ಜಸ್ಕರನ್ ಸಿಂಗ್ ಕೂಡ ಆಚರಣೆಯ ಭಾಗವಾಗಲಿದ್ದಾರೆ. ಪ್ರೇಕ್ಷಕರಲ್ಲಿ ಅಭಿಮಾನಿಗಳು ಕಲೆ, ರೇಖಾಚಿತ್ರಗಳು ಸೇರಿದಂತೆ ಅಮಿತಾಭ್ ಅವರಿಗೆ ವಿಶೇಷ ಉಡುಗೊರೆಗಳನ್ನು ನೀಡಲಿದ್ದಾರೆ. ಈ ಸಂಚಿಕೆಯಲ್ಲಿ ಭಾರತೀಯ ಸೇನೆಯ ಸಾಮಾಜಿಕ ಸೇವೆಗಳ ತಂಡದಿಂದ ವಿಶೇಷ ಸಂದೇಶವನ್ನು ಸಹ ನುಡಿಸಲಾಗುತ್ತದೆ. ಅವರು ರಾಷ್ಟ್ರಕ್ಕೆ ನೀಡಿದ ಕೊಡುಗೆಗಳಿಗಾಗಿ ಅಮಿತಾಭ್ ಅವರಿಗೆ ಧನ್ಯವಾದ ಅರ್ಪಿಸಲಿದ್ದಾರೆ.