ಬ್ಯಾಂಕಾಕ್: ವಿವಿಧ ದೇಶಗಳಲ್ಲಿರುವ ಹಿಂದೂ ಸಂಘಟನೆಗಳ (Hindu organizations) ನಡುವಿನ ಭಿನ್ನತೆಯಿಂದಾಗಿ, ಒಗ್ಗಟ್ಟು ಸಾಧಿಸಲು ಸಾಧ್ಯವಾಗುತ್ತಿಲ್ಲ. ಹಾಗಾಗಿ, ಹಿಂದೂ ಸಮುದಾಯದ (Hindu Community) ಧ್ವನಿಯನ್ನು ಪರಿಣಾಮಕಾರಿಯಾಗಿ ವ್ಯಕ್ತಪಡಿಸಲು ವಿವಿಧ ಸಂಘಟನೆಗಳ ನಡುವೆ ಉತ್ತಮ ಸಮನ್ವಯ (coordination) ಸಾಧಿಸುವುದು ಅಗತ್ಯವಾಗಿದೆ ಎಂದು ರಾಷ್ಟ್ರೀಯ ಸ್ವಯಂ ಸೇವಕ ಸಂಘ(RSS) ಮುಖಂಡರಾದ ದತ್ತಾತ್ರೇಯ ಹೊಸಬಾಳೆ (Dattatreya Hosabale) ಅವರು ವರ್ಲ್ಡ್ ಹಿಂದೂ ಕಾಂಗ್ರೆಸ್(World Hindu Congress) ಪಾಲ್ಗೊಂಡು ಹೇಳಿದ್ದಾರೆ
ಥಾಯ್ಲೆಂಡ್ ರಾಜಧಾನಿ ಬ್ಯಾಂಕಾಕ್‌ನಲ್ಲಿ ಆಯೋಜಿಸಲಾಗಿದ್ದ ವರ್ಲ್ಡ್ ಹಿಂದೂ ಕಾಂಗ್ರೆಸ್(World Hindu Congress)ನಲ್ಲಿ ಪಾಲ್ಗೊಂಡಿದ್ದ ಆರೆಸ್ಸೆಸ್ ಪ್ರಧಾನ ಕಾರ್ಯದರ್ಶಿ ದತ್ತಾತ್ರೇಯ ಹೊಸಬಾಳೆ ಅವರು, ಸಮುದಾಯ ಎದಿರುತ್ತಿರುವ ಇಂದಿನ ಸವಾಲುಗಳನ್ನು ಎದುರಿಸಲು ಹಿಂದೂ ಸಂಘಟನೆಗಳನ್ನು ಜಾಗತಿಕವಾಗಿ ಬಲಪಡಿಸುವುದು ಈ ಕ್ಷಣದ ಅಗತ್ಯವಾಗಿದೆ ಎಂದು ಹೇಳಿದರು.
ಭಾಷೆ, ಪಂಗಡ, ಜಾತಿಗಳು, ಉಪಜಾತಿಗಳು ಮತ್ತು ಗುರುಗಳ ಆಧಾರದ ಮೇಲೆ ಪ್ರಪಂಚದ ವಿವಿಧ ಭಾಗಗಳಲ್ಲಿ ಅನೇಕ ಸಂಘಗಳು, ಸಂಘಟನೆಗಳು ಮತ್ತು ವೇದಿಕೆಗಳನ್ನು ರಚಿಸಲಾಗಿದೆ. ಆದರೆ, ಸಂಘಟನೆಗಳ ನಡುವಿನ ಭಿನ್ನತೆಯಿಂದಾಗಿ ಹಿಂದೂ ಕಳೆದು ಹೋಗುತ್ತಿದ್ದಾನೆ. ದೊಡ್ಡ ಉದ್ದೇಶವನ್ನು ಮರೆಯಬಾರದು. ಅನೇಕ ಬಾರಿ, ಹಿಂದೂ ಸಮಾಜದ ವೈವಿಧ್ಯತೆಯು ಅನೇಕ ಸ್ಥಳಗಳಲ್ಲಿ ಅನೈಕ್ಯತೆಗೆ ಕಾರಣವಾಗಿದೆ ಎಂದು ಅವರು ಹೇಳಿದರು.
ಹಿಂದೂ ಸಮಾಜದ ಧ್ವನಿಯನ್ನು ಪರಿಣಾಮಕಾರಿಯಾಗಿ ವ್ಯಕ್ತಪಡಿಸುವ ಪ್ರಯತ್ನದಲ್ಲಿ ವಿರೋಧಾಭಾಸಗಳು ಮತ್ತು ಭಿನ್ನಾಭಿಪ್ರಾಯಗಳನ್ನು ನಿವಾರಿಸಲು ಸಂಘಟನೆಗಳ ನಡುವೆ ಉತ್ತಮ ಸಹಯೋಗವನ್ನು ಸಾಧಿಸಬೇಕು ಎಂದು ದತ್ತಾತ್ರೇಯ ಹೊಸಬಾಳೆ ಅವರು ಕರೆ ನೀಡಿದರು. ಹಿಂದೂ ಸಂಘಟನೆಗಳು ಮಾಹಿತಿ ಹಂಚಿಕೊಳ್ಳಬೇಕು, ಸಮನ್ವಯ ಸಾಧಿಸಬೇಕು, ಸಹಕರಿಸಬೇಕು, ನಕಲು ಮಾಡುವುದನ್ನು ತಪ್ಪಿಸಬೇಕು. ನಕಲು ಮಾಡುವುದರಿಂದ ಯಾವುದೇ ಉದ್ದೇಶ ಈಡೇರಿರುವುದಿಲ್ಲ ಎಂದು ಅವರು ಹೇಳಿದರು.
ಮತಾಂತರಗಳು, ಹಿಂದೂಗಳ ಮಾನವ ಹಕ್ಕುಗಳ ದಮನ, ಪಾಶ್ಚಿಮಾತ್ಯ ಜಗತ್ತಿನ ಹಲವು ವಿಶ್ವವಿದ್ಯಾನಿಲಯಗಳಲ್ಲಿ ಹಿಂದೂ ಅಧ್ಯಯನ ಮತ್ತು ಭಾರತೀಯ ಭಾಷೆಗಳ ವಿಭಾಗಗಳು ಇಲ್ಲದಿರುವುದು ಉತ್ತಮ ಸಂಘಟನೆಯ ಮೂಲಕ ಎದುರಿಸಬೇಕಾದ ಕೆಲವು ಸವಾಲುಗಳಾಗಿವೆ ಎಂದು ದತ್ತಾತ್ರೇಯ ಹೊಸಬಾಳೆ ಅವರು ಕೆಲವನ್ನು ಪಟ್ಟಿ ಮಾಡಿದರು.
ವಿಶ್ವ ಹಿಂದೂ ಫೌಂಡೇಶನ್‌ನ ಸಂಸ್ಥಾಪಕ ಮತ್ತು ಜಾಗತಿಕ ಅಧ್ಯಕ್ಷ ಸ್ವಾಮಿ ವಿಜ್ಞಾನಾನಂದರ ಶಂಖ ಊದುವುದರೊಂದಿಗೆ ಚತುರ್ವಾರ್ಷಿಕ ಕಾರ್ಯಕ್ರಮವು ಶುಕ್ರವಾರ ಪ್ರಾರಂಭವಾಯಿತು, ಮೂರು ದಿನಗಳ ಕಾರ್ಯಕ್ರಮದಲ್ಲಿ 60 ಕ್ಕೂ ಹೆಚ್ಚು ದೇಶಗಳ ಪ್ರತಿನಿಧಿಗಳು ಭಾಗವಹಿಸಿದ್ದರು.
ವರ್ಲ್ಡ್ ಹಿಂದೂ ಕಾಂಗ್ರೆಸ್ ‘ಹಿಂದೂಸಿಮ್’ ಪದವನ್ನು ಕೈಬಿಟ್ಟಿದೆ. ಈ ಪದವು ದಬ್ಬಾಳಿಕೆ ಮತ್ತು ತಾರತಮ್ಯವನ್ನು ಪ್ರತಿನಿಧಿಸುತ್ತದೆ. ಹಿಂದೂಸಿಮ್ ಬದಲಿಗೆ, ಶಾಶ್ವತ ಧರ್ಮವನ್ನು ಉಲ್ಲೇಖಿಸುವ ಹಿಂದುತ್ವ ಮತ್ತು ಹಿಂದೂ ಧರ್ಮ ಎಂಬ ಪದಗಳನ್ನು ಸ್ವೀಕರಿಸಿದೆ. ಹಿಂದುತ್ವ ಎಂಬ ಪದವು ಹೆಚ್ಚು ನಿಖರವಾಗಿದೆ ಎಂದು ಪ್ರತಿಪಾದಿಸುವ ಘೋಷಣೆಯನ್ನು ಅದು ಈ ಸಮಾವೇಶದಲ್ಲಿ ಅಳವಡಿಸಿಕೊಂಡಿತು. ಅಳವಡಿಸಿಕೊಂಡಿದೆ ಏಕೆಂದರೆ ಅದು ‘ಹಿಂದೂ’ ಎಂಬ ಪದವು ಸೂಚಿಸುವ ಎಲ್ಲದರ ಶ್ರೇಣಿಯನ್ನು ಒಳಗೊಂಡಿದೆ.
ಈ ಸುದ್ದಿಯನ್ನೂ ಓದಿ: ಸಮಾಜವನ್ನು ಆತ್ಮ ಜಾಗೃತಿಯೆಡೆಗೆ ಕರೆದೊಯ್ಯುವುದೇ ಸ್ವರ್ಣವಲ್ಲೀ ಪ್ರಭಾದ ಆಶಯ: ಸ್ವರ್ಣವಲ್ಲೀ ಶ್ರೀ