ಪಟನಾ: ಬಿಹಾರದಲ್ಲಿ ಮಹಾ ಘಟ್ ಬಂಧನ್ ಸರ್ಕಾರದ (Bihar Cabinet Expansion)ಸಂಪುಟ ವಿಸ್ತರಣೆ ಇಂದು ನಡೆಯಿತು. ಆಗಸ್ಟ್ 9ರಂದು ಬಿಜೆಪಿಯೊಂದಿಗೆ ಮೈತ್ರಿಯನ್ನು ಅಧಿಕೃತವಾಗಿ ಕಳಚಿಕೊಂಡ ನಿತೀಶ್ ಕುಮಾರ್, ಆಗಸ್ಟ್ 10ರಂದು ಆರ್ಜೆಡಿ ಮತ್ತು ಜೆಡಿಯು ಜತೆಗಿನ ಮೈತ್ರಿ ಸರ್ಕಾರ ರಚಿಸಿದರು. ಬಿಹಾರದಲ್ಲಿ ಮುಖ್ಯಮಂತ್ರಿಯಾಗಿ 8ನೇ ಬಾರಿಗೆ ಪ್ರಮಾಣ ವಚನ ಸ್ವೀಕಾರ ಮಾಡಿದರು. ಹಾಗೇ, ಉಪಮುಖ್ಯಮಂತ್ರಿಯಾಗಿ ಆರ್ಜೆಡಿ ನಾಯಕ ತೇಜಸ್ವಿ ಯಾದವ್ ಪ್ರಮಾಣ ವಚನ ಸ್ವೀಕರಿಸಿದರು. ಈ ಸರ್ಕಾರದ ಸಚಿವ ಸಂಪುಟ ರಚನೆ ಇಂದು ನಡೆದಿದ್ದು, ಒಟ್ಟು 31 ಶಾಸಕರು ಮಂತ್ರಿಗಳಾಗಿ ಬಡ್ತಿ ಪಡೆದು, ಪ್ರಮಾಣ ವಚನ ಸ್ವೀಕಾರ ಮಾಡಿದರು.
ಮೊದಲೇ ಮಾತಾದಂತೆ ಆರ್ಜೆಡಿಗೇ ದೊಡ್ಡ ಪಾಲು ನೀಡಲಾಗಿದೆ. ಅಂದರೆ ಈ ಪಕ್ಷದ 16 ಶಾಸಕರಿಗೆ ಸಚಿವ ಸ್ಥಾನ ಸಿಕ್ಕಿದ್ದರೆ, ಜೆಡಿಯುದ 11 ಮತ್ತು ಕಾಂಗ್ರೆಸ್ನ ಮೂವರು ಹಾಗೂ ಹಿಂದೂಸ್ತಾನಿ ಅವಾಮ್ ಮೋರ್ಚಾ (ಎಚ್ಎಎಂ)ದ ಒಬ್ಬರು ಕ್ಯಾಬಿನೆಟ್ ಸೇರ್ಪಡೆಯಾಗಲಿದ್ದಾರೆ. ಕಾಂಗ್ರೆಸ್ಗೆ ನಾಲ್ಕು ಮಂತ್ರಿ ಸ್ಥಾನ ಎಂದು ಮೊದಲು ಹೇಳಲಾಗಿತ್ತು, ಆದರೀಗ ಒಂದು ಕಡಿಮೆಯಾಗಿದೆ. ಅದರಲ್ಲೂ ಇಬ್ಬರು ಮಾತ್ರ ಇಂದು ಪ್ರಮಾಣ ವಚನ ಸ್ವೀಕಾರ ಮಾಡಲಿದ್ದು, ಇನ್ನೊಬ್ಬರು ಮುಂದಿನ ಹಂತದ ಕ್ಯಾಬಿನೆಟ್ ವಿಸ್ತರಣೆಯಲ್ಲಿ ಸೇರ್ಪಡೆಯಾಗಲಿದ್ದಾರೆ ಎಂದು ಕಾಂಗ್ರೆಸ್ನ ಬಿಹಾರ ರಾಜ್ಯ ಉಸ್ತುವಾರಿ ಭಕ್ತ ಚರಣ್ ದಾಸ್ ತಿಳಿಸಿದ್ದಾರೆ.
ಇಂದು ಮಂತ್ರಿ ಸ್ಥಾನ ಪಡೆದವರ ಪಟ್ಟಿ ಇಲ್ಲಿದೆ:
ಜನತಾ ದಳ (ಸಂಯುಕ್ತ)-ನಿತೀಶ್ ಕುಮಾರ್ ಪಕ್ಷದ ಸಚಿವರು..
1. ಬಿಜೇಂದರ್ ಯಾದವ್, 2. ವಿಜಯ್ ಚೌಧರಿ, 3. ಶ್ರವಣ್ ಕುಮಾರ್, 4. ಜಯಂತ್ ರಾಜ್, 5. ಅಶೋಕ್ ಚೌಧರಿ, 6. ಮದನ್ ಸಹ್ನಿ, 7. ಸುನೀಲ್ ಕುಮಾರ್, 8. ಸಂಜಯ್ ಝಾ, 9. ಜಮಾ ಖಾನ್, 10. ಸುಮಿತ್ ಕುಮಾರ್ ಸಿಂಗ್ 11. ಲೇಸಿ ಸಿಂಗ್.
ರಾಷ್ಟ್ರೀಯ ಜನತಾ ದಳ (ಆರ್ಜೆಡಿ)
1. ತೇಜ್ ಪ್ರತಾಪ್ ಯಾದವ್, 2. ಸುರೇಂದ್ರ ಯಾದವ್, 3. ಚಂದ್ರಶೇಖರ್, 4. ರಮಾನಂದ ಯಾದವ್, 5. ಲಲಿತ್ ಯಾದವ್, 6. ಕುಮಾರ್ ಸರಬ್ಜಿತ್, 7.ಕುಮಾರ್ ಸರ್ವಜಿತ್, 8. ಕಾರ್ತೀಕ್ ಶರ್ಮಾ, 9.ಶಹನವಾಜ್, 10. ಸಮೀರ್ ಮಹಾಸೇಠ್, 11. ಅನಿತಾ ದೇವ್, 12. ಅಲೋಕ್ ಮೆಹ್ತಾ, 13. ಭರತ್ ಭೂಷಣ್ ಮಂಡಲ್, 14. ಸುಧಾಕರ್ ಸಿಂಗ್, 15. ಶಮೀಮ್ ಅಹ್ಮದ್, 16. ಜಿತೇಂದ್ರ ರೈ.
ಕಾಂಗ್ರೆಸ್: 1. ಮುರಳೀಲಾಲ್ ಗೌತಮ್, 2. ಅಫಾಕ್ ಅಲಾಂ
ಎಚ್ಎಎಂ : ಸಂತೋಷ್ ಮಾಂಝಿ.
ಸ್ವತಂತ್ರ ಶಾಸಕ: ಸುಮಿತ್ ಕುಮಾರ್ ಸಿಂಗ್
ಇದನ್ನೂ ಓದಿ: ಬಿಜೆಪಿ vs ಕಾಂಗ್ರೆಸ್ ನಾಯಕರ ಕ್ರೆಡಿಟ್‌ ಪಾಲಿಟಿಕ್ಸ್‌, ರಾರಾಜಿಸುತ್ತಿದೆ ಪ್ರತ್ಯೇಕ ಬ್ಯಾನರ್‌