ಲಖನೌ: ದಕ್ಷಿಣ ಕೊರಿಯಾದ 23 ವರ್ಷದ ಯುವತಿಯೊಬ್ಬಳು ಉತ್ತರ ಪ್ರದೇಶದ ಶಹಜಹಾನ್ಪುರ ಮೂಲದ ತನ್ನ ಪ್ರಿಯಕರನನ್ನು (Love Story) ಮದುವೆಯಾಗಲು ಭಾರತಕ್ಕೆ ಹಾರಿಬಂದಿದ್ದಾಳೆ. ಅವರಿಬ್ಬರೂ ಈಗ ತಮ್ಮ ತೋಟದ ಮನೆಯಲ್ಲಿ ವಾಸಿಸುತ್ತಿದ್ದಾರೆ. ಸುಖ್ಚಿತ್ ಸಿಂಗ್ ಭಾರತದ ಯುವಕ. ಕಿಮ್ ಬೋಹ್ ನಿ ಕೊರಿಯಾದ ಯವತಿ. ಲೈವ್ ಹಿಂದೂಸ್ತಾನ್ ವರದಿಯ ಪ್ರಕಾರ, ಸುಖ್ಜೀತ್ ಸಿಂಗ್ ಕೆಫೆಯೊಂದರಲ್ಲಿ ಕೆಲಸ ಮಾಡಲು ದಕ್ಷಿಣ ಕೊರಿಯಾದ ಬುಸಾನ್ಗೆ ಹೋಗಿದ್ದರು. ಕೆಲವು ದಿನಗಳ ನಂತರ ಕಿಮ್ ಬೋಹ್ ನಿ ಕೂಡ ಅಲ್ಲಿನ ಬಿಲ್ಲಿಂಗ್ ಕೌಂಟರ್ನಲ್ಲಿ ಕೆಲಸ ಮಾಡಲು ಕೆಫೆಗೆ ಸೇರಿಕೊಂಡಿದ್ದರು. ಕ್ರಮೇಣ ಅವರಿಬ್ಬರು ಡೇಟಿಂಗ್ ಪ್ರಾರಂಭಿಸಿದರು.
ಸುಖ್ಜೀತ್ ಆರು ತಿಂಗಳ ಹಿಂದೆ ಮನೆಗೆ ಬಂದಿದ್ದರು. ಪ್ರಿಯಕರ ಬಿಟ್ಟು ಹೋಗಿದ್ದರಿಂದ ಬೇಸರಗೊಂಡ ಕಿಮ್ ದೆಹಲಿ ಬಂದು ಅಲ್ಲಿಂದ ನೇರವಾಗಿ ಶಹಜಹಾನ್ಪುರದ ಸುಖ್ಜೀತ್ ಅವರ ಮನೆಗೆ ಹೋಗಿದ್ದರು. ದೀರ್ಘ ಕಾಲದ ಭೇಟಿಯ ಬಳಿಕ ಭೇಟಿಯಾದ ಅವರ ಸಂತಸಕ್ಕೆ ಪಾರವೇ ಇರಲಿಲ್ಲ. ಅಂತೆಯೇ ಎರಡು ದಿನಗಳ ಹಿಂದೆ ಅವರು ಗುರುದ್ವಾರದಲ್ಲಿ ವಿವಾಹವಾದರು. ಸುಖ್ಜೀತ್ ಅವರು ಕೊರಿಯಾಗೆ ತೆರಳಿ ಅಲ್ಲಿ ಕಿಮ್ ಜತೆ ನೆಲೆಸಲು ಬಯಸಿದ್ದಾರೆ ಎನ್ನಲಾಗಿದೆ.
ಕಿಮ್ ಬೋಹ್ ನಿ ಸದ್ಯ ಪ್ರವಾಸಿ ವೀಸಾದಲ್ಲಿ ಭಾರತಕ್ಕೆ ಬಂದಿದ್ದಾರೆ. ಒಂದು ತಿಂಗಳ ನಂತರ, ಅವಳು ತನ್ನ ತಾಯ್ನಾಡಿಗೆ ಮರಳಲಿದ್ದಾರೆ. ಮೂರು ತಿಂಗಳ ನಂತರ ಸುಖ್ಜೀತ್ ದಕ್ಷಿಣ ಕೊರಿಯಾಕ್ಕೆ ಹೋಗಲಿದ್ದಾರೆ ಎಂದು ಲೈವ್ ಹಿಂದೂಸ್ತಾನ್ ವರದಿ ತಿಳಿಸಿದೆ. ಸುಖ್ಜಿತ್ ಅವರ ಕುಟುಂಬವು ಮದುವೆಗೆ ಒಪ್ಪಿಗೆ ನೀಡಿದೆ.
ಇದನ್ನೂ ಓದಿ : Viral Video : ಮದುವೆ ಮನೆಯಲ್ಲಿ ಮಸ್ತ್‌ ಸ್ಟೆಪ್ಸ್‌ ಹಾಕಿದ ಫೋಟೋಗ್ರಾಫರ್‌!
ಕಿಮ್ ಭಾರತದಲ್ಲಿಯೇ ಇರಲಿ ಎಂಬುದು ಸುಖ್ಜಿತ್ ತಾಯಿಯ ಬಯಕೆ. ಆದರೆ ಅವರ ಮಗನ ಸಂತೋಷವು ಎಲ್ಲಕ್ಕಿಂತ ಮಿಗಿಲಾದುದು. ದಕ್ಷಿಣ ಕೊರಿಯಾದ ಸೊಸೆ ಭಾರತೀಯ ಸಂಸ್ಕೃತಿ ಮತ್ತು ಸಂಪ್ರದಾಯವನ್ನು ಇಷ್ಟಪಡುತ್ತಾರೆ ಎಂದು ಹೇಳಿಕೊಂಡಿದ್ದಾರೆ. ‘ಐ ಲವ್ ಸುಖ್ಜೀತ್’ ಜೊತೆಗೆ, ‘ಐ ಲವ್ ಇಂಡಿಯಾ’ ಎಂದು ಕಿಮ್ ಹೇಳಿದ್ದಾರೆ.
ಸೀಮಾ ಹೈದರ್‌ ಪ್ರೇಮಕತೆ ಆಗಲಿದೆ ಪ್ರೇಮಗೀತೆ; ಆಗಸ್ಟ್‌ 20ಕ್ಕೆ ಲವ್ ಸಾಂಗ್‌ ರಿಲೀಸ್
ಮುಂಬೈ: ಆನ್‌ಲೈನ್‌ ಪಬ್ಜಿ ಗೇಮ್‌ ಆಡುವಾಗ ಪರಿಚಯವಾದ ಗ್ರೇಟರ್‌ ನೊಯ್ಡಾದ ಸಚಿನ್‌ ಮೀನಾ ಎಂಬ ಯುವಕನಿಗಾಗಿ ಪಾಕಿಸ್ತಾನದಿಂದ ಭಾರತಕ್ಕೆ ಬಂದ ಸೀಮಾ ಹೈದರ್‌ (Seema Haider) ಈಗ ದೇಶಾದ್ಯಂತ ಸುದ್ದಿಯಾಗಿದೆ. ಇದರ ಬೆನ್ನಲ್ಲೇ ಸೀಮಾ ಹೈದರ್‌ ಪ್ರೇಮಕತೆ ಆಧರಿಸಿ ಸಿನಿಮಾ ಕೂಡ ನಿರ್ಮಾಣವಾಗುತ್ತಿದೆ. ಅಷ್ಟಲ್ಲೇ, ಆಗಸ್ಟ್‌ 20 ರಂದು ಇವರ ಕುರಿತ ಸಿನಿಮಾದ ಹಾಡು ಕೂಡ ಬಿಡುಗಡೆಯಾಗಲಿದೆ.
ಹೌದು, ಸೀಮಾ ಹೈದರ್‌ ಅವರ ಕುರಿತು ಕರಾಚಿ ಟು ನೊಯ್ಡಾ (Karachi To Noida) ಎಂಬ ಸಿನಿಮಾ ನಿರ್ಮಾಣವಾಗುತ್ತಿದ್ದು, ಇದರ ಚಲ್‌ ಪಡೆ ಹೈ ಹಮ್ (Chal Bade Hain Hum) ಎಂಬ ಹಾಡು ಭಾನುವಾರ ರಿಲೀಸ್ ಆಗುತ್ತಿತ್ತು. ಪ್ರೀತಿ ಸರೋಜ್‌ ಅವರು ಹಾಡು ಹಾಡಿದ್ದು, ನಿರ್ಮಾಪಕ ಅಮಿತ್‌ ಜಾನಿ ಅವರೇ ಸಿನಿಮಾ ಹಾಡು ಬರೆದಿದ್ದಾರೆ. ಶಶಾಂಕ್‌ ದುರ್ಗವಂಶಿ ಅವರು ಕಂಪೋಸ್‌ ಮಾಡಿದ್ದಾರೆ. ಹಾಡಿನ ರಿಲೀಸ್ ಕುರಿತು ಪೋಸ್ಟರ್‌ ಮೂಲಲ ಮಾಹಿತಿ ನೀಡಲಾಗಿದೆ.
ಅಮಿತ್‌ ಜಾನಿ ಅವರು ಸಿನಿಮಾದ ನಿರ್ದೇಶಕರೂ ಆಗಿದ್ದಾರೆ. ಸೀಮಾ ಹೈದರ್‌ ಅವರಿಗೆ ಇದು ಬಾಲಿವುಡ್‌ನ ಮೊದಲ ಸಿನಿಮಾ ಆಗಿದೆ. ಇದಕ್ಕೂ ಮೊದಲು, ಬಾಲಿವುಡ್‌ನ ಬೇರೆ ಸಿನಿಮಾದಲ್ಲಿ ಸೀಮಾ ಹೈದರ್‌ ನಟಿಸುತ್ತಿದ್ದಾರೆ ಎಂಬ ಕುರಿತು ಮಾತುಗಳು ಕೇಳಿಬಂದಿದ್ದವು. ಆದರೆ, ಈ ಕುರಿತು ಇದುವರೆಗೆ ಅಧಿಕೃತ ಮಾಹಿತಿ ಲಭ್ಯವಾಗಿಲ್ಲ. ಆದರೆ, ಕರಾಚಿ ಟು ನೊಯ್ಡಾ ಸಿನಿಮಾದ ಶೂಟಿಂಗ್‌ ನಡೆಯುತ್ತಿದೆ ಎಂದು ಮೂಲಗಳು ತಿಳಿಸಿವೆ. ಷ
2020ರಲ್ಲಿ ಸೀಮಾ ಹೈದರ್‌ ಹಾಗೂ ಸಚಿನ್‌ ಮೀನಾ ಪಬ್ಜಿ ಆನ್‌ಲೈನ್‌ ಗೇಮ್‌ ಮೂಲಕ ಪರಿಚಯವಾಗಿದ್ದು, ಪರಿಚಯ ಪ್ರೀತಿಗೆ ತಿರುಗಿದೆ. ಕೊನೆಗೆ ಇಬ್ಬರೂ ಮದುವೆಯಾಗಲು ನಿರ್ಧರಿಸಿದ್ದು, ಸೀಮಾ ಹೈದರ್‌ ಅವರು ಪಾಕಿಸ್ತಾನದ ಸಿಂಧ್‌ ಪ್ರಾಂತ್ಯದಲ್ಲಿದ್ದ ತಮ್ಮ ಮನೆ ಮಾರಿ, ಅಕ್ರಮವಾಗಿ ಭಾರತವನ್ನು ಪ್ರವೇಶಿಸಿದ್ದಾರೆ. ಅಕ್ರಮವಾಗಿ ಭಾರತ ಪ್ರವೇಶಿಸಿದ ಸೀಮಾ ಹೈದರ್‌ ಅವರಿಗೆ ಆಶ್ರಯ ನೀಡಿದ ಕಾರಣ ಸೀಮಾ ಹೈದರ್‌, ಆಕೆಯ ನಾಲ್ಕು ಮಕ್ಕಳು, ಸಚಿನ್‌ ಮೀನಾ ಹಾಗೂ ಆತನ ತಂದೆಯನ್ನು ಬಂಧಿಸಿ, ಬಿಡುಗಡೆ ಮಾಡಲಾಗಿದೆ. ಸೀಮಾ ಹೈದರ್‌ ಪಾಕಿಸ್ತಾನದ ಗೂಢಚಾರಿ ಇರಬಹುದು ಎಂಬ ಶಂಕೆಯಿಂದ ಎಟಿಎಸ್‌ ವಿಚಾರಣೆ ಕೂಡ ನಡೆಸಿದೆ.