ನವದೆಹಲಿ: ಸುಪ್ರಿಂಕೋರ್ಟ್ (Supreme Court) ಮುಖ್ಯ ನ್ಯಾಯಮೂರ್ತಿ ಡಿ.ವೈ.ಚಂದ್ರಚೂಡ್ (CJI Chandrachud) ಅವರು ಬಳಸು ವ ಕಾರಿನ ನಂಬರ್ ಪ್ಲೇಟ್ ಆಸಕ್ತರ ಗಮನ ಸೆಳೆದಿದೆ. ಹೀಗಾಗಿ ಕಾರಿನ ನಂಬರ್ ಪ್ಲೇಟ್ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ. (Viral News) ಅವರ ಕಾರಿನ ಕಾರಿನ ಚಿತ್ರವನ್ನು ಉದ್ಯಮಿ ಲಾಯ್ಡ್ ಮಥಾಯಿಸ್ ಅವರು ಸಾಮಾಜಿಕ ಮಾಧ್ಯಮ ಎಕ್ಸ್ ನಲ್ಲಿ (Xpost) ಪೋಸ್ಟ್ ಮಾಡಿದ್ದಾರೆ. ಆ ಬಳಿಕ ಅದು ಎಲ್ಲರ ಗಮನ ಸೆಳೆದಿದೆ. ಯಾಕೆಂದರೆ ಪ್ಲೇಟ್ ಮೇಲೆ ‘ಡಿಎಲ್ 1 ಸಿಜೆಐ 0001’ ಎಂದು ಬರೆಯಲಾಗಿತ್ತು. ನಂಬರ್ ಪ್ಲೇಟ್ನ ಸೀರಿಯಲ್ (ಸಿಜೆಐ- ಚೀಪ್ ಜಸ್ಟಿಸ್ ಆಫ್ ಇಂಡಿಯಾ) ಫ್ಯಾನ್ಸಿಯಾಗಿದ್ದ ಕಾರಣ ಎಲ್ಲರೂ ಅಚ್ಚರಿಗೆ ಒಳಗಾಗಿದ್ದಾರೆ.
ನಿನ್ನೆ ದೆಹಲಿಯಲ್ಲಿ ನಡೆದ ಖಾಸಗಿ ಕಾರ್ಯಕ್ರಮವೊಂದರಲ್ಲಿ ಭಾರತದ ಮುಖ್ಯ ನ್ಯಾಯಮೂರ್ತಿ ಧನಂಜಯ ಚಂದ್ರಚೂಡ್ ಅವರನ್ನು ನೋಡಿದೆ. ನಾನು ಹೊರಗೆ ಹೋಗುವಾಗ, ಅವರ ಕಾರಿನ ಪರವಾನಗಿ ಪ್ಲೇಟ್ ಗಮನ ಸೆಳೆಯಿತು. ಡಿಎಲ್ 1 ಸಿಜೆಐ 0001. ತುಂಬಾ ಕೂಲ್ ಆಗಿದೆ. ಮುಖ್ಯ ಚುನಾವಣಾ ಆಯುಕ್ತರ ಕಾರಿನ ನಂಬರ್ ಪ್ಲೇಟ್ ಡಿಎಲ್ 1 ಸಿಇಸಿ 0001 ಆಗಿದೆಯೇ ಎಂದು ಆಶ್ಚರ್ಯ ಪಡುತ್ತೀರಾ? ಮಥಾಯಿಸ್ ಕಾರಿನ ಚಿತ್ರದೊಂದಿಗೆ ಎಕ್ಸ್ ನಲ್ಲಿ ಬರೆದುಕೊಂಡಿದ್ದಾರೆ.
ಮಥಾಯಿಸ್ ಅವರ ಎಕ್ಸ್ ಪೋಸ್ಟ್ ಇಲ್ಲಿದೆ
Saw Chief Justice of India, Dhananjay Chandrachud at a private function in Delhi yesterday. On my way out, I couldn’t help notice his car’s licence plate number: DL1 CJI 0001. Very cool.👌
— Lloyd Mathias (@LloydMathias) February 18, 2024
Wonder if the Chief Election Commissioner’s car number plate is DL1 CEC 0001? 😊 pic.twitter.com/Te6lLxVI42
ಮರ್ಸಿಡಿಸ್ ಇ 350 ಡಿ ಮಾದರಿಯ ಮಾಲೀಕತ್ವವನ್ನು ಪರಿಶೀಲನೆ ಮಾಡಿದಾಗ ಅದು ಭಾರತದ ಸುಪ್ರೀಂ ಕೋರ್ಟ್ನ ರಿಜಿಸ್ಟ್ರಾರ್ ಹೆಸರಿನಲ್ಲಿ ನೋಂದಾಯಿಸಲ್ಪಟ್ಟಿದೆ ಎಂದು ಗೊತ್ತಾಗಿದೆ. ಈ ಕಾರನ್ನು ಸರ್ಕಾರವು ಸಿಜೆಐಗೆ ಒದಗಿಸಿದೆ ಎಂಬದು ಗೊತ್ತಾಗಿದೆ.
ಇದನ್ನೂ ಓದಿ : BJP’s national convention : ಜುಲೈ, ಆಗಸ್ಟ್ನ ವಿದೇಶ ಪ್ರವಾಸ ಬುಕ್ ಆಗಿದೆ; ಹ್ಯಾಟ್ರಿಕ್ ಗೆಲುವಿನ ವಿಶ್ವಾಸ ವ್ಯಕ್ತಪಡಿಸಿದ ಮೋದಿ
ಮರ್ಸಿಡಿಸ್ ಬೆಂಝ್ ಇ-ಕ್ಲಾಸ್ ಇ 350ಡಿ ಎಎಂಜಿ ಲೈನ್ ಇ-ಕ್ಲಾಸ್ ಸರಣಿಯ ಟಾಪ್ ಮಾದರಿಯಾಗಿದ್ದು, ಇ-ಕ್ಲಾಸ್ ಟಾಪ್ ಮಾದರಿಯ ಬೆಲೆಯು ರೂ.88.96 ಲಕ್ಷ ರೂಪಾಯಿ. ಮರ್ಸಿಡಿಸ್ ಬೆಂಝ್ ಇ-ಕ್ಲಾಸ್ ಇ 350ಡಿ ಎಎಂಜಿ ಲೈನ್ ಆಟೋಮ್ಯಾಟಿಕ್ (ಟಿಸಿ) ಟ್ರಾನ್ಸ್ ಮಿಷನ್ ನಲ್ಲಿ ಲಭ್ಯವಿದ್ದು, ಅಬ್ಸಿಡಿಯನ್ ಬ್ಲ್ಯಾಕ್ ಮೆಟಾಲಿಕ್, ಗ್ರಾಫೈಟ್ ಗ್ರೇ, ಹೈಟೆಕ್ ಸಿಲ್ವರ್ ಮೆಟಾಲಿಕ್ ಮತ್ತು ಪೋಲಾರ್ ವೈಟ್ ಎಂಬ 4 ಬಣ್ಣಗಳಲ್ಲಿ ಲಭ್ಯವಿದೆ.