ನವದೆಹಲಿ: ಉದ್ಯಮ ಮತ್ತು ವ್ಯಾಪಾರ ಬಲವರ್ಧನೆಗಾಗಿ ಉತ್ಪಾದಕತೆಯನ್ನು ಹೆಚ್ಚಿಸಲು ಜನರೇಟಿವ್ ಕೃತಕ ಬುದ್ಧಿಮತ್ತೆ (Generative AI) ಪರಿಹಾರಗಳಿಗಾಗಿ ಎನ್‌ವಿಡಿಯಾ (Nvidia) ಮತ್ತು ಭಾರತದ ಇನ್ಫೋಸಿಸ್ (Infosys) ಹೊಸ ಕಾರ್ಯತಂತ್ರದ ಪಾಲುದಾರಿಕೆಯನ್ನು ಘೋಷಿಸಿವೆ. ಈ ಪಾಲುದಾರಿಕೆಯ ಮೂಲಕ ಎನ್‌ವಿಡಿಯಾ ತನ್ನ ಎಂಟರ್‌ಪ್ರೈಸ್-ಗ್ರೇಡ್ ಎಐ ಮಾದರಿಗಳು, ರನ್‌ಟೈಮ್ಸ್, ಜಿಪಿಯು ಸಿಸ್ಟಮ್ಸ್ ಇನ್ಫೋಸಿಸ್ ಟೋಪಾಜ್‍ಗೆ ತರಲಿದೆ. ಇದು ಎಐ ಮೊದಲ ಸೆಟ್ ಸೇವೆಗಳು, ಪರಿಹಾರಗಳು ಮತ್ತು ಪ್ಲಾಟ್‌ಫಾರ್ಮ್‌ಗಳನ್ನು ಉತ್ಪಾದಿಸುವ ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನವನ್ನು ಬಳಸುತ್ತದೆ. ಈ ಪಾಲುದಾರಿಕೆಯ ಮೂಲಕ ತಮ್ಮ ವ್ಯವಹಾರಗಳಲ್ಲಿ ಜನರೇಟಿವ್ ಕೃತಕ ಬುದ್ಧಿಮತ್ತೆಯನ್ನು ಸುಲಭವಾಗಿ ಸಂಯೋಜಿಸಲು ಗ್ರಾಹಕರು ಅಳವಡಿಸಿಕೊಳ್ಳಬಹುದಾದ ಕೊಡುಗೆಗಳನ್ನು ಇನ್ಫೋಸಿಸ್ ರಚಿಸುತ್ತದೆ ಎನ್‌ವಿಡಿಯಾ ಹೇಳಿದೆ.
ಎಲ್ಲಕ್ಕಿಂತ ಹೆಚ್ಚಾಗಿ ಇನ್ಫೋಸಿಸ್ ಕೂಡ ಎನ್‌ವಿಡಿಯಾ ಸೆಂಟರ್ ಫಾರ್ ಎಕ್ಸ್‌ಲೆನ್ಸ್ ಕೇಂದ್ರವನ್ನು ತೆರೆಯಲಿದ್ದು, ತಮ್ಮ 50 ಸಾವಿರ ಉದ್ಯೋಗಿಗಳಿಗೆ ಎನ್‌ವಿಡಿಯಾ ಎಐ ತಂತ್ರಜ್ಞಾನ ಕುರಿತು ತರಬೇತಿಯನ್ನು ನೀಡಲಿದೆ.
ಇನ್ಫೋಸಿಸ್ ಟೋಪಾಜ್ ನೀಡುವ ಸೇವೆಗಳು ಮತ್ತು ಪರಿಹಾರಗಳು ಎನ್‌ವಿಡಿಯಾದ ಮೂಲ ತಂತ್ರಜ್ಞಾನಕ್ಕೆ ಪೂರಕವಾಗಿವೆ. ಎನ್‌ವಿಡಿಯಾದ ಎಐ ತಂತ್ರಜ್ಞಾನ ಸಾಮರ್ಥ್ಯ ಮತ್ತು 50,000 ಉದ್ಯೋಗಿಗಳಿಗೆ ತರಬೇತಿ ನೀಡುವ ಮೂಲಕ, ನಾವು ಎಂಡ್-ಟು-ಎಂಡ್ ಉದ್ಯಮದ ಪ್ರಮುಖ ಎಐ ಪರಿಹಾರಗಳನ್ನು ರಚಿಸುತ್ತಿದ್ದೇವೆ, ಅದು ಎಐ-ಫಸ್ಟ್ ಆಗಲು ಉದ್ಯಮಗಳಿಗೆ ಸಹಾಯ ಮಾಡುತ್ತದೆ ಎಂದು ಇನ್ಫೋಸಿಸ್ ಸಹ-ಸಂಸ್ಥಾಪಕ ಮತ್ತು ಅಧ್ಯಕ್ಷರಾದ ನಂದನ್ ನಿಲೇಕಣಿ ಹೇಳಿದ್ದಾರೆ.
ಈ ಸುದ್ದಿಯನ್ನೂ ಓದಿ: Infosys Q1 Results : ಇನ್ಫೋಸಿಸ್‌ಗೆ 5,945 ಕೋಟಿ ರೂ. ನಿವ್ವಳ ಲಾಭ, 2023-24ರ ಮುನ್ನೋಟಕ್ಕೆ ಕತ್ತರಿ
ಎನ್‌ವಿಡಿಯಾ ಎಐ ಎಂಟರ್‌ಪ್ರೈಸ್ ಪರಿಸರ ವ್ಯವಸ್ಥೆಯು ಜನರೇಟಿವ್ ಎಐಗಾಗಿ ವೇದಿಕೆಯನ್ನು ತ್ವರಿತವಾಗಿ ಒದಗಿಸುತ್ತದೆ. ಕಸ್ಟಮ್ ಅಪ್ಲಿಕೇಶನ್‌ಗಳು ಮತ್ತು ಪರಿಹಾರಗಳನ್ನು ನಿರ್ಮಿಸಲು ಈ ವೇದಿಕೆಯನ್ನು ಬಳಸಲು ವ್ಯಾಪಾರಗಳಿಗೆ ಸಹಾಯ ಮಾಡಲು ಎನ್‌ವಿಡಿಯಾ ಮತ್ತು ಇನ್ಪೋಸಿಸ್ ಒಟ್ಟಾಗಿ ಪರಿಣಿತ ಕಾರ್ಯಪಡೆಯನ್ನು ರಚಿಸುತ್ತವೆ ಎಂದು ನಂದನ್ ನಿಲೇಕಣಿ ಅವರು ಹೇಳಿದರು.
ಈ ಎರಡು ಕಂಪನಿಗಳು ಇನ್ಫೋಸಿಸ್ ಕಾರ್ಟೆಕ್ಸ್‌ನಂತಹ ಅಪ್ಲಿಕೇಶನ್‌ಗಳಲ್ಲಿ ತಮ್ಮ ಪರಿಣತಿಯನ್ನು ಹಂಚಿಕೊಳ್ಳುತ್ತವೆ ಎನ್‌ವಿಡಿಯಾ ರಿವಾ ಸ್ಪೀಚ್ ಮತ್ತು ಅನುವಾದ ಎಐ, ಇನ್ಫೋಸಿಸ್ ಜನರೇಟಿವ್ ಎಐ ಲ್ಯಾಬ್‌ಗಳನ್ನು ಎನ್‌ವಿಡಿಯಾ ನೆಮೊ ಫ್ರೇಮ್‌ವರ್ಕ್‌ನೊಂದಿಗೆ ಜೋಡಿಸಲಾಗುವುದು. 5 ಜಿ, ಸೈಬರ್ ಭದ್ರತೆ, ಶಕ್ತಿ ಪರಿವರ್ತನೆಯಂಥ ಕ್ಷೇತ್ರಗಳಲ್ಲಿ ಎಐ-ಚಾಲಿತ ಪರಿಹಾರಗಳನ್ನು ಅಭಿವೃದ್ಧಿಪಡಿಸಲಾಗುವುದು ಎಂದು ಅವರು ತಿಳಿಸಿದ್ದಾರೆ.