ಮುಂಬೈ, ಮಹಾರಾಷ್ಟ್ರ: ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ (Reliance Industries Ltd) ಅಂಗಸಂಸ್ಥೆಯಾದ ರಿಲಯನ್ಸ್ ರೀಟೇಲ್ ವೆಂಚರ್ಸ್ (Reliance Retail Ventures) ಲಿಮಿಟೆಡ್ ಅಲ್ಲಿ ಕತಾರ್ ಇನ್ವೆಸ್ಟ್ ಮೆಂಟ್ ಅಥಾರಿಟಿಯು (Qatar investment authority) ಸಂಪೂರ್ಣ ಸ್ವಾಮ್ಯದ ಅಂಗ ಸಂಸ್ಥೆಯ ಮೂಲಕ ರೂ. 8,278 ಕೋಟಿಯನ್ನು ಹೂಡಿಕೆ ಮಾಡಲಿದೆ ಎಂದು ಬುಧವಾರ ರಿಲಯನ್ಸ್ ರೀಟೇಲ್ ಘೋಷಣೆ ಮಾಡಿದೆ. ಈ ಹೂಡಿಕೆಯು ರಿಲಯನ್ಸ್ ರೀಟೇಲ್ ವೆಂಚರ್ಸ್ ಅನ್ನು ಪೂರ್ವ- ಹಣ ಈಕ್ವಿಟಿ ಮೌಲ್ಯ 8.278 ಲಕ್ಷ ಕೋಟಿ ರೂಪಾಯಿ ಎಂದು ಮೌಲ್ಯಮಾಪನ ಮಾಡಲಾಗಿದೆ.
ರಿಲಯನ್ಸ್ ರೀಟೇಲ್ ಅದರ ಅಂಗಸಂಸ್ಥೆಗಳು ಮತ್ತು ಸಹವರ್ತಿ ಸಂಸ್ಥೆಗಳ ಮೂಲಕ ಭಾರತದ ಅತಿ ದೊಡ್ಡ, ಅತಿ ವೇಗವಾಗಿ ಬೆಳೆಯುವ, ಮತ್ತು ಅತ್ಯಂತ ಲಾಭದಾಯಕ ಉದ್ಯಮವನ್ನು ನಡೆಸುತ್ತಿದೆ. ಸಂಯೋಜಿತ ಓಮ್ನಿ-ಚಾನೆಲ್ ಜಾಲದೊಂದಿಗೆ 18,500 ಕ್ಕೂ ಹೆಚ್ಚು ಮಳಿಗೆಗಳು ಹಾಗೂ ಡಿಜಿಟಲ್ ಪ್ಲಾಟ್ ಫಾರ್ಮ್ ಮೂಲಕ 26.7 ಕೋಟಿ ವಿಶ್ವಾಸಾರ್ಹ ಗ್ರಾಹಕರಿಗೆ ದಿನಸಿ, ಗ್ರಾಹಕ ಎಲೆಕ್ಟ್ರಾನಿಕ್ಸ್, ಫ್ಯಾಷನ್ ಮತ್ತು ಲೈಫ್ ಸ್ಟೈಲ್, ಫಾರ್ಮಾ ಉತ್ಪನ್ನಗಳನ್ನು ಒದಗಿಸುತ್ತದೆ. ಕತಾರ್ ಇನ್ವೆಸ್ಟ್ ಮೆಂಟ್ ಅಥಾರಿಟಿಯು ಸಂಪೂರ್ಣ ಡೈಲ್ಯೂಟ್ ಆಧಾರದಲ್ಲಿ ಆರ್ ಆರ್ ವಿಎಲ್ ನಲ್ಲಿ ಶೇಕಡಾ 0.99ರಷ್ಟು ಅಲ್ಪ ಪ್ರಮಾಣದ ಪಾಲನ್ನು ಪಡೆಯುತ್ತದೆ.
2020ನೇ ಇಸವಿಯಲ್ಲಿ 4.21 ಲಕ್ಷ ಕೋಟಿಗಳಷ್ಟು ಪೂರ್ವ- ಹಣ ಈಕ್ವಿಟಿ ಮೌಲ್ಯದ ಆಧಾರದಲ್ಲಿ ರಿಲಯನ್ಸ್ ರೀಟೇಲ್ ವೆಂಚರ್ ನಲ್ಲಿ 47,265 ಕೋಟಿ ಮೊತ್ತದ ನಿಧಿ ಸಂಗ್ರಹವನ್ನು ವಿವಿಧ ಜಾಗತಿಕ ಹೂಡಿಕೆದಾರರಿಂದ ಸಂಗ್ರಹಿಸಲಾಗಿತ್ತು.
ರಿಲಯನ್ಸ್ ರೀಟೇಲ್ ವೆಂಚರ್ಸ್ ಲಿಮಿಟೆಡ್ ನಿರ್ದೇಶಕಿ ಇಶಾ ಮುಕೇಶ್ ಅಂಬಾನಿ ಮಾತನಾಡಿ, “ರಿಲಯನ್ಸ್ ರೀಟೇಲ್ ವೆಂಚರ್ಸ್ ಲಿಮಿಟೆಡ್‌ನಲ್ಲಿ ಹೂಡಿಕೆದಾರರಾಗಿ ಕತಾರ್ ಇನ್ವೆಸ್ಟ್ ಮೆಂಟ್ ಅಥಾರಿಟಿಯನ್ನು ಸ್ವಾಗತಿಸಲು ನಾವು ಸಂತೋಷಪಡುತ್ತೇವೆ. ರಿಲಯನ್ಸ್ ರೀಟೇಲ್ ವೆಂಚರ್ಸ್ ಲಿಮಿಟೆಡ್ ಅನ್ನು ವಿಶ್ವ ದರ್ಜೆಯ ಸಂಸ್ಥೆಯಾಗಿ ನಾವು ಅಭಿವೃದ್ಧಿಪಡಿಸಿ, ಭಾರತೀಯ ರೀಟೇಲ್ ವಲಯದ ಪರಿವರ್ತನೆಗೆ ಚಾಲನೆ ನೀಡುವ ಮೂಲಕ ಕ್ಯೂಐಎ (QIA)ಯ ಜಾಗತಿಕ ಅನುಭವ ಮತ್ತು ಮೌಲ್ಯ ಸೃಷ್ಟಿಯ ಬಲವಾದ ದಾಖಲೆಯಿಂದ ಲಾಭ ಪಡೆಯಲು ನಾವು ಎದುರು ನೋಡುತ್ತಿದ್ದೇವೆ. ಕತಾರ್ ಇನ್ವೆಸ್ಟ್ ಮೆಂಟ್ ಅಥಾರಿಟಿಯ ಹೂಡಿಕೆಯು ಭಾರತೀಯ ಆರ್ಥಿಕತೆ ಮತ್ತು ರಿಲಯನ್ಸ್‌ನ ರೀಟೇಲ್ ವ್ಯಾಪಾರ ಮಾದರಿ, ಕಾರ್ಯತಂತ್ರ ಮತ್ತು ಕಾರ್ಯಗತಗೊಳಿಸುವ ಸಾಮರ್ಥ್ಯಗಳ ಕಡೆಗೆ ಸಕಾರಾತ್ಮಕ ದೃಷ್ಟಿಕೋನದ ಬಲವಾದ ಅನುಮೋದನೆ ಇದಾಗಿದೆ,” ಎಂದು ಹೇಳಿದ್ದಾರೆ.
ಕತಾರ್ ಇನ್ವೆಸ್ಟ್ ಮೆಂಟ್ ಅಥಾರಿಟಿ ಸಿಇಒ ಮನ್ಸೂರ್ ಇಬ್ರಾಹಿಂ ಅಲ್-ಮಹಮೂದ್ ಮಾತನಾಡಿ, “ಭಾರತದ ವೇಗವಾಗಿ ಬೆಳೆಯುತ್ತಿರುವ ರೀಟೇಲ್ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೆಳವಣಿಗೆಯ ಸಾಮರ್ಥ್ಯವನ್ನು ಹೊಂದಿರುವ ನವೀನ ಕಂಪನಿಗಳನ್ನು ಬೆಂಬಲಿಸಲು ಕ್ಯೂಐಎ ಬದ್ಧವಾಗಿದೆ. ನಾವು ರಿಲಯನ್ಸ್ ರೀಟೇಲ್ ವೆಂಚರ್ಸ್ ಲಿಮಿಟೆಡ್‌ಗೆ ಎದುರು ನೋಡುತ್ತಿದ್ದೇವೆ, ಅದರ ಬಲವಾದ ದೃಷ್ಟಿ ಮತ್ತು ಪ್ರಭಾವಶಾಲಿ ಬೆಳವಣಿಗೆಯ ಪಥದೊಂದಿಗೆ ಭಾರತದಲ್ಲಿನ ನಮ್ಮ ಬೆಳೆಯುತ್ತಿರುವ ಮತ್ತು ವೈವಿಧ್ಯಮಯ ಹೂಡಿಕೆಗಳ ಬಂಡವಾಳ ಸೇರಿಕೊಳ್ಳುತ್ತಿದೆ,” ಎಂದಿದ್ದಾರೆ.
ಈ ಸುದ್ದಿಯನ್ನೂ ಓದಿ: RIL Q4 Results : ರಿಲಯನ್ಸ್ ಇಂಡಸ್ಟ್ರೀಸ್‌ಗೆ ಜನವರಿ-ಮಾರ್ಚ್‌ನಲ್ಲಿ 19,299 ಕೋಟಿ ರೂ. ನಿವ್ವಳ ಲಾಭ, 19% ಏರಿಕೆ
ಲಕ್ಷಾಂತರ ಗ್ರಾಹಕರಿಗೆ ಸೇವೆ ಸಲ್ಲಿಸುವ, ಕಿರು, ಸಣ್ಣ ಮತ್ತು ಮಧ್ಯಮ ಉದ್ಯಮಗಳನ್ನು (MSME) ಸಬಲೀಕರಣಗೊಳಿಸುವ ಮತ್ತು ಜಾಗತಿಕ ಹಾಗೂ ದೇಶೀಯ ಕಂಪನಿಗಳೊಂದಿಗೆ ಆದ್ಯತೆಯ ಪಾಲುದಾರರಾಗಿ ನಿಕಟವಾಗಿ ಕೆಲಸ ಮಾಡುವ ಮೂಲಕ ಭಾರತೀಯ ರೀಟೇಲ್ ವಲಯವನ್ನು ಉತ್ತೇಜಿಸುವುದು, ಲಕ್ಷಾಂತರ ಭಾರತೀಯರಿಗೆ ರಕ್ಷಣೆ ಮತ್ತು ಉದ್ಯೋಗ ಸೃಷ್ಟಿಸುವುದು ರಿಲಯನ್ಸ್ ರೀಟೇಲ್ ನ ದೃಷ್ಟಿಯಾಗಿದೆ. ಆರ್ ಆರ್ ವಿಎಲ್ ತನ್ನ ಹೊಸ ವಾಣಿಜ್ಯ ವ್ಯವಹಾರದ ಮೂಲಕ 3 ಮಿಲಿಯನ್‌ಗಿಂತಲೂ ಹೆಚ್ಚು ಸಣ್ಣ ಮತ್ತು ಅಸಂಘಟಿತ ವ್ಯಾಪಾರಿಗಳನ್ನು ಡಿಜಿಟಲೈಸೇಷನ್ ಮಾಡಲಾಗಿದೆ. ಇದು ಈ ವ್ಯಾಪಾರಿಗಳಿಗೆ ತಮ್ಮ ಗ್ರಾಹಕರಿಗೆ ಉತ್ತಮ ಮೌಲ್ಯದ ಪ್ರತಿಪಾದನೆಯನ್ನು ತಲುಪಿಸಲು ತಂತ್ರಜ್ಞಾನ ಪರಿಕರಗಳನ್ನು ಮತ್ತು ಸಮರ್ಥ ಪೂರೈಕೆ ಸರಪಳಿ ಮೂಲಸೌಕರ್ಯ ಬಳಸಲು ಅನುವು ಮಾಡಿಕೊಡುತ್ತದೆ.
ರಿಲಯನ್ಸ್ ರೀಟೇಲ್ ವೆಂಚರ್ಸ್ ಲಿಮಿಟೆಡ್‌ನ ಆರ್ಥಿಕ ಸಲಹೆಗಾರರಾಗಿ ಮೋರ್ಗನ್ ಸ್ಟಾನ್ಲಿ ಕಾರ್ಯ ನಿರ್ವಹಿಸಿದರು ಹಾಗೂ ಸಿರಿಲ್ ಅಮರಚಂದ್ ಮಂಗಲದಾಸ್ ಮತ್ತು ಡೇವಿಸ್ ಪೋಲ್ಕ್ ಮತ್ತು ವಾರ್ಡ್‌ವೆಲ್ ಕಾನೂನು ಸಲಹೆಗಾರರಾಗಿ ಕಾರ್ಯನಿರ್ವಹಿಸಿದರು. ಆರ್‌ಐಎಲ್‌ಗೆ ಹಣಕಾಸು ಸಲಹೆಗಾರರಾಗಿ ಕಾರ್ಯನಿರ್ವಹಿಸುತ್ತಿರುವ ಗೋಲ್ಡ್‌ಮನ್ ಸ್ಯಾಚ್ಸ್, ಪ್ರಕ್ರಿಯೆ ಮತ್ತು ವಹಿವಾಟಿನ ರಚನೆಯ ಕುರಿತು ಸಲಹೆ ನೀಡಿದರು.
ವಾಣಿಜ್ಯದ ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.