ಶ್ರೀನಗರ: ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ (Rahul Gandhi) ಹಾಗೂ ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌ ಅವರ ಮದುವೆ ಬಗ್ಗೆ ಆಗಾಗ ದೇಶದಲ್ಲಿ ಚರ್ಚೆಯಾಗುತ್ತಲೇ ಇರುತ್ತದೆ. ಇವರಿಬ್ಬರು ಸುಮ್ಮನಿದ್ದರೂ ಜನ ಇವರ ಮದುವೆ ಬಗ್ಗೆ ಮಾತನಾಡುತ್ತಾರೆ. ಆದರೆ, ಮದುವೆ ವಿಚಾರಕ್ಕೆ ಸಂಬಂಧಿಸಿದಂತೆ ರಾಹುಲ್‌ ಗಾಂಧಿ ಅವರೇ ಪ್ರತಿಕ್ರಿಯಿಸಿದ್ದು, ತಾವು ಮದುವೆಯಾಗುವ ಹೆಣ್ಣುಮಗಳಿಗೆ ಯಾವ ಗುಣ ಇರಬೇಕು ಎಂಬುದನ್ನು ಹೇಳಿದ್ದಾರೆ.
ಭಾರತ್‌ ಜೋಡೋ ಯಾತ್ರೆ ಮಧ್ಯೆಯೇ ಕರ್ಲಿ ಟೇಲ್ಸ್‌ ಎಂಬ ಯುಟ್ಯೂಬ್‌ ಚಾನೆಲ್‌ನ ಕಾಮಿಯಾ ಜಾನಿ ಜತೆ ರಾಹುಲ್‌ ಗಾಂಧಿ ಮಾತನಾಡಿದ್ದು ಹಲವು ವಿಚಾರಗಳನ್ನು ಪ್ರಸ್ತಾಪಿಸಿದ್ದಾರೆ. ಮದುವೆ ಬಗ್ಗೆ ನಿರೂಪಕಿ ಕೇಳಿದಾಗ, “ಇವಳೇ ನನ್ನ ಬಾಳ ಸಂಗತಿ, ಇವಳೇ ನನಗೆ ಸರಿಯಾದ ಜೋಡಿ ಎಂದು ಎನಿಸಿದರೆ ಖಂಡಿತವಾಗಿಯೂ ಮದುವೆಯಾಗುತ್ತೇನೆ. ಪ್ರೀತಿಯಿಂದ ಕಾಣುವ ಗುಣ ಹಾಗೂ ಜಾಣತನ ಇರುವವರನ್ನು ಮದುವೆಯಾಗುತ್ತೇನೆ” ಎಂದು ಹೇಳಿದ್ದಾರೆ. ಈ ವಿಡಿಯೊ ಈಗ ವೈರಲ್‌ ಆಗಿದೆ.
ಮದುವೆ ಜತೆಗೆ ರಾಹುಲ್‌ ಗಾಂಧಿಯವರ ಇಷ್ಟದ ತಿನಿಸು, ನೆಚ್ಚಿನ ಹವ್ಯಾಸ, ಬಾಲ್ಯ, ಶಾಲೆಯ ದಿನಗಳು, ರಾಜಕೀಯ, ಪ್ರಧಾನಿ ಹುದ್ದೆ, ವಿದೇಶದಲ್ಲಿ ಸಿಕ್ಕ ಮೊದಲ ಜಾಬ್‌, ಅದರ ಸಂಬಳ ಸೇರಿ ಹತ್ತಾರು ವಿಷಯಗಳ ಕುರಿತು ರಾಹುಲ್‌ ಗಾಂಧಿ ಮುಕ್ತವಾಗಿ ಮಾತನಾಡಿದ್ದಾರೆ.
ಇದನ್ನೂ ಓದಿ | Rahul Gandhi | ರಾಹುಲ್‌ ಗಾಂಧಿಯನ್ನು ಆದಿ ಶಂಕರರಿಗೆ ಹೋಲಿಸಿದ ಫಾರೂಕ್‌ ಅಬ್ದುಲ್ಲಾ