ಮುಂಬಯಿ: ಬಾಲಿವುಡ್‌ ಸೂಪರ್‌ ಸ್ಟಾರ್‌ ಶಾರುಖ್‌ ಖಾನ್‌ ಅವರಿಗೆ ಭಾರತದಲ್ಲಿ ಮಾತ್ರವಲ್ಲದೆ ವಿಶ್ವಾದ್ಯಂತ ಅಭಿಮಾನಿಗಳಿದ್ದಾರೆ. ಕಳೆದ ಮೂರು ದಶಕಗಳಲ್ಲಿ 90ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಶಾರುಖ್‌ ಖಾನ್‌ ಇದೀಗ ಜಾಗತಿಕ ಸಿನಿಮಾ ರಂಗದಲ್ಲೂ ಯಶಸ್ವಿ ನಾಯಕ ನಟರ ಸಾಲಿನಲ್ಲಿದ್ದಾರೆ. (World’s Richest Actors) ಜತೆಗೆ ಜಗತ್ತಿನ ಅತ್ಯಂತ ಶ್ರೀಮಂತ ನಟರ ಪಟ್ಟಿಯಲ್ಲಿ 4ನೇ ಸ್ಥಾನವನ್ನೂ ಗಳಿಸಿದ್ದಾರೆ.
ವರ್ಲ್ಡ್‌ ಆಫ್‌ ಸ್ಟಾಟಿಸ್ಟಿಕ್ಸ್‌ ಟ್ವಿಟರ್‌ನಲ್ಲಿ ಬಿಡುಗಡೆಗೊಳಿಸಿರುವ ಅಂಕಿ ಅಂಶಗಳ ಪ್ರಕಾರ, ಬಾಲಿವುಡ್‌ ಬಾದ್‌ಶಾ ಶಾರುಖ್‌ ಖಾನ್‌ ಅವರು, ಜೆರಿ ಸೈನ್‌ಫೆಲ್ಡ್‌, ಟೈಲರ್‌ ಪೆರ್ರಿ ಮತ್ತು ಡ್ವೀನ್‌ ಜಾನ್ಸನ್‌ ಬಳಿಕ ಅತಿ ಸಿರಿವಂತ ನಟರಾಗಿ ಹೊರಹೊಮ್ಮಿದ್ದಾರೆ. ಪಟ್ಟಿಯಲ್ಲಿರುವ ಏಕೈಕ ಭಾರತೀಯ ನಟ ಅವರಾಗಿದ್ದಾರೆ. ಪಟ್ಟಿಯ ಪ್ರಕಾರ ಶಾರುಖ್‌ ಖಾನ್‌ ಸಂಪತ್ತು ಅಂದಾಜು 770 ದಶಲಕ್ಷ ಡಾಲರ್. ಅಂದರೆ ರೂಪಾಯಿ ಲೆಕ್ಕದಲ್ಲಿ 6,306 ಕೋಟಿ ರೂ.
ಶ್ರೀಮಂತ ನಟರ ಪಟ್ಟಿಯಲ್ಲಿ ಇರುವ ಇತರ ನಟರೆಂದರೆ, ಟಾಮ್‌ ಕ್ರೂಸ್‌, ಜಾಕಿ ಚಾನ್‌, ಜಾರ್ಜ್‌ ಕ್ಲೋನಿ, ರಾಬರ್ಟ್‌ ಡಿನಿರೊ.