ಜಾಮ್‌ನಗರ: ರಿಲಯನ್ಸ್‌ ಇಂಡಸ್ಟ್ರೀಸ್‌ ಮುಖ್ಯಸ್ಥ, ವಿಶ್ವದ ಶ್ರೀಮಂತರಲ್ಲಿ ಒಬ್ಬರಾದ ಉದ್ಯಮಿ ಮುಕೇಶ್‌ (Mukesh Ambani) ಅಂಬಾನಿ ಪುತ್ರ ಅನಂತ್‌ ಅಂಬಾನಿ (Anant Ambani) ಹಾಗೂ ಉದ್ಯಮಿ ವಿರೇನ್‌ ಮರ್ಚಂಟ್‌ ಅವರ ಪುತ್ರಿ ರಾಧಿಕಾ ಮರ್ಚಂಟ್‌ (Radhika Merchant) ವಿವಾಹ ಪೂರ್ವ ಸಂಭ್ರಮದ ಹಿನ್ನೆಲೆಯಲ್ಲಿ ಗುಜರಾತ್‌ನ ಜಾಮ್‌ನಗರದಲ್ಲಿ ಸ್ವರ್ಗವೇ ಧರೆಗಿಳಿದಿದೆ. ಸಾವಿರಾರು ಗಣ್ಯರ ಆಗಮನದ ಮಧ್ಯೆಯೇ ಅದ್ಧೂರಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗಿದೆ. ಇನ್ನು, ಮೂರು ದಿನಗಳ ಸಂಭ್ರಮಾಚರಣೆಯಲ್ಲಿ ಖ್ಯಾತ ಪಾಪ್‌ ಗಾಯಕಿ ರಿಹಾನಾ (Rihanna) ಅವರ ಲೈವ್‌ ಶೋ ಕೂಡ ಇರಲಿದೆ. ಇದಕ್ಕಾಗಿ ಜಾಗತಿ ಮಟ್ಟದಲ್ಲಿ ಖ್ಯಾತಿ ಗಳಿಸಿರುವ ರಿಹಾನಾ ಅವರು ಸುಮಾರು 66-74 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ ಎಂದು ತಿಳಿದುಬಂದಿದೆ.
🎥: Rihanna arrived in India for her performance at Anant Ambani & Radhika Merchant’s pre-wedding ceremony.@rihanna pic.twitter.com/hWYs1Wk7ob
— PANDIT S.K SHARMA (@paitaj779309) March 1, 2024
ಹೌದು, ಜಗತ್ತಿನ ಯಾವುದೇ ಮೂಲೆಯಲ್ಲಿ ರಿಹಾನಾ ಅವರ ಲೈವ್‌ ಮ್ಯೂಸಿಕ್‌ ಶೋ ನಡೆದರೆ, ಅಲ್ಲೆಲ್ಲ ಲಕ್ಷಾಂತರ ಜನ ಸೇರುತ್ತಾರೆ. ಸಾಮಾಜಿಕ ಜಾಲತಾಣಗಳ ಮೂಲಕ ಅವರ ಹಾಡಿಗೆ ಕಿವಿಯಾಗುತ್ತಾರೆ. ಹಾಗಾಗಿ, ಯಾವುದೇ ಶೋಗೆ ಇಡೀ ತಂಡವನ್ನು ಕರೆದುಕೊಂಡು ಹೋಗುವ ರಿಹಾನಾ ಅವರು ಸುಮಾರು 66-74 ಕೋಟಿ ರೂ. ಚಾರ್ಜ್‌ ಮಾಡುತ್ತಾರೆ. ಅನಂತ್‌ ಅಂಬಾನಿ ಹಾಗೂ ರಾಧಿಕಾ ಮರ್ಚಂಟ್‌ ಅವರ ವಿವಾಹಪೂರ್ವ ಕಾರ್ಯಕ್ರಮದಲ್ಲೂ ಲೈವ್‌ ಶೋಗಾಗಿ ರಿಹಾನಾ ಅವರು ಸುಮಾರು 74 ಕೋಟಿ ರೂ. ಸಂಭಾವನೆ ಪಡೆದಿದ್ದಾರೆ ಎಂದು ತಿಳಿದುಬಂದಿದೆ.
Rihanna's performance to drone show: Here's a lowdown on Anant-Radhika's pre-wedding festivities on Day 1
— ANI Digital (@ani_digital) March 1, 2024
Read @ANI Story | https://t.co/JKNcdlQ4Yd#AnantAmbani #RadhikaMerchant #Rihanna #Jamnagar #Siddaramaiah pic.twitter.com/pBZqtbidzd
ರಿಹಾನಾ ಅವರು ಇಡೀ ತಂಡದೊಂದಿಗೆ ಫೆಬ್ರವರಿ 29ರಂದೇ ಭಾರತಕ್ಕೆ ಆಗಮಿಸಿದ್ದಾರೆ. ಅವರ ಲಗೇಜ್‌ 4 ಟ್ರಕ್‌ಗಳಷ್ಟು ಇದೆ ಎಂದು ಕೂಡ ತಿಳಿದುಬಂದಿದೆ. ಲೈವ್‌ ಶೋನಲ್ಲಿ ರಿಹಾನಾ ಅವರು ಅಂಬಾನಿ ಪುತ್ರನ ಮದುವೆ ಪೂರ್ವ ಸಮಾರಂಭದ ವೇಳೆ ಡೈಮಂಡ್ಸ್‌, ಆಲ್‌ ಆಫ್‌ ದಿ ಲೈಟ್ಸ್‌, ವಿ ಫೌಂಟ್‌ ಲವ್‌ ಇನ್‌ ಎ ಹೋಪ್‌ಲೆಸ್‌ ಪ್ಲೇಸ್‌ ಸೇರಿ ಹಲವು ಹಿಟ್‌ ಹಾಡುಗಳನ್ನು ಹಾಡಲಿದ್ದಾರೆ ಎಂದು ತಿಳಿದುಬಂದಿದೆ. ಮಾರ್ಚ್‌ 1ರ ರಾತ್ರಿ ಸೇರಿ ಮೂರು ದಿನವೂ ಅವರ ಲೈವ್‌ ಶೋ ಇರಲಿದೆ ಎಂದು ತಿಳಿದುಬಂದಿದೆ.
#WATCH | Actor Akshay Kumar arrives in Jamnagar, Gujarat for the three-day pre-wedding celebrations of Anant Ambani and Radhika Merchant. pic.twitter.com/trdm3CFDRT
— ANI (@ANI) March 1, 2024
ಇದನ್ನೂ ಓದಿ: ಅನಂತ್‌ ಅಂಬಾನಿ ವಿವಾಹಪೂರ್ವ ಕಾರ್ಯಕ್ರಮದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಸ್ಟಾರ್ ಕ್ರಿಕೆಟಿಗರು
ಗಣ್ಯರ ದಂಡೇ ಆಗಮನ
ಅನಂತ್‌ ಅಂಬಾನಿ ಹಾಗೂ ರಾಧಿಕಾ ಮರ್ಚಂಟ್‌ ಅವರ ವಿವಾಹ ಪೂರ್ವ ಕಾರ್ಯಕ್ರಮದ ಹಿನ್ನೆಲೆಯಲ್ಲಿ ಜಾಮ್‌ನಗರಕ್ಕೆ ಗಣ್ಯರ ದಂಡೇ ಆಗಮಿಸಿದೆ. ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಪುತ್ರಿ ಇವಾಂಕಾ ಟ್ರಂಪ್‌, ವೆಸ್ಟ್‌ ಇಂಡೀಸ್‌ ಕ್ರಿಕೆಟಿಗ ಡ್ವೇನ್‌ ಬ್ರಾವೋ, ಬಾಲಿವುಡ್‌ ನಟರಾದ ಅಕ್ಷಯ್‌ ಕುಮಾರ್‌, ಸುನೀಲ್‌ ಶೆಟ್ಟಿ, ಕ್ರಿಕೆಟಿಗರಾದ ಸೂರ್ಯಕುಮಾರ್‌ ಯಾದವ್‌, ಇಶಾನ್‌ ಕಿಶನ್‌ ಸೇರಿ ಸಾವಿರಾರು ಗಣ್ಯರು ಜಾಮ್‌ನಗರದಲ್ಲಿ ಬೀಡು ಬಿಟ್ಟಿದ್ದಾರೆ.
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ