ಮಹಾರಾಷ್ಟ್ರದ ಯಾವತ್ಮಾಲ್ನಲ್ಲೊಂದು ಭಯಂಕರ ಸ್ಫೋಟವಾಗಿ, ಭೂಮಿಯೇ ಸಿಡಿದು ನೀರು ಚಿಮ್ಮಿದೆ. ಈ ದೃಶ್ಯದ ವಿಡಿಯೊ ವೈರಲ್ ಆಗುತ್ತಿದೆ. ಆ ಸಿಮೆಂಟ್ ರಸ್ತೆಯಲ್ಲಿ ಅಂಡರ್ಗ್ರೌಂಡ್ನಲ್ಲಿ ಹಾಕಲಾಗಿದ್ದ ಪೈಪ್ಲೈನ್ ಒಡೆದು, ರಸ್ತೆಯನ್ನು ಸೀಳಿಕೊಂಡು ನೀರು ಹೊರಬಂದಿದೆ. ಅಲ್ಲೊಬ್ಬಳು ಯುವತಿ ಸ್ಕೂಟರ್ನಲ್ಲಿ ಅತ್ತ ಪಾಸ್ ಆಗುತ್ತಿದ್ದಂತೆ, ಇತ್ತ ಭೂಮಿಯಾಳದಿಂದ ಮೊದಲು ಹೊಗೆ ಬರಲು ಶುರುವಾಗಿ, ನೆಲವೆಲ್ಲ ಛಿದ್ರವಾಗಿ ನಂತರ ಪೈಪ್ನಿಂದ ರಭಸವಾಗಿ ಮಣ್ಣು ಮಿಶ್ರಿತ ನೀರು ಹೊರಬರಲು ಪ್ರಾರಂಭವಾಗಿದೆ. ಆ ಯುವತಿ ಬಿದ್ದು ಗಾಯಗೊಂಡಿದ್ದಾಗಿ ವರದಿಯಾಗಿದೆ.
ಪೈಪ್ಲೈನ್ ಒಡೆದು ನೀರು ಚಿಮ್ಮಿದ ದೃಶ್ಯ:
2020ರಲ್ಲಿ ಉತ್ತರ ಪ್ರದೇಶದ ಬರೇಲಿಯಲ್ಲಿ ಕೂಡ ಇಂಥದ್ದೇ ಒಂದು ಘಟನೆ ನಡೆದಿತ್ತು. ಅಲ್ಲಿನ ಕೊರೊನಾ ವೈರಸ್ ರೋಗಿಗಳು ಇರುವ ವಾರ್ಡ್ನ ಸೀಲಿಂಗ್ನಲ್ಲಿ ಹಾಕಲಾಗಿದ್ದ ಪೈಪ್ಲೈನ್ ಒಡೆದು, ಇಡೀ ವಾರ್ಡ್ ನೀರಿನಿಂದ ತುಂಬಿ ಹೋಗಿತ್ತು. ಜೋರಾದ ಮಳೆಗಾಲದಲ್ಲೇ ಈ ಘಟನೆ ಆಗಿತ್ತು. ಪೈಪ್ನಿಂದ ನೀರು ವಾರ್ಡ್ನಲ್ಲಿ ಒಳ್ಳೆ ಜಲಪಾತದ ರೀತಿಯಲ್ಲಿ ಸುರಿಯುತ್ತಿರುವ ಮತ್ತು ಹಲವು ರೋಗಿಗಳು ಅಲ್ಲೇ ಕುಳಿತಿದ್ದ ವಿಡಿಯೊ ವೈರಲ್ ಆಗಿತ್ತು.