ಲಖನೌ: ಉತ್ತರ ಪ್ರದೇಶ ವಿಧಾನಸಭೆಯಲ್ಲಿ ಹಣಕಾಸು ಸಚಿವ ಸುರೇಶ್‌ ಖನ್ನಾ (Suresh Khanna) ಅವರು 2024-25ನೇ ಸಾಲಿನ ಬಜೆಟ್ (UP Budget 2024-25) ಮಂಡಿಸಿದ್ದಾರೆ. ರಾಜ್ಯದ ಇತಿಹಾಸದಲ್ಲಿಯೇ ಇದೇ ಮೊದಲ ಬಾರಿಗೆ ದಾಖಲೆ ಮೊತ್ತದ ಬಜೆಟ್‌ಅನ್ನು ಮಂಡಿಸಿದ್ದಾರೆ. ಸುರೇಶ್‌ ಖನ್ನಾ ಅವರು 7.36 ಲಕ್ಷ ಕೋಟಿ ರೂ. ಮೊತ್ತದ ಬಜೆಟ್ ಮಂಡಿಸಿದ್ದು, ಇದರಲ್ಲಿ ರಾಮನಗರಿ ಅಯೋಧ್ಯೆ (Ayodhya) ನಗರದ ಅಭಿವೃದ್ಧಿಗೆ 100 ಕೋಟಿ ರೂ. ಮೀಸಲಿಟ್ಟಿದ್ದಾರೆ. ಹಾಗೆಯೇ, ಅಯೋಧ್ಯೆಯಲ್ಲಿ ನಿರ್ಮಿಸಲಾಗಿರುವ ಮಹರ್ಷಿ ವಾಲ್ಮೀಕಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ 150 ಕೋಟಿ ರೂ. ಮೀಸಲಿಟ್ಟಿದ್ದಾರೆ.
ಬಜೆಟ್ ಭಾಷಣದ ವೇಳೆ ಅಯೋಧ್ಯೆ ರಾಮಮಂದಿರದ ಕುರಿತು ಸುರೇಶ್‌ ಖನ್ನಾ ಪ್ರಸ್ತಾಪಿಸಿದರು. “ಅಯೋಧ್ಯೆಯಲ್ಲಿ ರಾಮಮಂದಿರವನ್ನು ನಿರ್ಮಿಸಿದ ಬಳಿಕ ಅಯೋಧ್ಯೆಯ ಸಾಂಸ್ಕೃತಿಕ ಹಾಗೂ ಸಾಮಾಜಿಕ ಚಹರೆ ಬದಲಾಗಿದೆ. ಅಯೋಧ್ಯೆ ನಗರವೀಗ ಜಗತ್ತಿನ ಪ್ರಮುಖ ಪ್ರವಾಸೋದ್ಯಮ ತಾಣವಾಗಿದೆ. ಭಾರತ ಸೇರಿ ಬೇರೆ ಜಗತ್ತಿನಾದ್ಯಂತ ಪ್ರವಾಸಿಗರು ಅಯೋಧ್ಯೆಯತ್ತ ಆಗಮಿಸುತ್ತಿದ್ದಾರೆ” ಎಂದು ಹೇಳಿದರು.
#WATCH | Uttar Pradesh CM Yogi Adityanath along with State Finance Minister Suresh Khanna arrives at the State Assembly in Lucknow.
— ANI (@ANI) February 5, 2024
The Finance Minister will table the budget today pic.twitter.com/KOO1r2HsBt
ಮಹಾ ಕುಂಭ ಮೇಳಕ್ಕೆ 2,500 ಕೋಟಿ ರೂ.
ಉತ್ತರ ಪ್ರದೇಶದ ಪ್ರಯಾಗರಾಜ್‌ನಲ್ಲಿ 2025ರಲ್ಲಿ ನಡೆಯುವ ಮಹಾ ಕುಂಭ ಮೇಳಕ್ಕೆ ಯೋಗಿ ಆದಿತ್ಯನಾಥ್ ನೇತೃತ್ವದ ರಾಜ್ಯ ಸರ್ಕಾರವು 2,500 ಕೋಟಿ ರೂ. ಮೀಸಲಿಟ್ಟಿದೆ. ಸುಸಜ್ಜಿತ ಹಾಗೂ ಅದ್ಧೂರಿಯಾಗಿ ಮಹಾ ಕುಂಭ ಮೇಳ ಆಯೋಜಿಸಲು ತೀರ್ಮಾನಿಸಲಾಗಿದ್ದು, ಇದರ ಸಿದ್ಧತೆಗಾಗಿ 2,500 ಕೋಟಿ ರೂ. ಮೀಸಲಿಟ್ಟಿದೆ. ಬಜೆಟ್ ಬಳಿಕ ಮಾತನಾಡಿದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್, “ಈ ಬಾರಿಯ ಬಜೆಟ್‌ಅನ್ನು ಭಗವಾನ್‌ ಶ್ರೀರಾಮನಿಗೆ ಅರ್ಪಿಸುತ್ತಿದ್ದೇವೆ” ಎಂದು ಹೇಳಿದರು.
ಇದನ್ನೂ ಓದಿ: Budget 2024: ಇದು ‘ನಿರ್ಮಲ’ ಬಜೆಟ್! ತೆರಿಗೆ ಬದಲಾವಣೆಯೂ ಇಲ್ಲ, ಪುಕ್ಕಟೆ ಯೋಜನೆಯೂ ಇಲ್ಲ!
ಉತ್ತರ ಪ್ರದೇಶ ಬಜೆಟ್‌ನ ಪ್ರಮುಖಾಂಶಗಳು
- ವಿದ್ಯಾರ್ಥಿಗಳಿಗೆ ಸ್ಮಾರ್ಟ್‌ಫೋನ್‌, ಟ್ಯಾಬ್ಲೆಟ್‌ ನೀಡಲು 4 ಸಾವಿರ ಕೋಟಿ ರೂ.
- ಗಂಗಾ ಎಕ್ಸ್‌ಪ್ರೆಸ್‌ ವೇ ಪ್ರಾಜೆಕ್ಟ್‌ಗೆ 2,057 ಕೋಟಿ ರೂ. ವಿನಿಯೋಗ
- ಧಾರ್ಮಿಕ ಕ್ಷೇತ್ರಗಳಿಗೆ ಸಂಪರ್ಕ ಕಲ್ಪಿಸುವ ರಸ್ತೆಗಳ ನಿರ್ಮಾಣಕ್ಕೆ 1,750 ಕೋಟಿ ರೂ. ಮೀಸಲು
- ನಿರ್ಗತಿಕ ಮಹಿಳೆಯರ ಪಿಂಚಣಿಯನ್ನು 500 ರೂ.ನಿಂದ 1,000 ರೂ.ಗೆ ಏರಿಕೆ
- ಗ್ರಾಮೀಣ ಭಾಗದಲ್ಲಿ 124 ಸ್ಟೇಡಿಯಂಗಳ ನಿರ್ಮಾಣ
ಈ ಸಂಗತಿಯ ಕುರಿತು ನಿಮ್ಮ ಅನಿಸಿಕೆ ಏನು? ಕಾಮೆಂಟ್ ಮೂಲಕ ತಿಳಿಸಿ