ಸುರಂಗ ಕಾರ್ಯಾಚರಣೆ; ತಪ್ಪಿದ್ದು ಎಲ್ಲಿ, ಯಶಸ್ವಿಯಾದದ್ದು ಹೇಗೆ? ಕ್ಷಣಕ್ಷಣದ ಡೀಟೇಲ್ಸ್

ಡೆಹ್ರಾಡೂನ್‌: ನಿರ್ಮಾಣ ಹಂತದಲ್ಲಿರುವ ಉತ್ತರಕಾಶಿಯ ಸಿಲ್ಕ್ಯಾರಾ- ಬಾರ್ಕೋಟ್ ಸುರಂಗದಲ್ಲಿ (Uttarkashi Tunnel Collapse) ಸಿಕ್ಕಿಬಿದ್ದ ಎಲ್ಲಾ 41 ಕಾರ್ಮಿಕರನ್ನು ಮಂಗಳವಾರ ರಕ್ಷಿಸಲಾಗಿದೆ. ಭಾರೀ ಯಂತ್ರಗಳು ಸಾಧಿಸಲಾಗದ್ದನ್ನು ರ‍್ಯಾಟ್‌ ಹೋಲ್‌ ಮೈನರ್‌ಗಳು (Rat hole miners) ಸಾಧಿಸಿದ್ದಾರೆ. ಕಾರ್ಯಾಚರಣೆಯಲ್ಲಿ (rescue operation) ಸಕ್ಸಸ್‌ ಆದದ್ದು ಯಾವುದು, ಮಿಸ್‌ ಹೊಡೆದದ್ದು ಯಾವುದು?

ಇಡೀ ಕಾರ್ಯಾಚರಣೆಯ ಚಿತ್ರಣ ಹೀಗಿದೆ:

ನವೆಂಬರ್‌ 11ರಂದು ಸುರಂಗ ಮಧ್ಯದಲ್ಲಿ ಕುಸಿದು ಕಾರ್ಮಿಕರು ಒಳಗೆ ಬಾಕಿಯಾದರು. ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ (ಎನ್‌ಡಿಆರ್‌ಎಫ್) ಸಿಬ್ಬಂದಿ ಮತ್ತು ಇತರ ರಕ್ಷಣಾ ಕಾರ್ಯಕರ್ತರನ್ನು ಕೂಡಲೇ ಸಿಲ್ಕ್ಯಾರಾ ಸುರಂಗದ ಬಳಿ ಕರೆಸಲಾಯಿತು. ಕಾರ್ಮಿಕರು ಮತ್ತು ಹೊರಗಿನ ನಡುವೆ 57 ಮೀಟರ್‌ ಮಣ್ಣುಬಂಡೆಗಳು ಬಿದ್ದಿದ್ದವು.

ರಕ್ಷಣಾ ಕಾರ್ಯಾಚರಣೆಯು ನವೆಂಬರ್ 12 ರಂದು ಪ್ರಾರಂಭವಾಯಿತು. ಕಾರ್ಮಿಕರನ್ನು ಮುಕ್ತಗೊಳಿಸಲು ಅಧಿಕಾರಿಗಳು 57 ಮೀಟರ್‌ ದಪ್ಪದ ಶಿಲಾಖಂಡರಾಶಿಗಳ ಗೋಡೆಯನ್ನು ಕೊರೆಯಲು ಹಲವಾರು ಯೋಜನೆಗಳನ್ನು ಯೋಚಿಸಿದರು.

ಎನ್‌ಡಿಆರ್‌ಎಫ್ ಅಧಿಕಾರಿಗಳು ಅವಶೇಷಗಳನ್ನು ಹೊರತೆಗೆಯಲು ಅಗೆಯುವ ಯಂತ್ರಗಳನ್ನು ಬಳಸಿದರು. ಒಂದು ದಿನದೊಳಗೆ, ಯಂತ್ರಗಳು 57 ಮೀಟರ್ ಶಿಲಾಖಂಡರಾಶಿಗಳಲ್ಲಿ 21‌ ಮೀಟರ್ ಅನ್ನು ಕೆತ್ತಿದವು. ಆದರೆ ಆ ಯೋಜನೆಯು ಒಂದೇ ದಿನದಲ್ಲಿ ಮೊದಲ ಅಡಚಣೆಯನ್ನು ಎದುರಿಸಿತು. ತೆರವು ಮಾಡಿದ ಮೂರನೇ ಒಂದು ಭಾಗದಷ್ಟು ಮತ್ತೆ ಸುರಂಗ ಕುಸಿಯಿತು. ಏಳು ಮೀಟರ್ ಹೆಚ್ಚು ಕಲ್ಲುಮಣ್ಣುಗಳನ್ನು ಸೇರಿಸಿತು.

ಈಗಾಗಲೇ ಅಸ್ಥಿರ ಪರಿಸ್ಥಿತಿಯಲ್ಲಿರುವ ಸುರಂಗದಲ್ಲಿ ಅಗೆಯುವ ಯಂತ್ರಗಳ ನಿರಂತರ ಬಳಕೆಯು ಇನ್ನಷ್ಟು ಹಾನಿಯನ್ನುಂಟುಮಾಡಬಹುದು ಎಂಬ ಆತಂಕ ಮೂಡಿತು. ಅಧಿಕಾರಿಗಳು ನವೆಂಬರ್ 14ರಂದು ಹೊಸ ತಂತ್ರಕ್ಕಾಗಿ ಬೇಟೆಯಾಡಲು ಪ್ರಾರಂಭಿಸಿದರು.

ಆಗರ್ ಯಂತ್ರಗಳತ್ತ ದೃಷ್ಟಿ ಬಿತ್ತು. ಮುಂಭಾಗದಲ್ಲಿ ರೋಟರಿ ಬ್ಲೇಡ್‌ಗಳನ್ನು ಹೊಂದಿರುವ ಕಾರ್ಕ್‌ಸ್ಕ್ರೂ ತರಹದ ಸಾಧನಗಳಿರುವ ಇದನ್ನು ಕಲ್ಲುಬಂಡೆ, ಕಾಂಕ್ರೀಟ್‌ನಂಥ ಕಠಿಣ ಪದರಗಳನ್ನು ಕೊರೆಯಲು ಬಳಸಲಾಗುತ್ತದೆ.

ಯಂತ್ರವು ಬಂಡೆಯನ್ನು ಕತ್ತರಿಸುತ್ತ ಹೋದಂತೆ ಅಧಿಕಾರಿಗಳು 800-900 ಎಂಎಂ ಅಗಲದ ಉಕ್ಕಿನ ಪೈಪ್‌ಗಳನ್ನು ಸೇರಿಸುತ್ತ ಇದ್ದರು. ಆದರೆ ಈ ಯಂತ್ರ ಕೇವಲ ಎರಡು ಮೀಟರ್‌ಗಳಲ್ಲಿ ಹಲ್ಲು ಮುರಿದುಕೊಂಡಿತು. ಗಟ್ಟಿಯಾದ ಕಲ್ಲಿನ ಎದುರು ನಿಂತುಬಿಟ್ಟಿತು.

ನಂತರ, ಅಧಿಕಾರಿಗಳು ನವೆಂಬರ್ 15ರಂದು ದೆಹಲಿಯಿಂದ ವಿಮಾನದಲ್ಲಿ ಹೆಚ್ಚು ಶಕ್ತಿಶಾಲಿ ಯುಎಸ್ ನಿರ್ಮಿತ ಆಗರ್ ಯಂತ್ರ ತರಿಸಿದರು. ಅದು ಮರುದಿನ ಉತ್ತರಕಾಶಿಯನ್ನು ತಲುಪಿತು. ನವೆಂಬರ್ 17ರ ಹೊತ್ತಿಗೆ ಅದು 22 ಮೀ. ಅವಶೇಷಗಳನ್ನು ತೆರವುಗೊಳಿಸಿತು. ಆದರೆ ಈ ಯಂತ್ರ ಕೂಡ ಗಟ್ಟಿಯಾದ ಗೋಡೆಯ ಮುಂದೆ ಅದರ ಬ್ಲೇಡ್‌ಗಳನ್ನು ಸ್ಥಗಿತಗೊಳಿಸಿತು.

ಆದರೂ ಅಧಿಕಾರಿಗಳು ಆಕಸ್ಮಿಕಗಳ ನಡುವೆಯೂ ಆಗರ್ ಯಂತ್ರವನ್ನು ಮುಂದುವರೆಸಿದರು. ಮೇಲಿನಿಂದ ಬೆಟ್ಟವನ್ನು ಕೊರೆದು ಸುರಂಗವನ್ನು ಪ್ರವೇಶಿಸಲು ಎರಡು ಸ್ಥಳಗಳಲ್ಲಿ ಲಂಬವಾಗಿ ಕೊರೆಯುವ ಯೋಜನೆ ಹಾಕಿದರು. ಬೆಟ್ಟದ ಬದಿಯಿಂದ ಅಡ್ಡಲಾಗಿ ಕೊರೆಯುವುದು, ಮತ್ತು ಸುರಂಗದ ಇನ್ನೊಂದು ತುದಿಯಿಂದ ಅಗೆಯುವ ಯೋಜನೆಗಳೂ ಚರ್ಚೆಯಾದವು.

ಈ ಹಂತದಲ್ಲಿ, ONGC ಸೇರಿದಂತೆ ಹೆಚ್ಚಿನ ಏಜೆನ್ಸಿಗಳನ್ನು ಕಾರ್ಯಾಚರಣೆಗೆ ಕರೆತರಲಾಯಿತು. ಅವುಗಳು ಹೈಡಲ್ ಮಿಷನ್‌ಗಳಲ್ಲಿ ಪ್ರವೀಣವಾಗಿವೆ.

ಏತನ್ಮಧ್ಯೆ, ರಕ್ಷಕರು ಸಿಕ್ಕಿಬಿದ್ದ ಕಾರ್ಮಿಕರಿಗೆ ಆಹಾರ, ಔಷಧಿಗಳು, ಇತರ ಅಗತ್ಯ ಸರಬರಾಜುಗಳು, ಟೆಲಿಫೋನ್ ಲೈನ್‌ಗಳು ಮತ್ತು ವೀಡಿಯೊ ಸಂಪರ್ಕವನ್ನು ಸ್ಥಾಪಿಸಲು ಎಂಡೋಸ್ಕೋಪಿಕ್ ಕ್ಯಾಮೆರಾವನ್ನು ಪೂರೈಸಲು ಪೈಪ್‌ಗಳಲ್ಲಿ ತಳ್ಳುವುದನ್ನು ಮುಂದುವರೆಸಿದರು. ಆಗರ್ ಯಂತ್ರ ಕೂಡ ಕೊರೆಯುತ್ತಿತ್ತು. ಅಧಿಕಾರಿಗಳು ಮತ್ತು ಕಾರ್ಮಿಕರಲ್ಲಿ ಭರವಸೆಯನ್ನು ಹೆಚ್ಚಿಸಲಾಯಿತು.

ಅಂತಿಮವಾಗಿ, ನವೆಂಬರ್ 22ರಂದು ಆಗರ್ ಯಂತ್ರವೇ ಧ್ವಂಸಗೊಂಡಿತು. ಅದರ ತ್ವರಿತ ರಿಪೇರಿ ನವೆಂಬರ್ 24ರಂದು ಮರುಪ್ರಾರಂಭಿಸಲು ಸಹಾಯ ಮಾಡಿತು. ಆದರೆ ಅದೂ ಕೂಡಲೇ ನಿಂತಿತು. ಕೊನೆಗೆ ಪಾರುಗಾಣಿಕೆ ಪೈಪ್‌ಗಳೂ ಅಪಾಯಕ್ಕೊಳಗಾಗುವ, ಸಂಪೂರ್ಣ ಕಾರ್ಯಾಚರಣೆ ಹಾನಿಗೀಡಾಗುವ ಲಕ್ಷಣ ಕಂಡುಬಂತು. ಯಂತ್ರವು ಸುರಂಗದ 46.8 ಮೀವರೆಗೆ ಕೊರೆದಿತ್ತು.

ಅಧಿಕಾರಿಗಳು ನಂತರ ಕೊನೆಯ ಉಪಾಯದತ್ತ ಹೋದರು. ಉಳಿದಿರುವ 12 ಮೀಟರ್‌ ದೂರವನ್ನು ಹಸ್ತಚಾಲಿತವಾಗಿ ಚಿಪ್ ಮಾಡುವ ರ‍್ಯಾಟ್‌ ಹೋಲ್ ಮೈನರ್ಸ್ ಅನ್ನು ಕಳುಹಿಸುವುದು.

ಈ ಕ್ರಮವೇ ಕೊನೆಗೆ ಫಲ ನೀಡಿತು. ಇಲಿ ಬಿಲ ಗಣಿಗಾರರು ಪೈಪ್‌ಗೆ ಪ್ರವೇಶಿಸಿದ ಎರಡು ಗಂಟೆಗಳಲ್ಲಿ (ಸೋಮವಾರ ಸಂಜೆ 7 ಗಂಟೆಗೆ), ಅವರು 0.9 ಮೀ ಶಿಲಾಖಂಡರಾಶಿಗಳನ್ನು ಕೆತ್ತಿದರು. ಮಂಗಳವಾರ ಸಂಜೆ, 24 ಗಂಟೆಗಳ ನಂತರ, 12 ಗಣಿಗಾರರು ಕೆಲಸ ಮುಗಿಸಿದರು. ಎಲ್ಲಾ 41 ಕಾರ್ಮಿಕರರನ್ನು ಚಕ್ರವಿರುವ ಟ್ರಾಲಿಗಳಲ್ಲಿ ಸುರಕ್ಷಿತವಾಗಿ ಹೊರಗೆ ಎಳೆಯಲಾಯಿತು.

ಇದನ್ನೂ ಓದಿ: Uttarkashi Tunnel collapse: ಕುಸಿದ ಸುರಂಗದೊಳಗೆ ಸಿಲುಕಿರುವ ಮೂವರು ಸೋದರರಿಗೆ ಹೊರಗೆ ನಡೆದ ದುರಂತದ ಅರಿವೇ ಇಲ್ಲ!