ಜೈಪುರ, ರಾಜಸ್ಥಾನ: ಹೋಳಿ ಆಚರಣೆ ವೇಳೆ ಯುವ ಜೋಡಿಯೊಂದು ಬೈಕ್ ಮೇಲೆ ರೋಮಾನ್ಸಿಂಗ್ ಸ್ಟಂಟ್ಸ್ ಮಾಡಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ವೈರಲ್ ಆಗಿರುವ ಈ ವಿಡಿಯೋವನ್ನು ಕಾರಿನಲ್ಲಿ ಪ್ರಯಾಣಿಸುತ್ತಿದ್ದ ಪ್ರಯಾಣಿಕರು ಶೂಟ್ ಮಾಡಿದ್ದಾರೆ. ಹುಡುಗಿಯು ರಾಯಲ್‌ ಎನ್‌ಫೀಲ್ಡ್ ಮೋಟರ್‌ಸೈಕಲ್‌ ಟ್ಯಾಂಕ್‌ ಮೇಲೆ ಕುಳಿತುಕೊಂಡಿದ್ದು, ಹುಡುಗ ಆಕೆಯ ಎರಡು ಕಾಲುಗಳನ್ನು ಹಿಂದಕ್ಕೆ ಎಳೆದುಕೊಂಡು ಬೈಕ್ ಓಡಿಸುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದು(Viral Video).
ಈ ರೋಮಾನ್ಸಿಂಗ್ ಬೈಕ್ ಸ್ಟಂಟ್ ಜೈಪುರದ ಬಿ2 ಬೈಪಾಸ್‌ನಲ್ಲಿ ನಡೆದಿದೆ. ಬೈಕ್ ನೋಂದಣಿ ಸಂಖ್ಯೆಯನ್ನು ಆಧರಿಸಿ, ಪೊಲೀಸರು ರೋಮಾನ್ಸಿಂಗ್ ಸ್ಟಂಟ್ ವೀರರನ್ನು ಹುಡುಕುತ್ತಿದ್ದಾರೆ.
ಬೈಕ್‌ನಲ್ಲಿ ರೋಮಾನ್ಸ್ ಸ್ಟಂಟ್ ಮಾಡುತ್ತಿರುವ ವಿಡಿಯೋ ಇರುವ ಟ್ವೀಟ್
ಒಂದೊಮ್ಮೆ ಈ ಜೋಡಿ ಪತ್ತೆಯಾದರೆ, ಟ್ರಾಫಿಕ್ ಪೊಲೀಸರು ದಂಡ ವಿಧಿಸುವ ಸಾಧ್ಯತೆಗಳೇ ಹೆಚ್ಚು. ಕಳೆದ ಫೆಬ್ರವರಿಯಲ್ಲೂ ಇದೇ ರೀತಿಯ ಘಟನೆ ಅಜ್ಮೇರ್‌ನಲ್ಲಿ ನಡೆದಿತ್ತು. ಜೋಡಿಯೊಂದು ಮೋಟಾರ್‌ ಬೈಕಿನಲ್ಲಿ ಕಿಸ್ಸಿಂಗ್ ಸ್ಟಂಟ್ ಮಾಡುವ ವಿಡಿಯೋ ವೈರಲ್ ಆಗಿತ್ತು.
ಇದನ್ನೂ ಓದಿ: Viral video: ಸೀರೆಯಲ್ಲಿ ಪ್ರತಿದಿನ ವರ್ಕೌಟ್‌! 56ರ ಮಹಿಳೆಯ ಭರ್ಜರಿ ಪವರ್‌ಲಿಫ್ಟಿಂಗ್!