ಮುಂಬೈ: ಟೊಯೋಟಾ ಇನೋವಾ, ಮಹೀಂದ್ರಾ ಮರಾಜೋ ಕಾರ್‌ ಆದರೆ 8 ಜನ ಕುಳಿತು ಪ್ರಯಾಣಿಸಬಹುದು. ಕ್ರೂಸರ್‌ ಅಥವಾ ಟಂ ಟಂ ಆದರೂ ಏಳೆಂಟು ಜನ ಕುಳಿತುಕೊಂಡು ಹೋಗಬಹುದು. ಆದರೆ, ಮಹಾರಾಷ್ಟ್ರದಲ್ಲೊಬ್ಬ ಭೂಪ ಸ್ಕೂಟಿಯಲ್ಲಿ ಏಳು ಮಕ್ಕಳನ್ನು ಕೂರಿಸಿಕೊಂಡು ವಾಹನ ಚಲಾಯಿಸಿದ್ದಾರೆ. ಈ ವಿಡಿಯೊ (Viral Video) ಈಗ ವೈರಲ್‌ ಆಗಿದೆ.
ಹೌದು, ಮುಂಬೈನಲ್ಲಿ ವ್ಯಕ್ತಿಯು ಏಳು ಮಕ್ಕಳನ್ನು ಕೂರಿಸಿಕೊಂಡು ಸ್ಕೂಟಿ ಚಲಾಯಿಸಿದ್ದಾರೆ. ಏಳು ಮಕ್ಕಳ ಜೀವವನ್ನೇ ಪಣಕ್ಕೆ ಇಟ್ಟು ಹೀಗೆ ಸಾಹಸ ಮಾಡಿದ್ದಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಜನ ಆಕ್ರೋಶ ವ್ಯಕ್ತವಾಗಿದೆ. ಇನ್ನು ವಿಡಿಯೊ ವೈರಲ್‌ ಆಗುತ್ತಲೇ ಮುಂಬೈ ಟ್ರಾಫಿಕ್‌ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
ಇಲ್ಲಿದೆ ನೋಡಿ ಭಯ ಹುಟ್ಟಿಸುವ ವಿಡಿಯೊ
This irresponsible maniac is riding with seven children on a scooter. He should be immediately arrested for risking the lives of seven young children. Even the parents of these kids should be prosecuted. @MumbaiPolice @CPMumbaiPolice @CMOMaharashtra @TOIMumbai @BrutIndia pic.twitter.com/PalarAQzcH
— Sohail Qureshi (@sohfacts) June 20, 2023
“ಇಂತಹ ಬೈಕ್ ಸವಾರಿಯನ್ನು ನಾವು ಸಹಿಸುವುದಿಲ್ಲ. ವಾಹನ ಸವಾರನು ಬೇರೆಯವರ ಪ್ರಾಣವನ್ನೂ ಅಪಾಯಕ್ಕೆ ಸಿಲುಕಿಸುವ ರೈಡಿಂಗ್‌ ಇದು. ಭಾರತೀಯ ದಂಡ ಸಂಹಿತೆ (IPC)ಯ ಸೆಕ್ಷನ್‌ 308ರ ಪ್ರಕಾರ ಪ್ರಕರಣ ದಾಖಲಾಗಿದೆ. ಇದು ನರಹತ್ಯೆಗೆ ಸಮನಾದ ಅಪರಾಧ” ಎಂದು ಮುಂಬೈ ಟ್ರಾಫಿಕ್‌ ಪೊಲೀಸರು ಟ್ವೀಟ್‌ ಮಾಡಿದ್ದಾರೆ.
ಕೇಸ್‌ ದಾಖಲಿಸಿದ ಪೊಲೀಸರು
Not the ride we support!
— Mumbai Traffic Police (@MTPHereToHelp) June 25, 2023
This rider had put the life of all pillion riders and others in danger.
A serious offence u/sec 308 IPC for attempt to commit culpable homicide not amounting to murder has been registered against the accused rider. #FollowRules #SetRightExample https://t.co/PKgCY0grhN pic.twitter.com/q2VmoRi8oj
ಇದನ್ನೂ ಓದಿ: Isha Koppikar: 46ನೇ ವಯಸ್ಸಿಗೆ ತಾಯಿಯಾದ ʻಸೂರ್ಯವಂಶʼ ನಟಿ; ಕೊನೆಯಲ್ಲಿ ಆಗಿದ್ದೇ ಬೇರೆ, ವಿಡಿಯೊ ವೈರಲ್‌!
ವಿಡಿಯೊ ವೈರಲ್‌ ಆಗುತ್ತಲೇ ಜನ ಹಲವು ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ. “ಈತನ ಹೆಂಡತಿಯರು ಎಲ್ಲಿದ್ದಾರೆ ಎಂಬುದನ್ನು ಪತ್ತೆಹಚ್ಚಬೇಕು” ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ. “ಈತ ಮಕ್ಕಳ ಜೀವವನ್ನು ಅಪಾಯಕ್ಕೆ ತಳ್ಳಿದ್ದಾನೆ. ಇವನನ್ನು ಬಂಧಿಸಬೇಕು” ಎಂದು ಮತ್ತೊಬ್ಬರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.