ವಿಜಯಪುರ: ಮಾಜಿ ಶಾಸಕ ವಿಲಾಸಬಾಬು ಆಲಮೇಲಕರ (64) (Former MLA Vilasbabu Alamelakar) ಬಹು ಅಂಗಾಂಗ ವೈಫಲ್ಯದಿಂದ (Multiple organ failure) ನಿಧನರಾಗಿದ್ದಾರೆ. ತೀವ್ರ ಅನಾರೋಗ್ಯ ಹಿನ್ನೆಲೆಯಲ್ಲಿ ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಆದರೆ, ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ.
ವಿಜಯಪುರ ನಗರದ ಚೌಧರಿ ಆಸ್ಪತ್ರೆಯಲ್ಲಿ ಅವರು ನಿಧನರಾಗಿದ್ದಾರೆ. ವಿಜಯಪುರ ಜಿಲ್ಲೆಯ ಬಳ್ಳೊಳ್ಳಿ (ಈಗಿನ ನಾಗಠಾಣ) ವಿಧಾನಸಭಾ ಕ್ಷೇತ್ರದಿಂದ ಶಾಸಕರಾಗಿ ವಿಲಾಸಬಾಬು ಆಯ್ಕೆಯಾಗಿದ್ದರು. 1998ರಲ್ಲಿ ಜನತಾದಳದಿಂದ ಇವರು ಶಾಸಕರಾಗಿದ್ದರು.
ಬಳ್ಳೊಳ್ಳಿ ಮೀಸಲು ಕ್ಷೇತ್ರವಾಗಿತ್ತು. 2008ರಲ್ಲಿ ಕ್ಷೇತ್ರ ಪುನರ್‌ವಿಂಗಡೆಯಾದ ಬಳಿಕ ಇದು ನಾಗಠಾಣ ಮತಕ್ಷೇತ್ರವಾಗಿ ರೂಪುಗೊಂಡಿತು. 1999ರಲ್ಲಿ ನಡೆದ ವಿಧಾನಸಭಾ ಚುನಾವಣೆಯಲ್ಲಿ ಜೆಡಿಯು ಪಕ್ಷದಿಂದ ವಿಲಾಸಬಾಬು ಆಲಮೇಲಕರ ಅವರು ಸ್ಪರ್ಧೆ ಮಾಡಿದ್ದರು. ಆಗ ಕಾಂಗ್ರೆಸ್‌ನಿಂದ ರಾಜು ಆಲಗೂರ, ಜೆಡಿಎಸ್ ಪಕ್ಷದ ಆರ್.ಕೆ. ರಾಠೋಡ ಕಣದಲ್ಲಿದ್ದರು. ಆಗ ನಡೆದಿದ್ದ ಬಿರುಸಿನ ಸ್ಪರ್ಧೆಯಲ್ಲಿ ರಾಜು ಆಲಗೂರ ಎದುರು ಇವರು ಪರಾಭವಗೊಂಡಿದ್ದರು.
ಇದನ್ನೂ ಓದಿ: Weather report : ಒಳನಾಡು ಪೂರ್ತಿ ಮಳೆ ಮಯ; ಕರಾವಳಿಯಲ್ಲಿ ಮಳೆಯೇ ಮಾಯ!
ವಿಲಾಸಬಾಬು ಆಲಮೇಲಕರ ಅವರಿಗೆ ಪತ್ನಿ, ಮೂರು ಜನ ಪುತ್ರಿಯರು ಇದ್ದಾರೆ. ವಿಲಾಸಬಾಬು ಅವರ ನಿಧನಕ್ಕೆ ಸ್ಥಳೀಯ ಜನಪ್ರತಿನಿಧಿಗಳು, ಗಣ್ಯರು, ಮಠಾಧೀಶರು ಸಂತಾಪ ಸೂಚಿಸಿದ್ದಾರೆ.