ನವದೆಹಲಿ: ಚಂದ್ರಯಾನ-3 ಮಿಷನ್ (Chandrayaan 3) ಯಶಸ್ಸಿಗೆ ಯಾವುದೇ ಮಿತಿಗಳಿಲ್ಲ ಎಂಬುದು ಮತ್ತೆ ಸಾಬೀತಾಗಿದೆ. ಪ್ರಜ್ಞಾನ್ ರೋವರ್ (Pragyan Rover) ವಿಶಿಷ್ಟ ರೀತಿಯಲ್ಲಿ ಚಂದ್ರನ ಸೆರೆ ಹಿಡಿದು ಚಿತ್ರವನ್ನು ಭೂಮಿಗೆ ಕಳುಹಿಸಿದೆ. ಚಂದ್ರನನ್ನು ಈ ಬಾರಿ ರೋವರ್ 3ಡಿ ಎಫೆಕ್ಟ್‌ನಲ್ಲಿ (3D Effect Photo) ಕ್ಲಿಕ್ಕಿಸಿದೆ. ಅನಾಗ್ಲಿಫ್ ತಂತ್ರಜ್ಞಾನವನ್ನು (anaglyph technology) ಬಳಸಿಕೊಂಡು ಮೂರು ಆಯಾಮಗಳಲ್ಲಿ ಚಂದ್ರನ ಭೂಪ್ರದೇಶದಲ್ಲಿ ವಸ್ತುಗಳನ್ನು ನೋಡುವ ವಿಧಾನದ ಮೂಲಕ ಈ ಚಿತ್ರವನ್ನು ತೆಗೆಯಲಾಗಿದೆ.
ಯಾವುದೇ ವಸ್ತುವಿನ ಅದ್ಭುತ ನೋಟವನ್ನು ನೀಡುವ ಸ್ಟಿರಿಯೊ ಅಥವಾ ಬಹು-ವೀಕ್ಷಣೆ ಚಿತ್ರಗಳ ಸಹಾಯದಿಂದ ಈ ತಂತ್ರವನ್ನು ಬಳಸಿಕೊಂಡು 3D ಪರಿಣಾಮವನ್ನು ಸೃಷ್ಟಿಸಲಾಗಿದೆ. ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯ (ISRO) ಎಲೆಕ್ಟ್ರೋ-ಆಪ್ಟಿಕ್ ಸಿಸ್ಟಮ್ಸ್ (LEOS) ಪ್ರಯೋಗಾಲಯವು NavCam ಎಂಬ ತಂತ್ರಜ್ಞಾನವನ್ನು ಬಳಸಿಕೊಂಡು ರೋವರ್ ಈ ಅನಾಗ್ಲಿಫ್ ಚಿತ್ರಗಳನ್ನು ರಚಿಸಿದೆ.
Chandrayaan-3 Mission:
— ISRO (@isro) September 5, 2023
Anaglyph is a simple visualization of the object or terrain in three dimensions from stereo or multi-view images.
The Anaglyph presented here is created using NavCam Stereo Images, which consist of both a left and right image captured onboard the Pragyan… pic.twitter.com/T8ksnvrovA
ಈ ಸುದ್ದಿಯನ್ನೂ ಓದಿ: Chandrayaan 3: ಪ್ರಜ್ಞಾನ್ ಬೆನ್ನಲ್ಲೇ ನಿದ್ರೆಗೆ ಜಾರಿದ ವಿಕ್ರಮ್ ಲ್ಯಾಂಡರ್!
ಈ ತಂತ್ರದಲ್ಲಿ, ಚಂದ್ರನ 3D ಪರಿಣಾಮವನ್ನು ಎಡ ಮತ್ತು ಬಲ ಎರಡೂ ಚಿತ್ರಗಳನ್ನು ಬಳಸಿ ನೀಡಲಾಗುತ್ತದೆ ಮತ್ತು ನಂತರ ಅವುಗಳನ್ನು ವಿವಿಧ ಬಣ್ಣದ ಚಾನಲ್‌ಗಳಲ್ಲಿ ಇರಿಸಲಾಗುತ್ತದೆ. ಪರಿಣಾಮ ಇಡೀ ಚಿತ್ರಕ್ಕೆ ವಿಶಿಷ್ಟವಾದ ರಂಗು ಬಂದು ಬಿಡುತ್ತದೆ.
ಈ 3-ಚಾನೆಲ್ ಚಿತ್ರದಲ್ಲಿ, ಎಡ ಚಿತ್ರವನ್ನು ಕೆಂಪು ಚಾನಲ್‌ನಲ್ಲಿ ಇರಿಸಲಾಗಿದೆ. ಆದರೆ ಬಲ ಚಿತ್ರವನ್ನು ನೀಲಿ ಮತ್ತು ಹಸಿರು ಚಾನಲ್‌ಗಳಲ್ಲಿ ಇರಿಸಲಾಗುತ್ತದೆ (ಸಯಾನ್ ರಚಿಸುವುದು). ಈ ಎರಡು ಚಿತ್ರಗಳ ನಡುವಿನ ದೃಷ್ಟಿಕೋನದಲ್ಲಿನ ವ್ಯತ್ಯಾಸವು ಸ್ಟಿರಿಯೊ ಎಫೆಕ್ಟ್‌ಗೆ ಕಾರಣವಾಗುತ್ತದೆ. ಪರಿಣಾಮ ಇದು ಮೂರು ಆಯಾಮಗಳ (3D) ದೃಶ್ಯ ಎಂಬ ಭಾವನೆಯನ್ನು ಮೂಡಿಸುತ್ತದೆ ಎಂದು ಇಸ್ರೋ ತನ್ನ ಎಕ್ಸ್ ಖಾತೆಯಲ್ಲಿ ಬರೆದುಕೊಂಡಿದೆ.