ಬೆಂಗಳೂರು: ಬಿಗ್ಬಾಸ್ ಮನೆಯಿಂದ (BBK SEASON 10) ಈ ವಾರ ಯಾರು ಹೊರಗೆ ಬರಲಿದ್ದಾರೆ ಎಂಬ ಕುತೂಹಲ ವೀಕ್ಷಕರಲ್ಲಿ ಮೂಡಿತ್ತು. ಆದರೆ, ಈ ಬಾರಿ ಡಬಲ್ ಎಲಿಮಿನೇಷನ್ ಆಗಿದ್ದರಿಂದ ಇಬ್ಬರು ಸ್ಪರ್ಧಿಗಳು ಹೊರಬಿದ್ದಿದ್ದಾರೆ. ವೈಲ್ಡ್ ಕಾರ್ಡ್ ಮೂಲಕ ಎಂಟ್ರಿ ಪಡೆದಿದ್ದ ಅವಿನಾಶ್ ಶೆಟ್ಟಿ ಮತ್ತು ಮೈಕಲ್ ಅಜಯ್ ದೊಡ್ಮನೆಯಿಂದ ಹೊರಬಂದಿದ್ದಾರೆ.
ಹಿಂದೆಂದಿಗಿಂತಲೂ ಹೆಚ್ಚು ಜನಪ್ರಿಯತೆ ಪಡೆದುಕೊಂಡಿರುವ ಬಿಗ್ಬಾಸ್ ಕನ್ನಡದ 10ನೇ ಆವೃತ್ತಿಯು (BBK SEASON 10) 77 ದಿನಗಳನ್ನು ಪೂರೈಸಿ ಭರ್ಜರಿಯಾಗಿ ಮುನ್ನುಗುತ್ತಿದೆ. ಇದೀಗ ಸುದೀಪ್ (Sudeep) ಅನುಪಸ್ಥಿತಿಯಲ್ಲಿ ಡಬಲ್ ಎಲಿಮಿನೇಷನ್ ನಡೆದಿದ್ದು, ಬಿಗ್ ಬಾಸ್ ಮನೆಯಿಂದ ಅವಿನಾಶ್ ಶೆಟ್ಟಿ (Avinash Shetty) ಮತ್ತು ಮೈಕಲ್ ಅಜಯ್ (Michael Ajay) ಹೊರಕ್ಕೆ ಬಂದಿದ್ದಾರೆ.
ಈ ವಾರ ಸಂಗೀತಾ ಶೃಂಗೇರಿ, ವರ್ತೂರು ಸಂತೋಷ್, ‘ಡ್ರೋನ್’ ಪ್ರತಾಪ್, ಮೈಕಲ್ ಅಜಯ್, ಅವಿನಾಶ್ ಶೆಟ್ಟಿ ಮತ್ತು ಸಿರಿ ಅವರು ನಾಮಿನೇಟ್ ಆಗಿದ್ದರು. ಅಂತಿಮವಾಗಿ ಇವರಲ್ಲಿ ಎಲ್ಲರೂ ಸೇಫ್ ಆಗಿ ಮೈಕಲ್ ಅಜಯ್, ಅವಿನಾಶ್ ಶೆಟ್ಟಿ ಮಾತ್ರ ಉಳಿದುಕೊಂಡರು. ಅವರಿಬ್ಬರಲ್ಲಿ ಒಬ್ಬರು ಸೇಫ್ ಆಗಬಹುದೆಂಬ ಎಂಬ ನಿರೀಕ್ಷೆ ಇತ್ತು. ಆದರೆ ಇಬ್ಬರೂ ಹೊರಹೋಗಿದ್ದಾರೆ.
ಇದನ್ನೂ ಓದಿ | Arbaaz Khan : ಮೇಕಪ್ ಕಲಾವಿದೆ ಜತೆ ಎರಡನೇ ಮದುವೆಯಾದ ಅರ್ಬಾಜ್ ಖಾನ್
ಹೇಗಿತ್ತು ಎಲಿಮಿನೇಷನ್?
ಬಿಗ್ಬಾಸ್ ಮನೆಯೊಳಗೆ ಎರಡು ಕಾರುಗಳು ಬಂದಿತ್ತು. ಆ ಕಾರಿನೊಳಗೆ ಅವಿನಾಶ್ ಮತ್ತು ಮೈಕಲ್ ಹೋಗಿದ್ದರು . ಈ ಎರಡು ಕಾರುಗಳಲ್ಲಿ ಒಂದು ಕಾರು ತಡವಾಗಿ ಬರುತ್ತದೆ. ಬಂದ ಕಾರಿನಲ್ಲಿರುವವರು ಸೇಫ್ ಎನ್ನಲಾಗಿತ್ತು. ಆದರೆ, ಕಾರುಗಳು ಕೆಲಹೊತ್ತು ಮನೆಯ ಗಾರ್ಡನ್ ಏರಿಯಾದಲ್ಲಿ ರೌಂಡ್ ಹಾಕಿ, ಹೊರಗೆ ಹೋಗಿದ್ದರಿಂದ ಇಬ್ಬರೂ ಎಲಿಮಿನೇಟ್ ಆಗಿದ್ದಾರೆ.
ಬಿಗ್ಬಾಸ್ ಶೋ 50 ದಿನ ಪೂರೈಸಿದ ಸಂದರ್ಭದಲ್ಲಿ ವೈಲ್ಡ್ ಕಾರ್ಡ್ ಎಂಟ್ರಿ ಮೂಲಕ ಮಂಗಳೂರಿನ ಅವಿನಾಶ್ ಶೆಟ್ಟಿ ಪ್ರವೇಶ ಪಡೆದಿದ್ದರು. ಎಂಟ್ರಿ ಕೊಟ್ಟಾಗಲೇ ಆನೆ ವಿನಯ್‌ಗೆ ಮಾವುತನಾಗಿ ಆತನನ್ನು ಪಳಗಿಸುತ್ತೇನೆ ಎಂದು ಅವಿನಾಶ್ ಡೈಲಾಗ್ ಹೊಡೆದಿದ್ದರು. ಅದು ಸಿಕ್ಕಾಪಟ್ಟೆ ಕ್ರೇಜ್ ಹುಟ್ಟುಹಾಕಿತ್ತು. ಆದರೆ, ಮತ್ತೆ ಮೂರೇ ವಾರದಲ್ಲಿ ಬಿಗ್ ಬಾಸ್ ಮನೆ ಆಟದಿಂದ ಅವಿನಾಶ್ ಹೊರಕ್ಕೆ ಬಂದಿದ್ದಾರೆ.
ಮತ್ತೊಂದೆಡೆ ಟಾಸ್ಕ್‌ಗಳಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದ್ದ ಮೈಕಲ್ ಕೂಡ ಈ ವಾರ ಎಲಿಮಿನೇಟ್ ಆಗಿದ್ದಾರೆ. ವಿನಯ್‌ ಜತೆ ಆತ್ಮೀಯವಾಗಿದ್ದವರಲ್ಲಿ ಮೈಕಲ್ ಕೂಡ ಒಬ್ಬರು. ಸ್ನೇಹಿತ್‌ ಗೌಡ ಬಿಗ್ ಬಾಸ್ ಮನೆಯಿಂದ ಹೊರಹೋದ ಬೆನ್ನಲ್ಲೇ ಇದೀಗ ಮೈಕಲ್ ಕೂಡ ಹೋಗಿರುವುದು ವಿನಯ್‌ ತಂಡಕ್ಕೆ ಶಾಕ್‌ ನೀಡಿದೆ.
ಇದನ್ನೂ ಓದಿ | BBK SEASON 10: ಈ ವಾರ ಡಬಲ್ ಎಲಿಮಿನೇಶನ್‌ ಜತೆ ಶೈನ್ ಶೆಟ್ಟಿ, ಶುಭಾ ಎಂಟ್ರಿ!
ಸೂಪರ್ ಸಂಡೇ ಕಾರ್ಯಕ್ರಮ ನಡೆಸಿಕೊಡಲು ಸುದೀಪ್ ಬಂದಿಲ್ಲ. ಬದಲಾಗಿ ಬಿಗ್ಬಾಸ್ ಮಾಜಿ ಸ್ಪರ್ಧಿಗಳಾದ ಶೈನ್ ಶೆಟ್ಟಿ ಹಾಗೂ ಶುಭಾ ಪೂಂಜಾ ದೊಡ್ಮನೆಗೆ ಆಗಮಿಸಿದ್ದರು. ಈ ಇಬ್ಬರ ಆಗಮನ ಎಲ್ಲ ಸ್ಪರ್ಧಿಗಳ ಮುಖದಲ್ಲೂ ಸಂತಸ ತರಿಸಿತ್ತು. ಆದರೆ, ಈ ಮಧ್ಯೆ ಎಲಿಮಿನೇಷನ್ ಕೂಡ ನಡೆದಿದೆ.