ಹ್ಯಾಂಗ್‌ಝೌ: ಇಲ್ಲಿ ನಡೆಯುತ್ತಿರುವ ಏಷ್ಯನ್ ಗೇಮ್ಸ್ನಲ್ಲಿ ಗುರುವಾರ ಬೆಳಗ್ಗೆಯೇ ಭಾರತ ಚಿನ್ನ ಮತ್ತು ಬೆಳ್ಳಿ ಪದಕದ ಖಾತೆ ತೆರೆದಿದೆ. ಮೊದಲು ನಡೆದ ಮಹಿಳೆಯರ 60 ಕೆಜಿ ವುಶು ಫೈನಲ್ನಲ್ಲಿ ಭಾರತದ ರೋಶಿಬಿನಾ ದೇವಿ ನವೋರೆಮ್ ಅವರು ಬೆಳ್ಳಿ ಪದಕವನ್ನು ಗೆದ್ದರೆ, ಆ ಬಳಿಕ ನಡೆದ ಪುರುಷರ 10 ಮೀ ಏರ್ ಪಿಸ್ತೂಲ್ ತಂಡ ಸ್ಪರ್ಧೆಯಲ್ಲಿ ಅರ್ಜುನ್ ಸಿಂಗ್ ಚೀಮಾ, ಸರಬ್‌ಜೋತ್‌ ಸಿಂಗ್, ಶಿವ ನರ್ವಾಲ್‌ ಚಿನ್ನ ಗೆದ್ದರು.
🥇GOLD STRIKE at #AsianGames2022!
— SAI Media (@Media_SAI) September 28, 2023
🇮🇳's Men's 10m Air Pistol Team – Sarabjot Singh, Shiva Narwal, and Arjun Singh Cheema – clinches GOLD! 🇮🇳🏆 adding to India's stellar shooting success at the games. 🌟👏
Many Congratulations to the amazing trio🔥⚡#Cheer4India#JeetegaBharat… pic.twitter.com/cBkmJigM5B
ಬುಧವಾರ ನಡೆದಿದ್ದ ಸೆಮಿಫೈನಲ್ ಪಂದ್ಯದಲ್ಲಿ ರೋಶಿಬಿನಾ ದೇವಿ ವಿಯೆಟ್ನಾನ್‌ ಥಿ ತು ಎನ್‌ಗುಯೆನ್ ಅವರನ್ನು ಮಣಿಸಿ ಫೈನಲ್ ತಲುಪಿದ್ದರು. ಫೈನಲ್ನಲ್ಲಿ ಚೀನಾದ ಕ್ಸಿಯಾವೊವಿ ವಿರುದ್ಧ ಪ್ರಬಲ ಪೈಪೋಟಿ ನೀಡಿದರೂ ಅಂತಿಮ ಹಂತದಲ್ಲಿ ಮಾಡಿದ ಕೆಲ ತಪ್ಪುಗಳಿಂದ ಸೋಲು ಕಂಡು ಬೆಳ್ಳಿಗೆ ತೃಪ್ತಿಪಟ್ಟರು. ಸಂಧ್ಯಾರಾಣಿ ದೇವಿ ಅವರ ಬಳಿಕ ವುಶು ಸ್ಪರ್ಧೆಯಲ್ಲಿ ಫೈನಲ್‌ಗೆ ತಲುಪಿದ ಭಾರತದ ಎರಡನೇ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ರೋಶಿಬಿನಾ ಪಾತ್ರರಾಗಿದ್ದರು. 2018ರಲ್ಲಿ ನಡೆದ ಜಕಾರ್ತಾ ಏಷ್ಯನ್ ಕ್ರೀಡಾಕೂಟದ 60 ಕೆ.ಜಿ ವಿಭಾಗದಲ್ಲಿ ರೊಶಿಬಿನಾ ಕಂಚಿನ ಪದಕವನ್ನು ಗೆದ್ದಿದ್ದರು. ಈ ಬಾರಿ ಬೆಳ್ಳಿ ಗೆದ್ದ ಸಾಧನೆ ಮಾಡಿದರು.
REMARKABLE ROSHIBINA🥈🌟
— SAI Media (@Media_SAI) September 28, 2023
Roshibina won a sparkling Silver medal in the Wushu women’s 60 kg category at the #AsianGames2022
Interestingly, Roshibina upgraded the color of her medal from bronze, which she won in 2018, Jakarta AG, to Silver this time.🔥🫡
Kudos, champ!… pic.twitter.com/5uygAMK8Ta
ಪುರುಷರ 10 ಮೀ ಏರ್ ಪಿಸ್ತೂಲ್ ತಂಡ ಒಟ್ಟು 1734 ಅಂಕಗಳಿಸಿ ಚಿನ್ನ ಗೆದ್ದಿತು. ಇದರಲ್ಲಿ ಸರಬ್‌ಜೋತ್‌ ಸಿಂಗ್ ವೈಯಕ್ತಿ ವಿಭಾಗದಲ್ಲಿ 580 ಅಂಕಗಳಿಸಿ ಮೊದಲ ಸ್ಥಾನಿಯಾದರು. ಅರ್ಜುನ್ 578 ಅಂಕ ಸಂಪಾದಿಸಿದರು. ಒಟ್ಟಾರೆ ಭಾರತಕ್ಕೆ ಶೂಟಿಂಗ್ನಲ್ಲಿ ಒಲಿದ ನಾಲ್ಕನೇ ಚಿನ್ನದ ಪದಕ ಇದಾಗಿದೆ. ಸದ್ಯ ಭಾರತದ ಪದಕ ಖಾತೆಯಲ್ಲಿ 24 ಪದಕಗಳು ಇವೆ.
ಇದನ್ನೂ ಓದಿ Asian Games 2023: ಕೇವಲ ಒಂದು ಅಂಕದ ಅಂತರದಲ್ಲಿ ವಿಷ್ಣುಗೆ ಕೈತಪ್ಪಿದ ಬೆಳ್ಳಿ ಪದಕ
ಬುಧವಾರ 8 ಪದಕ ಒಲಿದಿತ್ತು
ಬುಧವಾರ ನಡೆದ ಸ್ಪರ್ಧೆಯಲ್ಲಿ ಭಾರತ ಒಟ್ಟು 8 ಪದಕವನ್ನು ಜಯಿಸಿತ್ತು. ಇದರಲ್ಲಿ ಬಹುಪಾಲು ಪದಕ ಶೂಟಿಂಗ್ ವಿಭಾದಗಿಂದಲೇ ಬಂದಿದ್ದವು. ಪುರುಷರ ಶೂಟಿಂಗ್ ಸ್ಕೀಟ್ ಈವೆಂಟ್ನಲ್ಲಿ(skeet event) ಅನಂತ್ಜೀತ್ ಸಿಂಗ್ ನರುಕಾ(Anant Singh Naruka) ಭಾರತಕ್ಕೆ ಐತಿಹಾಸಿಕ ಬೆಳ್ಳಿ ಪದಕ ಗೆದ್ದರೆ, ಮಹಿಳೆಯರ 50 ಮೀಟರ್ 3 ರೈಫಲ್ ಪೊಸಿಷನ್ ವಿಭಾಗದ ಫೈನಲ್ನಲ್ಲಿ 469.6 ಅಂಕಗಳನ್ನು ಗಳಿಸುವ ಮೂಲಕ ಭಾರತದ ಶೂಟರ್ ಸಿಫ್ಟ್ ಕೌರ್ ಸಮ್ರಾ ಚಿನ್ನ, ಮಹಿಳೆಯರ 25 ಮೀಟರ್ ಪಿಸ್ತೂಲ್ ತಂಡ ಸ್ಪರ್ಧೆಯಲ್ಲಿ ಮನು ಭಾಕರ್, ಇಶಾ ಸಿಂಗ್ ಮತ್ತು ರಿದಮ್ ಸಾಂಗ್ವಾನ್ ಚಿನ್ನ ಗೆದ್ದ ಸಾಧನೆ ಮಾಡಿದರು. 50 ಮೀಟರ್ ರೈಫಲ್ 3 ಪಿ ಸ್ಪರ್ಧೆಯಲ್ಲಿ ಮಹಿಳಾ ಶೂಟಿಂಗ್ ತ್ರಿವಳಿಗಳಾದ ಸಿಫ್ಟ್ ಕೌರ್ ಸಾಮ್ರಾ, ಆಶಿ ಚೌಕ್ಸೆ ಮತ್ತು ಮಾನಿನಿ ಕೌಶಿಕ್ ಬೆಳ್ಳಿ ಪದಕಕ್ಕೆ ಕೊರಳೊಡಿದ್ದರು.
ಪುರುಷರ ಡಿಂಗಿ ಐಎಲ್‌ಸಿಎ-7(ಸೈಲಿಂಗ್) ಸ್ಪರ್ಧೆಯಲ್ಲಿ ಭಾರತದ ನಾವಿಕ ವಿಷ್ಣು ಸರವಣನ್(Vishnu Saravanan) ಕಂಚಿನ ಪದಕ ಗೆದ್ದಿದ್ದರು.