ದೋಹಾ: ಸರ್ಬಿಯಾ ವಿರುದ್ಧ ಶುಕ್ರವಾರ ನಡೆದ ಫಿಫಾ ವಿಶ್ವ ಕಪ್‌ ಪಂದ್ಯದ ವೇಳೆ ಬ್ರೆಜಿಲ್ ತಂಡದ ನಾಯಕ ನೇಮರ್ ಪಾದದ ಉಳುಕಿಗೆ ಒಳಗಾಗಿದ್ದು ಮುಂದಿನ 48 ಗಂಟೆಗಳಲ್ಲಿ ವೈದ್ಯಕೀಯ ಪರೀಕ್ಷೆಯನ್ನು ಎದುರಿಸಲಿದ್ದಾರೆ ಎಂದು ತಂಡದ ವೈದ್ಯರು ತಿಳಿಸಿದ್ದಾರೆ.
“ನೇಮರ್ ಅವರನ್ನು ತಪಾಸಣೆ ನಡೆಸಲು ನಾವು 24 ರಿಂದ 48 ಗಂಟೆಗಳವರೆಗೆ ಕಾಯಬೇಕಾಗಿದೆ. ನಾವು ಯಾವುದೇ ಎಂಐಆರ್‌ ಸ್ಕ್ಯಾನ್ (MIR) ನಿಗದಿಪಡಿಸಿಲ್ಲ. ನೇಮರ್ ಚೇತರಿಕೆಯ ಬಗ್ಗೆ ನಾವು ಯಾವುದೇ ಅವಸರದ ಹೇಳಿಕೆ ನೀಡಲು ಸಾಧ್ಯವಿಲ್ಲ” ಎಂದು ತಂಡದ ವೈದ್ಯ ರೋಡ್ರಿಗೊ ಲಾಸ್ಮಾರ್ ಹೇಳಿದ್ದಾರೆ.
ಪಂದ್ಯದ ಬಳಿಕ ನೇಮರ್ ಹೆಚ್ಚು ಕುಂಟುತ್ತಿರುವಂತೆ ಕಂಡುಬಂದಿದ್ದು, ಅವರ ಬಲ ಪಾದದಲ್ಲಿ ಊತ ಕಾಣಿಸಿಕೊಂಡಿದೆ. ಇದೀಗ ವೈದ್ಯರ ಹೇಳಿಕೆ ಗಮನಿಸುವಾಗ ತಂಡದ ನಾಯಕ ನೇಮರ್ ಮುಂದಿನ ಪಂದ್ಯದಲ್ಲಿ ಕಣಕ್ಕಿಳಿಯುವುದು ಅನುಮಾನ ಎನ್ನುವಂತಿದೆ.
ಶುಕ್ರವಾರ ನಡೆದ ಸರ್ಬಿಯಾ ವಿರುದ್ಧದ ಈ ಪಂದ್ಯದಲ್ಲಿ ಬ್ರೆಜಿಲ್ ೨-0 ಗೋಲುಗಳ ಅಂತರದಿಂದ ಗೆಲುವು ಸಾಧಿಸಿತು.
ಇದನ್ನೂ ಓದಿ | Fifa World Cup | ರಿಚರ್ಲಿಸನ್ ಸೂಪರ್ ಮ್ಯಾನ್ ಶೈಲಿಯ ಗೋಲಿಗೆ ಬೆದರಿದ ಸರ್ಬಿಯಾ