ನವ ದೆಹಲಿ: ಐಪಿಎಲ್ 2024ರ ಹರಾಜು ಡಿಸೆಂಬರ್ ಕೊನೆಯಲ್ಲಿ ನಡೆಯಲಿದೆ. ಆದರೆ ಕ್ರಿಸ್ಮಸ್ ಮುನ್ನಾದಿನದಂದು ಅಲ್ಲ ಎಂಬುದಾಗಿ ಹೇಳಲಾಗಿದೆ. ಹರಾಜಿಗೆ ಅನೇಕ ವಿದೇಶಿ ಕೋಚಿಂಗ್ ಸಿಬ್ಬಂದಿ ಅಲಭ್ಯರಾಗಿರುವುದರಿಂದ ಕ್ರಿಸ್ಮಸ್ ರಜಾದಿನಗಳನ್ನು ತಪ್ಪಿಸಲು ಬಿಸಿಸಿಐ ಯೋಜನೆ ಹಾಕಿದೆ. ರಜಾದಿನದ ಅವಧಿಯಲ್ಲಿ ಹೋಟೆಲ್ಗಳ ಲಭ್ಯತೆಯೂ ಕಷ್ಟ ಎಂಬ ಕಾರಣಕ್ಕೆ ಆ ಅವಧಿಯಲ್ಲ ನಡೆಸದಿರಲು ಬಿಸಿಸಿಐ ಯೋಜನೆ ರೂಪಿಸಿದೆ. ಡಿಸೆಂಬರ್ 10ರಿಂದ ಆರಂಭವಾಗಲಿರುವ ದಕ್ಷಿಣ ಆಫ್ರಿಕಾ ಪ್ರವಾಸದೊಂದಿಗೆ ಹರಾಜು ಪ್ರಕ್ರಿಯೆ ನಡೆಯಲಿದ ಎಂದು ಹೇಳಲಾಗಿದೆ.
ಹೌದು, ನಮಗೆ ಸಮಯ ಮತ್ತು ಹೋಟೆಲ್ ಲಭ್ಯತೆ ಬಗ್ಗೆ ತಿಳಿದಿದೆ. ಹೀಗಾಗಿ ಹರಾಜು ಪ್ರಕ್ರಿಯೆ ಖಂಡಿತವಾಗಿಯೂ ಕ್ರಿಸ್ಮಸ್ ಮುನ್ನಾದಿನದಂದು ಇರುವುದಿಲ್ಲ. ಎಲ್ಲರಿಗೂ ಸೂಕ್ತವಾಗಿರುವ ದಿನಾಂಕವನ್ನು ನಿಗದಿ ಮಾಡಲು ನಾವು ‘ಪ್ರಯತ್ನಿಸುತ್ತೇವೆ ಎಂದು ಬಿಸಿಸಿಐ ಅಧಿಕಾರಿಯೊಬ್ಬರು ಇನ್ಸೈಡ್ ಸ್ಪೋರ್ಟ್ಸ್ಗೆ ತಿಳಿಸಿದರು.
ಐಪಿಎಲ್ 2023 ರ ಹರಾಜು ಡಿಸೆಂಬರ್ 23ರಂದು ಕೊಚ್ಚಿಯಲ್ಲಿ ನಡೆದಿತ್ತು. ರಿಕಿ ಪಾಂಟಿಂಗ್ ಮತ್ತು ಇತರರು ವರ್ಚುವಲ್ ಆಗಿ ಹಾಜರಾಗಿದರು. ಯಾಕೆಂದರೆ ಆ ವೇಳೆ ಹೋಟೆಲ್ ಅನ್ನು ಅಂತಿಮಗೊಳಿಸಲು ಬಿಸಿಸಿಐಗೆ ನಿಜವಾಗಿಯೂ ತೊಂದರೆಯಾಗಿತ್ತು. ಆದಾಗ್ಯೂ, ಈ ಬಾರಿ, ಐಪಿಎಲ್ ಪ್ರಧಾನ ಸಮಿತಿ ಪ್ರತಿ ತಂಡದ ಸೌಕರ್ಯಕ್ಕೆ ಸೂಕ್ತವಾದ ದಿನಾಂಕ ಮತ್ತು ಸ್ಥಳವನ್ನು ಆಯ್ಕೆ ಮಾಡಲು ಉತ್ಸುಕವಾಗಿದೆ.
ಐಪಿಎಲ್ 2024 ಹರಾಜು: ವಿವರಣೆಗಳೇನು ?
- ಡಿಸೆಂಬರ್ ಕೊನೆಯಲ್ಲಿ ಐಪಿಎಲ್ ಹರಾಜು ಸಾಧ್ಯತೆ
- ಕಳೆದ ವರ್ಷದಂತೆ ಕ್ರಿಸ್ ಮಸ್ ಹಬ್ಬದೊಂದಿಗೆ ಯಾವುದೇ ಘರ್ಷಣೆ ಇಲ್ಲ.
- ಮುಂಬೈ, ಜೈಪುರ, ಅಹ್ಮದಾಬಾದ್, ಕೊಚ್ಚಿ ಮತ್ತು ಕೋಲ್ಕತಾ ಆತಿಥ್ಯ ವಹಿಸಲು ಪೈಪೋಟಿ ನಡೆಸುತ್ತಿವೆ.
- ವಿಶ್ವಕಪ್ 2023 ರ ನಂತರ ಅಂತಿಮ ದಿನಾಂಕ ಮತ್ತು ಸ್ಥಳವನ್ನು ಘೋಷಿಸಲಾಗುವುದು
- ಬಜೆಟ್ ಅನ್ನು 100 ಕೋಟಿ ರೂ.ಗೆ ಹೆಚ್ಚಿಸಲಾಗುವುದು.
ವ್ಯವಸ್ಥಾಪನಾ ಸಮಸ್ಯೆಗಳಿಂದಾಗಿ ಕ್ರಿಸ್ ಮಸ್ ಗೆ ಹತ್ತಿರವಿರುವ ಯಾವುದೇ ದಿನಾಂಕವನ್ನು ತಪ್ಪಿಸಲು ಭಾರತೀಯ ಮಂಡಳಿ ಬಯಸಿದೆ. ರಜಾ ಋತುವಿನ ಕಾರಣ, ಹೋಟೆಲ್ ಗಳನ್ನು ಕಾಯ್ದಿರಿಸುವುದು ಕಷ್ಟವಾಗುತ್ತದೆ. ಸ್ಥಳದ ಬಗ್ಗೆ ಹೇಳುವುದಾದರೆ, ಅದನ್ನು ಇನ್ನೂ ನಿರ್ಧರಿಸಲಾಗಿಲ್ಲ. ಆದಾಗ್ಯೂ, ಮುಂಬೈ, ಜೈಪುರ, ಅಹಮದಾಬಾದ್, ಕೊಚ್ಚಿ ಮತ್ತು ಕೋಲ್ಕತಾ ಐಪಿಎಲ್ 2024 ರ ಹರಾಜಿನ ಸ್ಥಳಗಳಾಗಿವೆ.
ಸದ್ಯಕ್ಕೆ ಬಿಸಿಸಿಐ 2023ರ ವಿಶ್ವಕಪ್ ಟೂರ್ನಿಯನ್ನು ಯಶಸ್ವಿಗೊಳಿಸುವತ್ತ ಗಮನ ಹರಿಸಿದೆ. ಐಪಿಎಲ್ ಪ್ರಧಾನ ಸಮಿತಿ ಅಂತಿಮ ದಿನಾಂಕ ಮತ್ತು ಸ್ಥಳದ ಬಗ್ಗೆ ನಂತರ ನಿರ್ಧಾರ ತೆಗೆದುಕೊಳ್ಳಲಾಗುವುದು. ಡಿಸೆಂಬರ್ ಮೂರನೇ ಅಥವಾ ನಾಲ್ಕನೇ ವಾರದಲ್ಲಿ ಈ ಕಾರ್ಯಕ್ರಮ ನಡೆಯುವ ಸಾಧ್ಯತೆ ಇದೆ.
ಇದನ್ನೂ ಓದಿ : IPL 2023 : ಸಿಎಸ್ಕೆ ಐಪಿಎಲ್ನ ಅತ್ಯಂತ ಮೌಲ್ಯಯುತ ತಂಡ, ಆರ್ಸಿಬಿಗೆ ಎಷ್ಟನೇ ಸ್ಥಾನ?
ಈಗ ಗಮನವು ವಿಶ್ವಕಪ್ ಮೇಲೆ ಇದೆ ಮತ್ತು ಪ್ರತಿಯೊಂದು ವಿಚಾರವನ್ನು ನೋಡಿಕೊಂಡ ನಂತರ, ನಾವು ಐಪಿಎಲ್ ಕಡೆಗೆ ಸಾಗುತ್ತೇವೆ. ವಿಶ್ವಕಪ್ ನಂತರ ನಾವು ದಿನಾಂಕವನ್ನು ನಿರ್ಧರಿಸುತ್ತೇವೆ. ಇದು ಹೆಚ್ಚಾಗಿ ಡಿಸೆಂಬರ್ ಮೂರನೇ ಅಥವಾ ನಾಲ್ಕನೇ ವಾರದಲ್ಲಿ ಇರುತ್ತದೆ. ಆದರೆ ನಂತರ ಐಪಿಎಲ್ ಕಾರ್ಯಕಾರಿ ಸಮಿತಿ ಸಭೆಯಲ್ಲಿ ಮಾತ್ರ ಈ ಬಗ್ಗೆ ಚರ್ಚಿಸಲಾಗುವುದು ಎಂದು ಅಧಿಕಾರಿ ಹೇಳಿದರು.
ಈ ಬಾರಿಯ ಐಪಿಎಲ್ ಹರಾಜು ಮಿನಿ ಹರಾಜಾಗಿದೆ. ಯಾವುದೇ ಸಂಭಾವ್ಯ ಹೊಸ ಖರೀದಿಗಳಿಗೆ ಅವಕಾಶ ನೀಡುವಾಗ ತಂಡಗಳು ತಮ್ಮ ಮೂಲ ಮೊತ್ತವನ್ನು ಉಳಿಸಿಕೊಳ್ಳುವ ಸಾಧ್ಯತೆಯಿದೆ. ಹೊಸ ಋತುವಿನಲ್ಲಿ ಅವರ ಬಜೆಟ್ ಕ್ಯಾಪ್ ಅನ್ನು ಹಿಂದಿನ ಋತುವಿನಲ್ಲಿ 95 ಕೋಟಿ ರೂ.ಗಳಿಂದ 100 ಕೋಟಿ ರೂ.ಗೆ ಹೆಚ್ಚಳವಾಗುವ ಸಾಧ್ಯತೆಗಳಿವೆ.