ಲಕ್ನೋ: ಮಂಗಳವಾರ ರಾತ್ರಿ ನಡೆದ ಐಪಿಎಲ್ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್(Lucknow Super Giants) ತಂಡ ಮುಂಬೈ ಇಂಡಿಯನ್ಸ್(Mumbai Indians) ವಿರುದ್ಧ 4 ವಿಕೆಟ್ಗಳ ಗೆಲುವು ಸಾಧಿಸಿ ಅಂಕಪಟ್ಟಿಯಲ್ಲಿ(IPL 2024 Points Table) ಮೂರನೇ ಸ್ಥಾನಕ್ಕೇರಿದೆ. ಲಕ್ನೋ ಗೆಲುವಿನಿಂದ ಮೂರನೇ ಸ್ಥಾನದಲ್ಲಿದ್ದ ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್(Chennai Super Kings) ಒಂದು ಸ್ಥಾನಗಳ ಕುಸಿತ ಕಂಡು ನಾಲ್ಕನೇ ಸ್ಥಾನ ಪಡೆದಿದೆ. ಇಂದು ನಡೆಯುವ ಪಂದ್ಯದಲ್ಲಿ ಚೆನ್ನೈ ಮತ್ತು ಪಂಜಾಬ್ ಕಿಂಗ್ಸ್ ಮುಖಾಮುಖಿಯಾಗಲಿವೆ. ಚೆನ್ನೈ ಗೆದ್ದರೆ ಮತ್ತೆ 2ನೇ ಮೂರನೇ ಸ್ಥಾನ ಪಡೆಯಬಹುದು.
8ನೇ ಸ್ಥಾನದಲ್ಲಿರುವ ಪಂಜಾಬ್ ಇದುವರೆಗೆ 9 ಪಂದ್ಯ ಆಡಿ ಕೇವಲ ಮೂರು ಗೆಲುವಿನೊಂದಿಗೆ 6 ಅಂಕ ಗಳಿಸಿದೆ. ಪ್ಲೇ ಆಫ್ ಆಸೆ ಜೀವಂತವಿರಿಸಬೇಕಿದ್ದರೆ ಇಂದು ನಡೆಯುವ ಚೆನ್ನೈ ವಿರುದ್ಧದ ಪಂದ್ಯ ಸೇರಿ ಉಳಿದ ಎಲ್ಲ ಪಂದ್ಯಗಳಲ್ಲಿಯೂ ಗೆಲುವು ಕಾಣಬೇಕಿದೆ. ಜತೆಗೆ ರನ್ರೇಟ್ ಕೂಡ ಉತ್ತಮ ಪಡಿಸಿಕೊಳ್ಳಬೇಕಿದೆ. ಒಂದೊಮ್ಮೆ ಇಂದು ಸೋತರೆ ಪ್ಲೇ ಆಫ್ ಅವಕಾಶ ಕ್ಷೀಣಗೊಳ್ಳಲಿದೆ.
ಅಂಕಪಟ್ಟಿ
| ತಂಡ | ಪಂದ್ಯ | ಗೆಲುವು | ಸೋಲು | ಅಂಕ |
| ರಾಜಸ್ಥಾನ್ ರಾಯಲ್ಸ್ | 9 | 8 | 1 | 16 (+0.694) |
| ಕೆಕೆಆರ್ | 9 | 6 | 3 | 12 (+1.096) |
| ಲಕ್ನೋ | 10 | 6 | 4 | 12 (+0.094) |
| ಚೆನ್ನೈ | 9 | 5 | 4 | 10 (+0.810) |
| ಹೈದರಾಬಾದ್ | 9 | 5 | 4 | 10 (+0.075) |
| ಡೆಲ್ಲಿ | 11 | 5 | 6 | 10 (-0.442) |
| ಗುಜರಾತ್ | 10 | 4 | 6 | 8 (-1.113) |
| ಪಂಜಾಬ್ | 9 | 3 | 6 | 8 (-0.187) |
| ಮುಂಬೈ | 10 | 3 | 7 | 6 (-0.272) |
| ಆರ್ಸಿಬಿ | 10 | 3 | 7 | 6 (-0.415) |
ಶ್ರೀ ಅಟಲ್ ಬಿಹಾರಿ ವಾಜಪೇಯಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಮುಂಬೈ ಬ್ಯಾಟರ್ಗಳು ಲಕ್ನೋ ಬೌಲರ್ಗಳ ಬಿಗು ದಾಳಿಗೆ ಕುಸಿದು 7 ವಿಕೆಟ್ ನಷ್ಟಕ್ಕೆ 144 ರನ್ ಬಾರಿಸಿತು. ಜವಾಬಿತ್ತ ಲಕ್ನೊ ತಂಡ 19.2 ಓವರ್ಗಳು 6 ವಿಕೆಟ್ಗೆ 145 ರನ್ ಬಾರಿಸಿ ಗೆಲುವು ಸಾಧಿಸಿತು.
ಇದನ್ನೂ ಓದಿ IPL 2024 : ‘ಆಲ್ರೌಂಡರ್’ ಪಾಂಡ್ಯ ನೇತೃತ್ವದ ಮುಂಬೈ ತಂಡವನ್ನು ಸೋಲಿಸಿದ ರಾಹುಲ್ ನಾಯಕತ್ವದ ಲಕ್ನೊ
A win for the Lucknow Super Giants at home 🙌
— IndianPremierLeague (@IPL) April 30, 2024
They now move to no.3️⃣ in the points table with 12 points 👏
Scorecard ▶️ https://t.co/I8Ttppv2pO#TATAIPL | #LSGvMI | @LucknowIPL pic.twitter.com/gZRii1MvbT
ಗುರಿ ಬೆನ್ನಟ್ಟಲು ಆರಂಭಿಸಿದ ಲಕ್ನೊ ತಂಡವೂ ಆರಂಭಿಕ ಆಘಾತ ಎದುರಿಸಿತು. ಪದಾರ್ಪಣೆ ಬ್ಯಾಟರ್ ಅರ್ಶಿನ್ ಕುಲಕರ್ಣಿ ಶೂನ್ಯಕ್ಕೆ ಔಟಾದರು. ಆದರೆ ರಾಹುಲ್ 28 ರನ್ ಬಾರಿಸಿ ತಂಡಕ್ಕೆ ಚೈತನ್ಯ ತಂದರು. ಬಳಿಕ ಆಡಲು ಇಳಿದ ಸ್ಟೊಯ್ನಿಸ್ ಅಗತ್ಯ ಅರ್ಧ ಶತಕ ಗಳಿಸಿದರು. ದೀಪಕ್ ಹೂಡ 18 ರನ್ ಬಾರಿಸಿದರೆ ನಿಕೋಲಸ್ ಪೂರನ್ 14 ರನ್ ಕೊಡುಗೆ ಕೊಟ್ಟರು.