ನವದೆಹಲಿ: ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಬೌಲರ್ಗಳ ಮಾರಕ ಬೌಲಿಂಗ್ಗೆ ತತ್ತರಿಸಿದ ಕೋಲ್ಕೊತಾ ನೈಟ್ ರೈಡರ್ಸ್ ತಂಡ ಐಪಿಎಲ್ 16ನೇ ಆವೃತ್ತಿಯ 28ನೇ ಪಂದ್ಯದಲ್ಲಿ 127 ರನ್ಗಳಿಗೆ ಆಲ್ಔಟ್ ಅಗಿದೆ. ಇದರೊಂದಿಗೆ ಗೆಲುವಿನ ರುಚಿಯನ್ನೇ ಕಾಣದ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಸಾಧಾರಣ ಮೊತ್ತದ ಸವಾಲು ಎದುರಾಗಿದೆ.
ಅರುಣ್ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆಯುತ್ತಿರುವ ಹಣಾಹಣಿಯಲ್ಲಿ ಟಾಸ್ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕ ಡೇವಿಡ್ ವಾರ್ನರ್ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ಅಂತೆಯ ಮೊದಲು ಬ್ಯಾಟ್ ಮಾಡಿದ ಕೆಕೆಆರ್ ತಂಡ 20 ಓವರ್ಗಳಲ್ಲಿ 217 ರನ್ ಮಾಡಿ ಆಲ್ಔಟ್ ಆಯಿತು.
ಬ್ಯಾಟಿಂಗ್ ಆರಂಭಿಸಿದ ಕೋಲ್ಕೊತಾ ನೈಟ್ ರೈಡರ್ಸ್ ತಂಡದ ಆರಂಭ ಉತ್ತಮವಾಗಿರಲಿಲ್ಲ. ಬಾಂಗ್ಲಾದೇಶದ ವಿಕೆಟ್ಕೀಪರ್ ಬ್ಯಾಟರ್ (4) ಬೇಗನೆ ವಿಕೆಟ್ ಒಪ್ಪಿಸಿದರು. ಕಳೆದ ಪಂದ್ಯದಲ್ಲಿ ಶತಕ ಬಾರಿಸಿದ್ದ ಶೂನ್ಯಕ್ಕೆ ಔಟಾಗುವ ಮೂಲಕ ನಿರಾಸೆ ಮೂಡಿಸಿದರು. ನಾಯಕ ನಿತೀಶ್ ರಾಣಾ ಕೂಡ 4 ರನ್ಗಳಿಗೆ ಔಟಾದರು. ಹೀಗಾಗಿ ಕೆಕೆಆರ್ ತಂಡ 50 ರನ್ಗಳಿಗೆ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಒಳಗಾಯಿತು.
ಕೆಕೆಆರ್ ತಂಡದ ಪರ ಜೇಸನ್ ರಾಯ್ (43) ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಅವರು ಆರಂಭದಲ್ಲಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದರೆ ಕೊನೇ ಹಂತದಲ್ಲಿ ಆ್ಯಂಡ್ರೆ ರಸೆಲ್ 4 ಸಿಕ್ಸರ್ ಹಾಗೂ 1 ಫೋರ್ ನೆರವಿನಿಂದ ಅಜೇಯ 38 ರನ್ ಬಾರಿಸಿದರು.
ಆ ಬಳಿಕ ಪಾರಮ್ಯ ಸಾಧಿಸಿದ ಡೆಲ್ಲಿ ಬೌಲರ್ಗಳು ಸತತವಾಗಿ ಎದುರಾಳಿ ತಂಡದ ವಿಕೆಟ್ಗಳನ್ನು ಉರುಳಿಸಿದರು. ಮನ್ದೀಪ್ ಸಿಂಗ್ (12), ರಿಂಕು ಸಿಂಗ್ (6), ಸುನೀಲ್ ನರೈನ್ (4), ಅಂಕುಲ್ ರಾಯ್ (0), ಉಮೇಶ್ ಯಾದವ್ (3) ಬೇಗನೆ ಪೆವಿಲಿಯನ್ಗೆ ಮರಳಿದರು.
96 ರನ್ಗಳಿಗೆ 9 ವಿಕೆಟ್ ಕಳೆದುಕೊಂಡಿದ್ದ ಕೆಕೆಆರ್ ತಂಡ ಕೊನೇ ವಿಕೆಟ್ಗೆ 31 ರನ್ ಬಾರಿಸಿತು.
ಒಂದು ಗಂಟೆ ತಡವಾಗಿ ಪಂದ್ಯ ಆರಂಭ
ಡೆಲ್ಲಿಯಲ್ಲಿ ಗುರುವಾರ ಸಂಜೆ ಅಕಾಲಿಕ ಮಳೆಯಾಯಿತು. ಹೀಗಾಗಿ ಪಂದ್ಯ ಆರಂಭಕ್ಕೆ ಅಡಚಣೆ ಉಂಟಾಯಿತು. 7 ಗಂಟೆಗೆ ನಡೆಯಬೇಕಾಗಿದ್ದ ಟಾಸ್ 8.15ಕ್ಕೆ ನಡೆಯಿತು. ಪಂದ್ಯ 8.30ಕ್ಕೆ ಆರಂಭಗೊಂಡಿತು. ಈ ಮೂಲಕ ಒಂದು ಗಂಟೆ ತಡವಾಗಿ ಪಂದ್ಯ ಆರಂಭಗೊಂಡಿತು.