ಬೆಂಗಳೂರು: ಆರಂಭಿಕ ಬ್ಯಾಟರ್ ಜೇಸನ್ ರಾಯ್ (56) ಅವರ ಅರ್ಧ ಶತಕ ಹಾಗೂ ನಾಯಕ ನಿತೀಶ್ ರಾಣಾ (48) ಸ್ಫೋಟಕ ಬ್ಯಾಟಿಂಗ್ ನೆರವು ಪಡೆದ ಕೋಲ್ಕೊತಾ ನೈಟ್ ರೈಡರ್ಸ್ ತಂಡ ಐಪಿಎಲ್ 16ನೇ ಅವೃತ್ತಿಯ 36ನೇ ಪಂದ್ಯದಲ್ಲಿ ಎದುರಾಳಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ… ರನ್ಗಳ ಗೆಲುವಿನ ಸವಾಲೊಡ್ಡಿದೆ. ನಾರಾಯಣ ಜಗದೀಶನ್ (27) ಹಾಗೂ ವೆಂಕಟೇಶ್ ಅಯ್ಯರ್ (31) ಕೂಡ ಆತಿಥೇಯರ ಬಳಕ್ಕೆ ದೊಡ್ಡ ಮೊತ್ತದ ಗುರಿಯೊಡ್ಡಲು ನೆರವಾದರು.
ಚಿನ್ನಸ್ವಾಮಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಹಣಾಹಣಿಯಲ್ಲಿ ಟಾಸ್ ಗೆದ್ದ ಆರ್ಸಿಬಿ ತಂಡ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಕೆಕೆಆರ್ ಬಳಗ ನಿಗದಿತ 20 ಓವರ್ಗಳಲ್ಲಿ… ವಿಕೆಟ್ ನಷ್ಟಕ್ಕೆ…ರನ್ ಬಾರಿಸಿತು.
ಇನಿಂಗ್ಸ್ ಆರಂಭಿಸಿದ ಕೋಲ್ಕೊತಾ ಬಳಗ ಉತ್ತಮ ಆರಂಭ ಪಡೆಯಿತು. ಜೇಸನ್ ರಾಯ್ ಹಾಗೂ ಜಗದೀಶನ್ ಮೊದಲ ವಿಕೆಟ್ಗೆ 83 ರನ್ ಬಾರಿಸಿ ಭದ್ರ ಅಡಿಪಾಯ ಹಾಕಿದರು. ಜಗದೀಶನ್ ವಿಕೆಟ್ ಪಡೆಯುವ ಮೂಲಕ ಕರುನಾಡ ಹುಡುಗ ವಿಜಯ್ಕುಮಾರ್ ವೈಶಾಖ್ ಈ ಜೋಡಿಯನ್ನು ಬೇರ್ಪಡಿಸಿದರು. ಮೂರನೇ ಕ್ರಮಾಂಕದಲ್ಲಿ ಆಡಲು ಬಂದ ವೆಂಕಟೇಶ್ ಅಯ್ಯರ್ ನಿಧಾನಗತಿಯಲ್ಲಿ ಆಡಿ 31 ರನ್ ಗಳಿಸಿದರು. 11.4 ಓವರ್ಗಳಲ್ಲಿ 100 ರನ್ ಪೂರೈಸಿದ ಕೆಕೆಆರ್ ದೊಡ್ಡ ಮೊತ್ತ ಪೇರಿಸಲು ಸುಳಿವು ಕೊಟ್ಟಿತು. ಏತನ್ಮಧ್ಯೆ, ವೈಶಾಖ್ ಕೆಕೆಆರ್ ಅಬ್ಬರದ ಬ್ಯಾಟಿಂಗ್ ಮಾಡುತ್ತಿದ್ದ ಜೇಸನ್ ರಾಯ್ ಅವರನ್ನು ಪೆವಿಲಿಯನ್ಗೆ ಕಳುಹಿಸಿದರು.
ಇದನ್ನೂ ಓದಿ : IPL 2023: ಪತ್ನಿಯೊಂದಿಗೆ ಮಸ್ತ್ ಸ್ಟೆಪ್ಸ್‌ ಹಾಕಿ ಗಾಯಗೊಂಡ ವಿರಾಟ್ ಕೊಹ್ಲಿ; ಆರ್ಸಿಬಿ ಗತಿಯೇನು?
ಈ ವೇಳೆ ಕ್ರೀಸ್ಗೆ ಇಳಿದ ನಾಯಕ ನಿತೀಶ್ ರಾಣಾ ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ತೋರಿದರು ಅವರು 21 ಎಸೆತಗಳಲ್ಲಿ 48 ರನ್ ಬಾರಿಸಿದರು. ಆದರೆ, ವೆಂಕಟೇಶ್ ಅಯ್ಯರ್ ಹಾಗೂ ನಿತೀಶ್ ರಾಣಾ ಇನ್ನಷ್ಟು ಹೊತ್ತು ಮೈದಾನದಲ್ಲಿ ಇರದಂತೆ ಶ್ರೀಲಂಕಾದ ಸ್ಪಿನ್ನರ್ ವಾನಿಂದು ಹಸರಂಗ ನೋಡಿಕೊಂಡರು. ಬಳಿಕ ಬಂದ ವಿಂಡೀಸ್ ದೈತ್ಯ ಆ್ಯಂಡ್ರೆ ರಸೆಲ್ 1 ರನ್ಗೆ ವಿಕೆಟ್ ಒಪ್ಪಿಸಿ ಕೆಕೆಅರ್ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದರು. ಆದರೆ, ಕೊನೇ ಹಂತದಲ್ಲಿ ರಿಂಕು ಸಿಂಗ್ 10 ಎಸೆತಗಳಲ್ಲಿ 18 ಹಾಗೂ ಡೇವಿಡ್ ವೈಸ್ 3 ಎಸೆತಗಳಲ್ಲಿ 12 ರನ್ ಬಾರಿ ತಂಡದ ಮೊತ್ತವನ್ನು 200ಕ್ಕೆ ಏರಿಸಿದರು.