IPL 2023 : ಮುಂಬಯಿ ವಿರುದ್ಧ 81 ರನ್ ಹೀನಾಯ ಸೋಲು, ಲಕ್ನೊ ತಂಡ ಐಪಿಎಲ್ನಿಂದ ಎಲಿಮಿನೇಟ್

Sukhesha Padibagilu

2 ವರ್ಷಗಳು ago

ಚೆನ್ನೈ: ಬೌಲಿಂಗ್ ಹಾಗೂ ಬ್ಯಾಟಿಂಗ್ನಲ್ಲಿ ಅಮೋಘ ಪ್ರದರ್ಶನ ನೀಡಿದ ಮುಂಬಯಿ ಇಂಡಿಯನ್ಸ್ ತಂಡ ಐಪಿಎಲ್ 16ನೇ ಆವೃತ್ತಿಯ ಎಲಿಮಿನೇಟರ್ ಪಂದ್ಯದಲ್ಲಿ ಲಕ್ನೊ ಸೂಪರ್ ಜೈಂಟ್ಸ್ ವಿರುದ್ಧ 81. ರನ್ಗಳ ಭರ್ಜರಿ ಗೆಲುವು ದಾಖಲಿಸಿದೆ. ಇದರೊಂದಿಗೆ ರೋಹಿತ್ ಶರ್ಮಾ ಬಳಗ ಎರಡನೇ ಕ್ವಾಲಿಫೈಯರ್ ಪಂದ್ಯಕ್ಕೆ ಎಂಟ್ರಿ ಪಡೆದುಕೊಂಡಿದೆ. ಶುಕ್ರವಾರ (ಮೇ26) ನಡೆಯಲಿರುವ ಪಂದ್ಯದಲ್ಲಿ ಗುಜರಾತ್ ಟೈಟನ್ಸ್ ತಂಡಕ್ಕೆ ಎದುರಾಗಲಿದೆ. ಪಂದ್ಯದಲ್ಲಿ ಮಾರಕ ದಾಳಿ ಸಂಘಟಿಸಿದ ಮುಂಬಯಿ ವೇಗದ ಬೌಲರ್ ಆಕಾಶ್ ಮಧ್ವಲ್ 5 ರನ್ ನೀಡಿ 5 ವಿಕೆಟ್ ಪಡೆಯುವ ಮೂಲಕ ಗೆಲುವಿನಲ್ಲಿ ಪ್ರಧಾನ ಪಾತ್ರ ವಹಿಸಿದರು. ಮುಂಬಯಿ ತಂಡದ ಪರ ಕ್ಯಾಮೆರೂನ್ ಗ್ರೀನ್ 41 ರನ್ ಬಾರಿಸಿ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು.

A MI-ghty special victory! 😎

The Mumbai Indians win by 81 runs and progress to the #Qualifier2 of #TATAIPL 2023 👏🏻👏🏻

Scorecard ▶️ https://t.co/CVo5K1wG31 #TATAIPL | #Eliminator | #LSGvMI pic.twitter.com/77zW6NmInn
— IndianPremierLeague (@IPL) May 24, 2023

ಇಲ್ಲಿನ ಎಂಎ ಚಿದಂಬರಂ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಹಣಾಹಣಿಯಲ್ಲಿ ಟಾಸ್ ಗೆದ್ದ ಮುಂಬಯಿ ತಂಡದ ನಾಯಕ ರೋಹಿತ್ ಶರ್ಮಾ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಅಂತೆಯೇ ಮೊದಲು ಬ್ಯಾಟ್ ಮಾಡಿದ ಮುಂಬಯಿ ಇಂಡಿಯನ್ಸ್ ಬಳಗ ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 182 ರನ್ ಬಾರಿಸಿತು. ತಿಯಾಗಿ ಬ್ಯಾಟ್ ಮಾಡಿದ ಲಕ್ನೊ ತಂಡ 16.3 ಓವರ್ಗಳಲ್ಲಿ 101 ರನ್ ಬಾರಿಸಿ ಆಲ್ಔಟ್ ಆಯಿತು.

Yes ✅
No ❌

Confusion in the Middle x 2 #LSG lose two wickets in no time as Mumbai Indians capitalise 🙌#TATAIPL | #Eliminator | #LSGvMI pic.twitter.com/xWVnqQVSjh
— IndianPremierLeague (@IPL) May 24, 2023

ಸ್ಪರ್ಧಾತ್ಮಕ ಮೊತ್ತವನ್ನು ಬೆನ್ನಟ್ಟಲು ಹೊರಟ ಲಕ್ನೊ ತಂಡ ಹೀನಾಯ ಪ್ರದರ್ಶನ ನೀಡಿತು. ಮಾರ್ಕ್ ಸ್ಟೊಯ್ನಿಸ್ (40) ಹಾಗೂ ಕೈಲ್ ಮೇಯರ್ಸ್ (18) ಹೊರತುಪಡಿಸಿದರೆ ಉಳಿದವರು ಗಲ್ಲಿ ಕ್ರಿಕೆಟ್ ರೀತಿಯಲ್ಲಿ ಆಡಿದರು. ಅನಗತ್ಯವಾಗಿ ರನ್ ಔಟ್ ಮೂಲಕವೇ ಮೂರು ವಿಕೆಟ್ ನೀಡಿದರು. ಇಬ್ಬರನ್ನು ರನ್ಔಟ್ ಮಾಡಿದ ದೀಪಕ್ ಹೂಡಾ ಕೊನೆಯಲ್ಲಿ ತಾವೇ ರನ್ಔಟ್ ಆಗಿ ಔಟಾದರು.

ಲಕ್ನೊ ತಂಡ ಆರಂಭದಿಂದಲೇ ಮುಂಬಯಿ ಬೌಲರ್ಗಳ ಪ್ರಖರ ದಾಳಿಗೆ ತತ್ತರಿಸಿತು. ಪ್ರೇರಕ್ ಮಂಕಡ್ 3 ರನ್ಗೆ ಔಟಾಗುವ ಮೂಲಕ 12 ರನ್ಗೆ ಮೊದಲ ವಿಕೆಟ್ ಕಳೆದುಕೊಂಡಿತು. ನಾಯಕ ಕೃಣಾಲ್ ಪಾಂಡ್ಯ 8 ರನ್ಗಳಿಗೆ ಸೀಮಿತಗೊಂಡರು. ಈ ವೇಳೆ 69 ರನ್ಗೆ ಮೂರು ವಿಕೆಟ್ ಕಳೆದುಕೊಂಡಿತ್ತಾದರೂ ಗೆಲುಇನ ಅವಕಾಶವಿತ್ತು. ಆದರೆ, ಅಲ್ಲಿಂದ ಲಕ್ನೊ ತಂಡದ ಬ್ಯಾಟಿಂಗ್ ವಿಭಾಗ ಕುಸಿತ ಕಂಡಿತು. ಆಯುಷ್ ಬದೋನಿ 1 ರನ್ಗೆ ಔಟಾದರೆ, ನಿಕೋಲಸ್ ಪೂರನ್ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು. ದೀಪಕ್ ಹೂಡ ಒದ್ದಾಡಿ, ಪೇಚಾಡಿ 15 ರನ್ ಬಾರಿಸಿದರೆ ಕೃಷ್ಣಪ್ಪ ಗೌತಮ್ 2 ರನ್ ಮಾಡಿ ಅನಗತ್ಯ ರನ್ಔಟ್ಗೆ ಒಳಗಾದರು.

ಮಧ್ವಾಲ್ ಮಾಯೆ

Sensational! 🔥🔥

Akash Madhwal bags a FIFER & Lucknow Super Giants are all out for 101 #TATAIPL | #Eliminator | #LSGvMI pic.twitter.com/pfiLNkScnz
— IndianPremierLeague (@IPL) May 24, 2023

ಮುಂಬಯಿ ತಂಡ ವೇಗದ ಬೌಲರ್ ಆರಂಭದಿಂದಲೇ ಲಕ್ನೊ ಬೌಲರ್ಗಳನ್ನು ಕಾಡಿದರು. ಪ್ರೇರಕ್ ಮಂಕಡ್ ಅವರನ್ನು ತಮ್ಮ ಮೊದಲ ಓವರ್ನಲ್ಲೇ ಬೌಲ್ಡ್ ಮಾಡಿದ ಅವರು ಎರಡನೇ ಓವರ್ನಲ್ಲಿ ಆಯುಷ್ ಬದೋನಿ ಹಾಗೂ ನಿಕೋಲಸ್ ಪೂರನ್ ವಿಕೆಟ್ ತಮ್ಮದಾಗಿಸಿಕೊಂಡರು. ಮೂರನೇ ಓವರ್ನಲ್ಲಿ ರವಿ ಬಿಷ್ಣೋಯಿ ವಿಕೆಟ್ ಪಡೆದ ಅವರು ತಮ್ಮ ಸ್ಪೆಲ್ನ ಕೊನೇ ಓವರ್ನಲ್ಲಿ ಮೊಯ್ಸಿನ್ ಖಾನ್ ಅವರನ್ನು ಬೌಲ್ಡ್ ಮಾಡಿದರು. ಒಟ್ಟು 21 ಎಸೆತಗಳನ್ನು ಎಸೆದ ಅವರು ಕೇವಲ 5 ರನ್ ನೀಡಿ ಸಾಧನೆ ಮಾಡಿದರು. ಉಳಿದಂತೆ ಕ್ರಿಸ್ ಜೋರ್ಡಾನ್ ಹಾಗೂ ಪಿಯೂಷ್ ಚಾವ್ಲಾ ತಲಾ ಒಂದು ವಿಕೆಟ್ ಹಂಚಿಕೊಂಡರು. ಮೂರು ವಿಕೆಟ್ಗಳು ರನ್ಔಟ್ ಮೂಲಕ ದೊರೆಯಿತು.

https://twitter.com/IPL/status/1661401924854497281?s=20

ಮೊದಲು ಬ್ಯಾಟ್ ಮಾಡಿದ ಮುಂಬಯಿ ತಂಡ ಉತ್ತಮ ಆರಂಭ ಪಡೆಯಲಿಲ್ಲ. 30 ರನ್ಗಳಿಗೆ ಮೊದಲ ವಿಕೆಟ್ ಕಳೆದುಕೊಂಡರೆ 38 ರನ್ಗಳಿಗೆ 2ನೇ ವಿಕೆಟ್ ಪತನಗೊಂಡಿತು. ಆದರೆ, ಮೂರನೇ ವಿಕೆಟ್ಗೆ ಜತೆಯಾದ ಸೂರ್ಯಕುಮಾರ್ ಯಾದವ್ (33) ಹಾಗೂ ಕ್ಯಾಮೆರಾನ್ ಗ್ರೀನ್ (41) ತಂಡಕ್ಕೆ ಆಧಾರವಾದರು. ಈ ಜೋಡಿ 66 ರನ್ಗಳ ಜತೆಯಾಟ ನೀಡುವ ಮೂಲಕ ಸ್ಪರ್ಧಾತ್ಮಕ ಮೊತ್ತ ಪೇರಿಸಲು ನೆರವಾದರು.

https://twitter.com/IPL/status/1661400843512606723?s=20

ಲಕ್ನೊ ತಂಡದ ಪರ ಪ್ರಭಾವಿ ಬೌಲಿಂಗ್ ಪ್ರದರ್ಶನ ನೀಡಿದ್ದ ಅಫಘಾನಿಸ್ತಾನದ ಆಟಗಾರ ನವಿನ್ ಉಲ್ ಹಕ್ (38 ರನ್ಗಳಿಗೆ 4 ವಿಕೆಟ್) ಒಂದೇ ಓವರ್ನಲ್ಲಿ ಸೂರ್ಯಕುಮಾರ್ ಯಾದವ್ ಹಾಗೂ ಕ್ಯಾಮೆರೂನ್ ಗ್ರೀನ್ ಅವರನ್ನು ಪೆವಿಲಿಯನ್ಗೆ ಕಳುಹಿಸಿದರು. ಈ ಮೂಲಕ ಮುಂಬಯಿ ತಂಡದ ರನ್ ಗಳಿಕೆ ಏಕಾಏಕಿ ಕುಸಿತ ಕಂಡಿತು. ಬಳಿಕ ತಿಲಕ್ ವರ್ಮಾ (26) ಹಾಗೂ ಕೊನೇ ಹಂತದಲ್ಲಿ ಸ್ಫೋಟಕ ಪ್ರದರ್ಶನ ನೀಡಿದ ನೇಹಲ್ ವಧೇರಾ (12 ಎಸೆತಕ್ಕೆ 23) ಸ್ಪರ್ಧಾತ್ಮಕ ಮೊತ್ತ ಪೇರಿಸಲು ನೆರವಾದರು. ಟಿಮ್ ಡೇವಿಡ್ 13 ರನ್ ಬಾರಿಸಿದರೆ ಕ್ರಿಸ್ ಜೋರ್ಡಾನ್ 4 ರನ್ಗೆ ಸೀಮಿತಗೊಂಡರು.

ಇದನ್ನೂ ಓದಿ : MS Dhoni : ಧೋನಿ ಮುಂದಿನ ವರ್ಷವೂ ಆಡುತ್ತಾರೆ ಎಂಬ ಸೂಚನೆ ನೀಡಿದ ಡ್ವೇನ್ ಬ್ರಾವೊ

ಲಕ್ನೊ ತಂಡದ ಪರ ಯಶ್ ಠಾಕೂರ್ 33 ರನ್ ನೀಡಿ ಪ್ರಮುಖ ಮೂರು ವಿಕೆಟ್ ಕಬಳಿಸಿದರು. ಮೊಹ್ಸಿನ್ ಖಾನ್ 24 ರನ್ಗಳಿಗೆ 1 ವಿಕೆಟ್ ತಮ್ಮದಾಗಿಸಿಕೊಂಡರು.