ಕೋಲ್ಕೊತಾ: ಸೋಲುಗಳಿಂದ ಕಂಗೆಟ್ಟು ವಿಶ್ವ ಕಪ್ನಲ್ಲಿ ಲೀಗ್ ಹಂತದಲ್ಲೇ ನಿರ್ಗಮಿಸುವುದಕ್ಕೆ ತಯಾರಾಗಿರುವ ಪಾಕಿಸ್ತಾನ (ICC World Cup 2023) ತಂಡಕ್ಕೆ ಕೊನೆಗೂ ಒಂದು ಗೆಲುವು ಸಿಕ್ಕಿದೆ. ದುರ್ಬಲ ಪಾಕಿಸ್ತಾನ ತಂಡ ವಿರುದ್ಧ 7 ವಿಕೆಟ್ಗಳ ಭರ್ಜರಿ ವಿಜಯ ದಾಖಲಿಸಿದೆ. ಇದು ಹಾಲಿ ವಿಶ್ವ ಕಪ್ನಲ್ಲಿ ಬಾಬರ್ ಅಜಮ್ ನೇತೃತ್ವದ ತಂಡಕ್ಕೆ ಮೂರನೇ ವಿಜಯ. ಸತತ ನಾಲ್ಕು ಸೋಲುಗಳಿಂದಾಗಿ ಪಾಕ್ ತಂಡ ಕಂಗೆಟ್ಟ ಹೊರತಾಗಿಯೂ ಮತ್ತೆ ಐದನೇ ಸ್ಥಾನಕ್ಕೆ ಬಂದು ನಿಂತಿದೆ. ಇದೇ ವೇಳೆ ಬಾಂಗ್ಲಾದೇಶ ತಂಡ ಸತತ ಆರು ಸೋಲುಗಳನ್ನು ಎದುರಿಸುವ ಮೂಲಕ ಹಾಲಿ ವಿಶ್ವ ಕಪ್ನಲ್ಲಿ ಅತ್ಯಂತ ನಿರಾಸೆಯ ಅಭಿಯಾನ ನಡೆಸಿದ್ದು, ಸೆಮಿಫೈನಲ್ ರೇಸ್ನಿಂದ ಹೊರಕ್ಕೆ ಬಿದ್ದಿದೆ.
Pakistan overcame a modest Bangladesh total with ease to garner their third #CWC23 win 💪#PAKvBAN 📝: https://t.co/059IGB6Iku pic.twitter.com/Pq7IHBuUp4
— ICC Cricket World Cup (@cricketworldcup) October 31, 2023
ಇಲ್ಲಿನ ಈಡನ್ ಗಾರ್ಡನ್ಸ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಬಾಂಗ್ಲಾದೇಶ ತಂಡ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಆದರೆ, ನಿರ್ಧಾರ ಕ್ಕೆ ತದ್ವಿರುದ್ಧವಾಗಿ ಆಡಿ 45.1 ಓವರ್ಗಳಲ್ಲಿ 204 ರನ್ಗಳಿಗೆ ಆಲ್ಔಟ್ ಆಯಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಪಾಕಿಸ್ತಾನ ತಂಡ ಇನ್ನೂ 105 ಎಸೆತಗಳು ಬಾಕಿ ಇರುವಂತೆಯೇ 3 ವಿಕೆಟ್ ಕಳೆದುಕೊಂಡು 205 ರನ್ ಬಾರಿಸಿ ಗೆಲುವು ಸಾಧಿಸಿತು.
ಸಾಧಾರಣ ಗುರಿಯನ್ನು ಬೆನ್ನಟ್ಟಲು ಹೊರಟ ಪಾಕಿಸ್ತಾನ ತಂಡ ಉತ್ತಮ ಆರಂಭ ಪಡೆಯಿತು. ಅಬ್ದುಲ್ಲಾ ಶಫಿಕ್ (68) ಹಾಗೂ ಫಖರ್ ಜಮಾನ್ (81) ಮೊದಲ ವಿಕೆಟ್ಗೆ 121 ರನ್ ಬಾರಿಸಿದರು. ಅವರಿಬ್ಬರ ಅದ್ಭುತ ಪ್ರದರ್ಶನದಿಂದಾಗಿ ಪಾಕ್ ಬಳಗಕ್ಕೆ ಗೆಲುವಿನ ವಿಶ್ವಾಸ ದೊರೆಯಿತು. ಆದರೆ, ಮೆಹೆದಿ ಹಸನ್ ಮಿರ್ಜಾ ಬೌಲಿಂಗ್ನಲ್ಲಿ ಅಬ್ದುಲ್ಲಾ ಶಫೀಕ್ ಔಟಾದರು. 69 ಎಸೆತ ಎದುರಿಸಿದ್ದ ಅವರು 9 ಫೋರ್ ಹಾಗೂ 2 ಸಿಕ್ಸರ್ಗಳನ್ನು ಬಾರಿಸಿದ್ದರು.
ಬಾಬರ್ ಫೇಲ್
ಮೂರನೇ ಕ್ರಮಾಂಕದಲ್ಲಿ ಆಡಲು ಬಂದ ನಾಯಕ ಬಾಬರ್ ಅಜಮ್ ಮತ್ತೆ ವೈಫಲ್ಯ ಎದುರಿಸಿದರು. ಅವರು 16 ಎಸೆತಗಳಲ್ಲಿ 9 ರನ್ ಬಾರಿಸಿ ಔಟಾದರು. ಹೀಗಾಗಿ 160 ರನ್ಗಳಿಗೆ ಪಾಕ್ ತಂಡ ಮತ್ತೊಂದು ವಿಕೆಟ್ ಕಳೆದುಕೊಂಡಿತು. ಆ ಬಳಿಕ ಬಂದ ಮೊಹಮ್ಮದ್ ರಿಜ್ವಾನ್ 26 ರನ್ ಹಾಗೂ ಇಫ್ತಿಕಾರ್ ಅಹಮದ್ 17 ರನ್ ತಂಡವನ್ನು ಗೆಲ್ಲಿಸಿದರು. ಅದಕ್ಕಿಂತ ಮೊದಲು ಫಖರ್ ಜಮಾನ್ ಮೆಹೆದಿ ಹಸನ್ ಬೌಲಿಂಗ್ನಲ್ಲಿ ಔಟಾದರು.
ಅದಕ್ಕಿಂತ ಮೊದಲು ಬ್ಯಾಟ್ ಮಾಡಿದ ಬಾಂಗ್ಲಾದೇಶ ತಂಡ ಶೂನ್ಯಕ್ಕೆ ಮೊದಲ ವಿಕೆಟ್ ಕಳೆದುಕೊಂಡಿತು. ತಂಜಿದ್ ಹಸನ್ ಸೊನ್ನೆ ಸುತ್ತುವ ಮೂಲಕ ನಿರಾಸೆ ಮೂಡಿಸಿದರು. ಮೂರನೇ ಕ್ರಮಾಂಕದಲ್ಲಿ ಬಂದ ನಜ್ಮುಲ್ ಹೊಸೈನ್ (4) ಹಾಗೂ ಮುಷ್ಪಿಕರ್ ರಹೀಮ್ (5) ಕೂಡ ಬೇಗನೆ ವಿಕೆಟ್ ಒಪ್ಪಿಸಿದರು. ಹೀಗಾಗಿ ಬಾಂಗ್ಲಾ ತಂಡ 23 ರನ್ಗಳಿಗೆ 3 ವಿಕೆಟ್ ಕಳೆದುಕೊಂಡಿತು. ಈ ನಡುವೆ ಮತ್ತೊಮ್ಮ ಅರಂಭಿಕ ಬ್ಯಾಟರ್ ಲಿಟನ್ ದಾಸ್ 45 ರನ್ ಬಾರಿಸಿ ಮಿಂಚಿದರು. ಅವರಿಗೆ ಹಿರಿಯ ಬ್ಯಾಟರ್ ಮಹಮ್ಮದುಲ್ಲಾ 56 ರನ್ ಬಾರಿಸಿ ಉತ್ತಮ ಜತೆಯಾಟ ನೀಡಿದರು. ಈ ಜೋಡಿ ತಂಡದ ಮೊತ್ತವನ್ನು 102ರ ತನಕ ಹಿಗ್ಗಿಸಿತು.
ಈ ಸುದ್ದಿಯನ್ನೂ ಓದಿ : MS Dhoni : ಬೆಂಗಾಲಿ ಭಾಷೆ ಗೊತ್ತಿದ್ದೂ ಬಾಂಗ್ಲಾ ತಂಡವನ್ನು ಮಂಗ್ಯಾ ಮಾಡಿದ್ದ ಧೋನಿ!
ನಾಲ್ಕನೇ ವಿಕೆಟ್ ಪತನದ ಬಳಿಕ ಆಡಲು ಬಂದ ನಾಯಕ ಶಾಕಿಬ್ ಅಲ್ ಹಸನ್ ಉಪಯುಕ್ತ 43 ರನ್ ಬಾರಿಸಿದರು. ಆದರೆ, ಆ ಬಳಿಕ ಬಾಂಗ್ಲಾ ತಂಡ ನಿರಂತರ ವಿಕೆಟ್ಗಳನ್ನು ಕಳೆದುಕೊಂಡಿತು. ಏತನ್ಮಧ್ಯೆ ಮೆಹೆದಿ ಹಸನ್ 25 ರನ್ ಬಾರಿಸಿದರು.
ಪಾಕಿಸ್ತಾನ ತಂಡದ ಬೌಲಿಂಗ್ ಪರ ಶಹೀನ್ ಶಾ ಅಫ್ರಿದಿ ಮೂರು ವಿಕೆಟ್ ಉರುಳಿಸಿದರೆ, ಮಹಮ್ಮದ್ ವಾಸಿಂ ಕೂಡ 3 ವಿಕೆಟ್ ಪಡೆದರು. ಹ್ಯಾರಿಸ್ ರವೂಫ್ ಕೂಡ 5 ವಿಕೆಟ್ ತಮ್ಮದಾಗಿಸಿಕೊಂಡರು.