ನೋಯ್ಡಾ: ಆರಂಭಿಕ ಹಂತದಲ್ಲಿ ಮುನ್ನಡೆ, ಬಳಿಕ ಕುಸಿತ, ಅಂತಿಮ ಹಂತದಲ್ಲಿ ಮತ್ತೆ ಬಿರುಸಿನ ಆಟವಾಡಿದ ಬೆಂಗಳೂರು ಬುಲ್ಸ್(Bengaluru Bulls) ತಂಡ ಕೊನೆಗೂ ಆತಿಥೇಯ ಯುಪಿ ಯೋಧಾಸ್(U.P. Yoddhas) ವಿರುದ್ಧ 1 ಅಂಕದ ವಿರೋಚಿತ ಸೋಲಿಗೆ ತುತ್ತಾಯಿತು. ಇದು ಬುಲ್ಸ್ಗೆ ಎದುರಾದ 6ನೇ ಸೋಲು.
ಇಲ್ಲಿನ ನೋಯ್ಡಾ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ ಪ್ರೊ ಕಬಡ್ಡಿ ಲೀಗ್-10ರ(Pro Kabaddi League) ಶುಕ್ರವಾರದ ದ್ವಿತೀಯ ಪಂದ್ಯದಲ್ಲಿ ಬೆಂಗಳೂರು ಬುಲ್ಸ್ ತಂಡ ಯುಪಿ ಯೋಧಾಸ್ ವಿರುದ್ಧ 34-33 ಅಂತರದಿಂದ ಸೋಲು ಕಂಡಿತು. ಕೊನೆಯ ಒಂದುವರೆ ನಿಮಿಷದ ಆಟದಲ್ಲಿ ಬೆಂಗಳೂರು ಬುಲ್ಸ್ ತನ್ನಲೇ ಶಕ್ತಿಯನ್ನು ಪ್ರದರ್ಶಿಸಿತು. ಬುಲ್ಸ್ ತಂಡದ ಯುವ ರೇಡರ್ ಸುಶೀಲ್ ಸತತವಾಗಿ ಅಂಕ ಗಳಿಸಿ ಪಂದ್ಯವನ್ನು ಮತ್ತಷ್ಟು ರೋಚಕತೆಗೆ ತಂದು ನಿಲ್ಲಿಸಿದರು. ಆದರೂ ಒಂದು ಅಂಕದ ಸೋಲು ಎದುರಾಯಿತು.
यूपी योद्धाज़ ने अपने होम लेग में किया जीत का प्रचंड शंखनाद 💪🔥
— ProKabaddi (@ProKabaddi) December 29, 2023
बेंगलुरु बुल्स के ख़िलाफ़ दर्ज की शानदार जीत 💙#ProKabaddiLeague #ProKabaddi #PKLSeason10 #PKL #HarSaansMeinKabaddi #UPvBLR #UPYoddhas #BengaluruBulls pic.twitter.com/P3Ujsooi86
ಕೊನೆಯ ರೇಡಿಂಗ್ ಅವಕಾಶ ಬುಲ್ಸ್ ತಂಡಕ್ಕೆ ಲಭಿಸಿತ್ತಾದರೂ ಕೂಡ ಕೇವಲ 4 ಸೆಕೆಂಡ್ಗಳ ಆಟ ಮಾತ್ರ ಬಾಕಿ ಇತ್ತು. ಎದುರಾಳಿ ಪಾಳಯಲ್ಲಿ ಇಬ್ಬರು ಆಟಗಾರರು ಮಾತ್ರ ಉಳಿದುಕೊಂಡಿದ್ದರು. ರೇಡಿಂಗ್ ನಡೆಸಿದ ಸುಶೀಲ್ ಅವರಿಗೆ ಒಂದಂಕ ಮಾತ್ರ ಗಳಿಸಲು ಸಾಧ್ಯವಾಯಿತು. ಒಂದೊಮ್ಮ ಅವರು ಈ ರೇಡಿಂಗ್ನಲ್ಲಿ ಇಬ್ಬರನ್ನು ಔಟ್ ಮಾಡತ್ತಿದ್ದರೆ ಯುಪಿ ತಂಡ ಆಲೌಟ್ ಆಗುವ ಮೂಲಕ ಬುಲ್ಸ್ ಪಂದ್ಯವನ್ನು ಗೆಲ್ಲುತ್ತಿತ್ತು. ಅಥವಾ ಕನಿಷ್ಠ 15 ಸೆಕೆಂಡ್ ಆಟ ಇರುತ್ತಿದ್ದರೂ ಕೂಡ ಬುಲ್ಸ್ಗೆ ಗೆಲ್ಲುವ ಎಲ್ಲ ಅವಕಾಶವಿತ್ತು. ಆದರೆ ಅದೃಷ್ಟ ಯುಪಿ ತಂಡದ ಪರವಾಗಿತ್ತು.
ಬುಲ್ಸ್ ಪರ ಸ್ಟಾರ್ ರೇಡರ್ ವಿಕಾಸ್ ಖಂಡೋಲಾ ಕೇವಲ ಒಂದಂಕಕ್ಕೆ ಸೀಮಿತರಾದದ್ದು ತಂಡದ ಹಿನ್ನೆಡೆಗೆ ಪ್ರಮುಖ ಕಾರಣ. ಭರತ್ 8 ಅಂಕ ಗಳಿಸಿದರೂ ಅವರಿಂದ ನಿರೀಕ್ಷೆ ಮಾಡಿದ್ದ ಪ್ರದರ್ಶನ ಕಂಡುಬರಲಿಲ್ಲ. ಮಿಂಚಿದ್ದು ಸುಶೀಲ್ ಮಾತ್ರ. 7 ರೇಡ್ ನಡೆಸಿ 8 ಅಂಕ ಕಲೆಹಾಕುವಲ್ಲಿ ಯಶಸ್ವಿಯಾದರು.
ಇದನ್ನೂ ಓದಿ Pro Kabaddi: ಹರ್ಯಾಣ ಸ್ಟೀಲರ್ಸ್ ಎದುರು ಗೆದ್ದು ಬೀಗಿದ ಪಾಟ್ನಾ ಪೈರೇಟ್ಸ್
ಯುಪಿ ಪರ ನಾಯಕ ಹಾಗೂ ಪ್ರೊ ಕಬಡ್ಡಿ ಇತಿಹಾಸದ ದಾಖಲೆಯ ಸರದಾರ ಪ್ರದೀಪ್ ನರ್ವಾಲ್ 10 ಅಂಕ ಗಳಿಸಿದರು. ಅಬ್ಬರ ರೇಡಿಂಗ್ ನಡುವೆ ಗ್ರೀನ್ ಕಾರ್ಡ್ ಕೂಡ ಪಡೆದರು. ಮತ್ತೊಬ್ಬ ರೇಡರ್ ಸುರೇಂದರ್ ಗಿಲ್ 7, ಡಿಫೆಂಡರ್ ಸುಮೀತ್ 5 ಅಂಕ ಪಡೆದರು.
ಹರ್ಯಾಣ ಮಣಿಸಿದ ಪಾಟ್ನಾ
ದಿನದ ಮೊದಲ ಪಂದ್ಯದಲ್ಲಿ ರೇಡರ್ಗಳ ಮತ್ತು ಡಿಫೆಂಡರ್ಗಳ ಸಂಘಟಿತ ಆಟದ ಫಲವಾಗಿ ಪಾಟ್ನಾ ಪೈರೇಟ್ಸ್(Patna Pirates) ತಂಡ ಹರ್ಯಾಣ ಸ್ಟೀಲರ್ಸ್(Haryana Steelers) ತಂಡವನ್ನು 46-33 ಅಂಕಗಳ ಅಂತರದಿಂದ ಮಣಿಸಿತು.
ಪಾಟ್ನಾ ಪೈರೇಟ್ಸ್ ತಂಡ ರೇಡರ್ ಮಂಜಿತ್ ಈ ಪಂದ್ಯದಲ್ಲಿ ಅತ್ಯಾಕರ್ಷಕ ರೇಡಿಂಗ್ ನಡೆಸಿ ಗಮನ ಸೆಳೆದರು. ಒಟ್ಟು 17 ಬಾರಿ ಎದುರಾಳಿ ಕೋಟೆಗೆ ನುಗ್ಗಿ 13 ಅಂಕ ದೋಚಿದರು. ಇದರಲ್ಲಿ 10 ಟಚ್ ಮತ್ತು 3 ಬೋನಸ್ ಅಂಕ ಒಳಗೊಂಡಿತು. ಅವರ ರೇಡಿಂಗ್ ಆರ್ಭಟವನ್ನು ಹಿಡಿದು ನಿಲ್ಲಿಸುವಲ್ಲಿ ಹರ್ಯಾಣ ಡಿಫೆಂಡರ್ಗಳು ಸಂಪೂರ್ಣ ಮಂಕಾದರು. ಡಿಫೆಂಡಿಂಗ್ನಲ್ಲಿ ಕೃಷ್ಣ ಹಾಗೂ ಅಂಕಿತ್ ಅಮೋಘ ಆಟ ಪ್ರದರ್ಶಿಸಿದರು. ಜಿದ್ದಿಗೆ ಬಿದ್ದವಂತೆ ಎದುರಾಳಿ ರೇಡರ್ಗಳನ್ನು ಹಿಡಿದು ನಿಲ್ಲಿಸುವಲ್ಲಿ ಯಶಸ್ಸಿ ಕಂಡರು. ಕೃಷ್ಣ 5 ಅಂಕ ಗಳಿಸಿದರೆ, ಅಂಕಿತ್ 4 ಅಂಕ ಪಡೆದರು. ಇವರಿಗೆ ಮತ್ತೊಂದು ತುದಿಯಲ್ಲಿ ಸಾಥ್ ನೀಡಿದ ನಾಯಕ ನೀರಜ್ ಕುಮಾರ್ 3 ಅಂಕ ಕಲೆಹಾಕಿದರು. ರೇಡರ್ ಸುಧಾಕರ್ 5 ಅಂಕ ಸಂಪಾದಿಸಿ ತಂಡದ ಗೆಲುವಿಗೆ ಕೊಡುಗೆ ನೀಡಿದರು.
पटना पाइरेट्स ने दर्ज की अपनी चौथी जीत 💪💚
— ProKabaddi (@ProKabaddi) December 29, 2023
हरियाणा स्टीलर्स के ख़िलाफ़ शानदार वापसी करते हुए जीता मुक़ाबला 🔥#ProKabaddiLeague #ProKabaddi #PKLSeason10 #PKL #HarSaansMeinKabaddi #PATvHS #PatnaPirates #HaryanaSteelers pic.twitter.com/84yIFvM1kc
ಹರ್ಯಾಣ ಪರ ರೇಡರ್ ವಿನಯ್ 12, ರೈಟ್ ಕಾರ್ನರ್ ಡಿಫೆಂಡರ್ ರಾಹುಲ್(6), ಲೆಫ್ಟ್ ಕಾರ್ನರ್ ಡಿಫೆಂಡರ್ ಶಿವಂ(7) ಅಂಕ ಗಳಿಸಿದರು. ನಾಯಕ ಜೈದೀಪ್ ಶೂನ್ಯ ಸುತ್ತಿದ್ದು ಹಾಗೂ ನಂಬುಗೆಯ ಆಟಗಾರ ಪ್ರಪಂಚನ್ ರೇಡಿಂಗ್ನಲ್ಲಿ ವಿಫಲವಾದದ್ದು ತಂಡದ ಸೋಲಿಗೆ ಪ್ರಮುಖ ಕಾರಣವಾಯಿತು. ಜೈದೀಪ್ ಗ್ರೀನ್ ಕಾರ್ಡ್ ಕೂಡ ಪಡೆದರು. ಕಳೆದ ಕೆಲ ಪಂದ್ಯಗಳಲ್ಲಿ ನಿರೀಕ್ಷಿತ ಪ್ರದರ್ಶನ ತೋರುವಲ್ಲಿ ವಿಫಲವಾಗಿದ್ದ ಬಾಹುಬಲಿ ಖ್ಯಾತಿಯ ರೇಡರ್ ಸಿದ್ದಾರ್ಥ್ ದೇಸಾಯಿ ಅವರನ್ನು ಈ ಪಂದ್ಯದಿಂದ ಹೊರಗಿಡಲಾಯಿತು.