ನವ ದೆಹಲಿ: ಅಭಿಷೇಕ್ ಶರ್ಮಾ (67) ಹಾಗೂ ಹೆನ್ರಿಚ್ ಕ್ಲಾಸೆನ್ (51) ಅವರ ಅರ್ಧ ಶತಕದ ನೆರವು ಪಡೆದ ಸನ್ರೈಸರ್ಸ್ ಹೈದರಾಬಾದ್ ತಂಡ ಐಪಿಎಲ್ 16ನೇ ಆವೃತ್ತಿಯ 40ನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ … ರನ್ಗಳ ಜಯ ದಾಖಲಿಸಿತು. ಇದರೊಂದಿಗೆ ಸತತ ಎರಡು ಗೆಲುವು ದಾಖಲಿಸಿ ವಿಶ್ವಾಸ ಮೂಡಿಸಿಕೊಂಡಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಸೋಲಿನ ಸುಳಿಗೆ ಸಿಲುಕಿದರೆ, ಹ್ಯಾಟ್ರಿಕ್ ಸೋಲಿನ ಬಳಿಕ ಹೈದರಾಬಾದ್ ತಂಡ ಗೆಲುವಿನ ಹಳಿಗೆ ಮರಳಿತು.
ಇಲ್ಲಿನ ಅರುಣ್ ಜೇಟ್ಲಿ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆಯುತ್ತಿರುವ ಹಣಾಹಣಿಲ್ಲಿ ಟಾಸ್ ಗೆದ್ದ ಎಸ್ಆರ್ಎಚ್ ತಂಡದ ನಾಯಕ ಏಡೆನ್ ಮಾರ್ಕ್ರಮ್ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ನಾಯಕನ ಆಯ್ಕೆಯನ್ನು ಸಮರ್ಥಿಸಿಕೊಂಡು ಆಡಿದ ಬ್ಯಾಟರ್ಗಳು 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 197 ರನ್ ಬಾರಿಸಿತು. ಪ್ರತಿಯಾಗಿ ಬ್ಯಾಟ್ ಮಾಡಿದ ಡೆಲ್ಲಿ ತಂಡ ನಿಗದಿತ 20 ಓವರ್ಗಳು ಮುಕ್ತಾಯಗೊಂಡಾಗ 6 ವಿಕೆಟ್ ಕಳೆದುಕೊಂಡು 186 ರನ್ ಬಾರಿಸಿ ಸೋಲೊಪ್ಪಿಕೊಂಡಿತು.
ಎಸ್ಆರ್ಎಚ್ ತಂಡದ ಮಯಾಂಕ್ ಅಗರ್ವಾಲ್ (5) ಮತ್ತೆ ಬ್ಯಾಟಿಂಗ್ನಲ್ಲಿ ವೈಫಲ್ಯ ಕಾಣುವ ಮೂಲಕ ಎಸ್ಆರ್ಎಚ್ ತಂಡದ ಹಿನ್ನಡೆಗೆ ಕಾರಣರಾದರು. ಆರಂಭಿಕರಾಗಿ ಆಡಲು ಬಂದ ಅವರು ತಂಡದ ಮೊತ್ತು 21 ಆಗುವಷ್ಟರಲ್ಲಿ ಇಶಾಂತ್ ಶರ್ಮಗೆ ವಿಕೆಟ್ ಒಪ್ಪಿಸಿ ನಿರಾಸೆಯಿಂದ ಪೆವಿಲಿಯನ್ಗೆ ನಡೆದರು. ನಂತರದ ಬಂದ ರಾಹುಲ್ ತ್ರಿಪಾಠಿ ಕೂಡ 10 ರನ್ಗೆ ಸೀಮಿತಗೊಂಡರು. ನಾಯಕ ಏಡೆನ್ ಮಾರ್ಕ್ರಮ್ ಕೂಡ 8 ರನ್ಗೆ ಔಟಾಗಿ ಹಾಲಿ ಆವೃತ್ತಿಯ ಐಪಿಎಲ್ನಲ್ಲಿ ಮತ್ತೊಂದು ಬಾರಿ ತಮ್ಮ ವೈಫಲ್ಯ ಪ್ರದರ್ಶಿಸಿದರು. ಐದನೇ ಕ್ರಮಾಂಕಕ್ಕೆ ಹಿಂಬಡ್ತಿ ಪಡೆದುಕೊಂಡಿದ್ದ ಹ್ಯಾರಿ ಬ್ರೂಕ್ ಶೂನ್ಯ ಸುತ್ತುವ ಮೂಲಕ ತಂಡ ಸಂಪೂರ್ಣ ಕುಸಿತ ಅನುಭವಿಸಿತು. ಇವೆಲ್ಲದರ ನಡುವೆ ಅಭಿಷೇಕ್ ಶರ್ಮಾ 25 ಎಸೆತಗಳಲ್ಲಿ 50 ರನ್ ಬಾರಿಸಿದರು. ಆದರೆ, 36 ಎಸೆತಗಳಲ್ಲಿ 67 ರನ್ ಬಾರಿಸಿದ ಅವರು ಔಟಾದರು.
ಕ್ಲಾಸೆನ್ ಅಬ್ಬರ
ಆರನೇಯವರಾಗಿ ಬ್ಯಾಟ್ ಮಾಡಲು ಇಳಿದ ಹೆನ್ರಿನ್ ಕ್ಲಾಸೆನ್ ಮತ್ತೊಮ್ಮೆ ತಮ್ಮ ಸಿಡಿಲಬ್ಬರದ ಬ್ಯಾಟಿಂಗ್ ಸಾಮರ್ಥ್ಯವನ್ನು ಪ್ರದರ್ಶಿಸಿದರು. 4 ಸಿಕ್ಸರ್ ಹಾಗೂ 2 ಫೋರ್ ಸಮೇತ 27 ಎಸೆತಗಳಲ್ಲಿ ಅವರು 53 ರನ್ ಬಾರಿಸಿದರು. ಅಬ್ದುಲ್ ಸಮದ್ ಕೂಡ 21 ಎಸೆತಗಳಲ್ಲಿ 28 ರನ್ ಗಳಿಸಿದರು. ಅಕೇಲ್ ಹೊಸೈನ್ 10 ಎಸೆತಗಳಲ್ಲಿ 16 ರನ್ ಮಾಡುವ ಮೂಲಕ ಹೈದರಾಬಾದ್ ತಂಡದ ಮೊತ್ತ 200 ಸಮೀಪ ಬಂತು.
ಡೆಲ್ಲಿ ಕ್ಯಾಪಿಟಲ್ಸ್ ಪರ ಬೌಲಿಂಗ್ನಲ್ಲಿ 27 ರನ್ಗಳ ವೆಚ್ಚದಲ್ಲಿ 4 ವಿಕೆಟ್ ಕಬಳಿಸಿ ಮಿಂಚಿದರು. ಅಕ್ಷರ್ ಪಟೇಲ್ ಹಾಗೂ ಇಶಾಂತ್ ಶರ್ಮಾ ತಲಾ 1 ವಿಕೆಟ್ಪಡೆದರು.
ಇದನ್ನೂ ಓದಿ : ಆಟದ ನಡುವೆ ಗ್ರೌಂಡ್ನ ಗಾತ್ರ ಬದಲು, ಟ್ರೋಲ್ಗೆ ಒಳಗಾದ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ
ಅವಕಾಶ ಕೈ ಚೆಲ್ಲಿದ ಡೆಲ್ಲಿ
ದೊಡ್ಡ ಮೊತ್ತವನ್ನು ಬೆನ್ನಟ್ಟಿದ ಡೆಲ್ಲಿ ತಂಡದ ಪರ ನಾಯಕ ಡೇವಿಡ್ ವಾರ್ನರ್ ಶೂನ್ಯಕ್ಕೆ ಔಟಾದರು. ಬಳಿಕ ಎರಡನೇ ವಿಕೆಟ್ಗೆ ಫಿಲ್ ಸಾಲ್ಟ್ (59) ಹಾಗೂ ಮಿಚೆಲ್ ಮಾರ್ಷ್ (63) ಅರ್ಧ ಶತಕಗಳನ್ನು ಬಾರಿಸಿ ಗೆಲುವಿನ ಭರವಸೆ ಮೂಡಿಸಿದರು. ಈ ಜೋಡಿ ಎರಡನೇ ವಿಕೆಟ್ಗೆ 112 ರನ್ ಬಾರಿಸಿದಾಗ ಗೆಲುವಿನ ಅವಕಾಶದ ಬಾಗಿಲು ತೆರೆಯಿತು. ಆದರೆ, ಇವರಿಬ್ಬರು ಔಟಾದ ಬಳಿಕ ಡೆಲ್ಲಿ ಬ್ಯಾಟರ್ಗಳ ಪೆವಿಲಿಯನ್ ಪರೇಡ್ ಶುರುವಾಯಿತು. ಎಂದಿನಂತೆ ಕೊನೆಯಲ್ಲಿ ಅಕ್ಷರ್ ಪಟೇಲ್ 14 ಎಸೆತಗಳಿಗೆ 29 ರನ್ ಬಾರಿಸಿ ಪೈಪೋಟಿ ಕೊಟ್ಟರೂ ಗೆಲುವು ತಂದುಕೊಡಲು ಅವರಿಗೆ ಸಾಧ್ಯವಾಗಲಿಲ್ಲ.