ದೋಹಾ : ಅಮರಿಕ ತಂಡದ ವಿರುದ್ಧ ಅಧಿಕಾರಯುತ ಜಯ ಸಾಧಿಸಿದ ನೆದರ್ಲೆಂಡ್ಸ್ ಬಳಗ ಫಿಫಾ ವಿಶ್ವ ಕಪ್‌ನ (FIFA World cup) ಕ್ವಾರ್ಟರ್‌ಫೈನಲ್ಸ್‌ ಹಂತಕ್ಕೆ ಮೊದಲ ತಂಡವಾಗಿ ಪ್ರವೇಶ ಪಡೆದುಕೊಂಡಿತು. ಇಲ್ಲಿನ ಖಲಿಫಾ ಇಂಟರ್‌ನ್ಯಾಷನಲ್‌ ಕ್ರಿಕೆಟ್‌ ಸ್ಟೇಡಿಯಮ್‌ನಲ್ಲಿ ಶನಿವಾರ ಸಂಜೆ ನಡೆದ ಪಂದ್ಯದಲ್ಲಿ ನೆದರ್ಲೆಂಡ್ಸ್ ತಂಡ ೩-೧ ಗೋಲ್‌ಗಳ ವಿಜಯ ಸಾಧಿಸಿತು.
ನೆದರ್ಲೆಂಡ್ಸ್ ತಂಡದ ಪರ ಮೇಪಿಸ್‌ ಡೇಪೆ (೧೦ನೇ ನಿಮಿಷ), ಡೇಲೆ ಬ್ಲೈಂಡ್‌ (೪೫+೧ ನೇ ನಿಮಿಷ), ಡೆನ್ಜಿಲ್‌ ಡುಮ್‌ಪ್ರೈಸ್‌ (೮೧ನೇ ನಿಮಿಷ) ಗೋಲ್‌ ಬಾರಿಸಿದರು. ಸೋಲಿನ ಮೂಲಕ ನಿರಾಸೆ ಎದುರಿಸಿದ ಅಮೆರಿಕಾ ತಂಡ ಪರ ಹಾಜಿ ರೈಟ್‌ (೭೬ನೇ ನಿಮಿಷ) ಏಕೈಕ ಗೋಲ್‌ ಬಾರಿಸಿದರು.
ಪಂದ್ಯದಲ್ಲಿ ಅಮೆರಿಕ ತಂಡ ಚೆಂಡಿನ ಮೇಲೆ ಹೆಚ್ಚು ಹಿಡಿತ ಸಾಧಿಸಿದ್ದ ಹೊರತಾಗಿಯೂ, ಗೋಲ್‌ಗಳನ್ನು ಬಾರಿಸಲು ಸಾಧ್ಯವಾಗದ ಹಿನ್ನೆಲೆಯಲ್ಲಿ ಸೋಲು ಕಂಡಿತು. ಭಾನುವಾರ ನಡೆಯಲಿರುವ ಅರ್ಜೆಂಟೀನಾ ಹಾಗೂ ಆಸ್ಟ್ರೇಲಿಯಾ ತಂಡಗಳ ನಡುವಿನ ೧೬ನೇ ಸುತ್ತಿನ ಪಂದ್ಯದ ವಿಜೇತರು ನೆದರ್ಲೆಂಡ್ಸ್‌ಗೆ ಎದುರಾಗಲಿದೆ.
ಇದನ್ನೂ ಓದಿ | Fifa World Cup | ಫಿಫಾ ಫ್ಯಾನ್ ಫೆಸ್ಟಿವಲ್‌ನಲ್ಲಿ ತ್ರಿವರ್ಣ ಧ್ವಜ ನೆಲಕ್ಕೆ ಬೀಳಿಸಿದರೇ ನೋರಾ ಫತೇಹಿ?