Viral video: ಭಾರತ ಕ್ರಿಕೆಟ್‌ ತಂಡದ ಆರಂಭಿಕ ಬ್ಯಾಟರ್ ಶಿಖರ್‌ ಧವನ್‌ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡ ವಿಡಿಯೊ ಎಲ್ಲರ ಗಮನ ಸೆಳೆದಿದೆ. ಶಿಖರ್‌ ಧವನ್‌ ಈ ಬಾರಿ ಐಪಿಎಲ್‌ನಲ್ಲಿ ಉತ್ತಮ ಆಟ ಪ್ರದರ್ಶಿಸಿದ್ದಾರೆ. ಆದರೆ, ಪಂಜಾಬ್‌ ತಂಡ ಪ್ಲೇ ಆಫ್‌ಗೆ ಕ್ವಾಲಿಫೈ ಆಗಿಲ್ಲ. ಈ ಹಿನ್ನೆಲೆಯಲ್ಲಿ ಶಿಖರ್‌ ಧವನ್‌ ಅವರ ತಂದೆ ಮಗ ಶಿಖರ್‌ಗೆ ಜಾಡಿಸಿ ಒದೆಯುತ್ತಿರುವ ವಿಡಿಯೊವನ್ನು ಇನ್ಸ್‌ಟಾಗ್ರಾಂನಲ್ಲಿ ಹಂಚಿದ್ದಾರೆ.
ಏನು? ಶಿಖರ್‌ ಧವನ್‌ ತಂದೆ ಒದೆಯುವ ವಿಡಿಯೋನಾ ಎಂದು ನಿಮಗೆ ಅಚ್ಚರಿಯಾದೀತು. ಈ ಬಾರಿ ಐಪಿಎಲ್‌ನಲ್ಲಿ ಧವನ್‌ 14 ಪಂದ್ಯಗಳನ್ನಾಡಿ 460 ರನ್‌ ಗಳಿಸಿದ್ದಾರೆ. ಉತ್ತಮ ಆಟವಾಡಿದರೂ ಅವರ ತಂದೆ ಅವರಿಗೆ ಹೊಡೆದರಾ? ಹೌದು! ಶಿಖರ್‌ ಧವನ್‌ ʼಪ್ಲೇ ಆಫ್‌ ತಲುಪದ್ದಕ್ಕೆ ಜಾಡಿಸಿ ಒದೆಯುತ್ತಿರುವ ತಂದೆʼ ಎಂದು ಕ್ಯಾಪ್ಶನ್‌ ಹಾಕಿ ಒಂದು ವಿಡಿಯೊ ಶೇರ್‌ ಮಾಡಿದ್ದಾರೆ. ಈ ವಿಡಿಯೋ ಹೇಗಿದೆ ಎಂದು ನೀವೇ ನೋಡಬೇಕು!
ಶಿಖರ್‌ ಧವನ್‌ ಎಂದಿಗೂ ತಮ್ಮ ಅಭಿಮಾನಿಗಳಿಗೆ ಮನೋರಂಜನೆ ನೀಡುವಲ್ಲಿ ಸೋತಿಲ್ಲ. ಈ ʼಗಬ್ಬರ್‌ʼ ಅನೇಕ ತಮಾಷೆ ವಿಡಿಯೋ ಮಾಡಿ ತಮ್ಮ ಇನ್ಸ್‌ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಳ್ಳುತ್ತಾರೆ. ಈ ಬಾರಿ ಅವರೊಂದಿಗೆ ತಂದೆಯೂ ಜತೆಯಾಗಿ ಈ ತಮಾಷೆ ವಿಡಿಯೊ ಮಾಡಿದ್ದಾರೆ.
ಈ ವಿಡಿಯೊ ನೋಡಿ ಹರ್ಭಜನ್ ಸಿಂಗ್‌ ʼಧವನ್‌ ಅವರಿಗಿಂತ ತಂದೆಯೇ ಅದ್ಭುತ ನಟನೆ ಮಾಡುತ್ತಾರೆʼ ಎಂದು ಕಾಮೆಂಟ್‌ ಮಾಡಿದ್ದಾರೆ. ಈ ವಿಡಿಯೊವನ್ನು ಗೌರ್‌ ಗೋಪಾಲ್‌ ದಾಸ್ ಸೇರಿದಂತೆ ಅನೇಕ ಗಣ್ಯರು ಕಾಮೆಂಟ್‌ನಲ್ಲಿ ನಗುವಿನ ಹೊಳೆ ಹರಿಸಿದ್ದಾರೆ.
ಇದನ್ನೂ ಓದಿ: Viral Video: ಒಂದೇ ಕಾಲಲ್ಲಿ ಶಾಲೆಗೆ ಹೋಗುತ್ತಿದ್ದ ಬಾಲಕಿ ನೆರವಿಗೆ ಬಂದ ನಟ ಸೋನು ಸೂದ್‌