ರಾಂಚಿ: ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ(former India captain MS Dhoni) ಅವರು ತಮ್ಮ ತವರಾದ ರಾಂಚಿಯಲ್ಲಿ ಏಕಾಂಗಿಯಾಗಿ ಬೈಕ್ ಓಡಿಸಿದ್ದಾರೆ. ಅವರು ಬೈಕ್ನಲ್ಲಿ ಸುತ್ತಾಡಿಕೊಂಡು ವಾಪಸ್ ಮನೆಗೆ ಬರುತ್ತಿದ್ದ ವೇಳೆ ಧೋನಿ ನಿವಾಸದ ಬಳಿ ಇದ್ದ ವ್ಯಕ್ತಿಯೊಬ್ಬರು ಧೋನಿ ಬೈಕ್ ಓಡಿಸುತ್ತಿರುವುದನ್ನು ವಿಡಿಯೊ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಸದ್ಯ ಧೋನಿ ಅವರು ಬೈಕ್ ಓಡಿಸಿದ ವಿಡಿಯೊ ವೈರಲ್(Viral Video) ಆಗಿದ್ದು, ಅವರ ಅಭಿಮಾನಿಗಳು ಹಲವು ಕಮೆಂಟ್ಗಳನ್ನು ಮಾಡಿದ್ದಾರೆ. ಧೋನಿಯ ಸೆಕ್ಯೂರಿಟಿ ಗಾರ್ಡ್ ನಿಜಕ್ಕೂ ಅದೃಷ್ಟವಂತ, ಸೂಪರ್ ರೈಡಿಂಗ್ ಹೀಗೆ ಹತ್ತು ಹಲವು ಕಮೆಂಟ್ಗಳನ್ನು ಮಾಡಿದ್ದಾರೆ.
ಹೋಂಡಾ ರೆಪ್ಸೋಲ್ 150
ಧೋನಿ ಅವರು ಓಡಿಸಿದ ಬೈಕ್ ಹೋಂಡಾ ರೆಪ್ಸೋಲ್ 150(Honda Repsol 150). ಇದರ ಬೆಲೆ ಭಾರತದಲ್ಲಿ ಸುಮಾರು 1.70 ಲಕ್ಷ ರೂ. ಇದೆ. ಕೆಲವು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಇದರ ಬೆಲೆಯಲ್ಲಿ ಕೋಂಚ ಕಡಿಮೆ ಇದೆ. ಹಾಗೂ ಆಯಾ ರಾಜ್ಯದ ರೋಡ್ ಟ್ಯಾಕ್ಸ್ಗೆ ಅನುಗುಣವಾಗಿ ಏರಿಳಿತಗಳು ಇರಬಹುದು. ಆದರೂ ಧೋನಿ ಆದಾಯಕ್ಕೆ ಈ ಬೈಕ್ ಬೆಲೆ ತೀರಾ ಕಡಿಮೆ. ಸಿಂಪಲ್ ಲೈಫ್ ಸ್ಟೈಲ್ ಅವರ ಪ್ರಮುಖ ಗುಣ.
ಇದನ್ನೂ ಓದಿ MS Dhoni’s Daughter: ಧೋನಿ ಮಗಳ ಶಾಲಾ ಶುಲ್ಕ ಕೇಳಿದರೆ ಅಚ್ಚರಿ ಗ್ಯಾರಂಟಿ!
ಧೋನಿ ಬಳಿ ಇದೆ ದೊಡ್ಡ ಬೈಕ್ ಗ್ಯಾರೇಜ್
ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನಿವೃತ್ತಿ ಹೇಳಿದ ಬಳಿಕ ವಿಶ್ರಾಂತ ಜೀವನವನ್ನು ಎಂಜಾಯ್ ಮಾಡುತ್ತಿರುವ ಧೋನಿ ಅವರು ತಮ್ಮ ಬೈಕ್ ಮತ್ತು ಕಾರ್ಗಳನ್ನು ಇರಿಸಲು ತಮ್ಮ ಮನೆಯ ಪಕ್ಕದಲ್ಲಿ ದೊಡ್ಡ ಕಟ್ಟಡವನ್ನೇ ಹೊಂದಿದ್ದಾರೆ. ಕೆಳವು ದಿನಗಳ ಹಿಂದೆ ವೆಂಕಟೇಶ್ ಪ್ರಸಾದ್ ಮತ್ತು ಸುನಿಲ್ ಜೋಶಿ ಅವರು ಧೋನಿಯ ರಾಂಚಿಯಲ್ಲಿರುವ ಮನೆಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಧೋನಿ ಫಾರ್ಮ್ ಹೌಸ್ನಲ್ಲಿರುವ ಬೈಕ್(ms dhoni bike collection) ಮತ್ತು ಕಾರುಗಳ ವಿಡಿಯೊವನ್ನು ಹಂಚಿಕೊಂಡಿದ್ದರು. ಇದನ್ನು ಕಂಡ ಅನೇಕರು ಅಬ್ಬಾ… ಎಂದು ಆಶ್ಚರ್ಯವಾಗಿದ್ದರು. ಈ ಫಾರ್ಮ್ಹೌಸ್ನ ವಿಡಿಯೊ ವೈರಲ್ ಆಗುತ್ತು.
ಮುಂದಿನ ಐಪಿಎಲ್ನಲ್ಲೂ ಭಾಗಿ
ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ವಿದಾಯ ಹೇಳಿರುವ ಧೋನಿ ಕೇವಲ ಐಪಿಎಲ್ ಟೂರ್ನಿಯಲ್ಲಿ ಮಾತ್ರ ಆಡುತ್ತಿದ್ದಾರೆ. (Indian Premier League) 2023ನೇ ಸಾಲಿನ ಐಪಿಎಲ್ ಟೂರ್ನಿಯಲ್ಲಿ ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ತಂಡವು 5ನೇ ಬಾರಿಗೆ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು. ಈ ಬಾರಿ ಐಪಿಎಲ್ ಬಳಿಕ ಧೋನಿ ನಿವೃತ್ತಿ ಹೇಳಲು ನಿರ್ಧರಿಸಿದ್ದರು. ಆದರೆ ಅಭಿಮಾನಿಗಳ ಆಸೆಯಂತೆ ಇನ್ನೊಂದು ಆವೃತ್ತಿಯ ಐಪಿಎಲ್ ಆಡುವುದಾಗಿ ಫೈನಲ್ ಬಳಿಕ ಧೋನಿ ಹೇಳಿದ್ದರು. ಹೀಗಾಗಿ ಅವರ ಆಟವನ್ನು ಮುಂದಿನ ಆವೃತ್ತಿಯಲ್ಲಿಯೂ ಕಣ್ತುಂಬಿಕೊಳ್ಳಬಹುದಾಗಿದೆ.