ಬೆಂಗಳೂರು: ಭಾರತ ತಂಡದ ವಿಕೆಟ್ ಕೀಪರ್ ಬ್ಯಾಟರ್ ರಿಷಭ್ ಪಂತ್ (Rishabh Pant) ಸಹೋದರಿ ಸಾಕ್ಷಿ ಪಂತ್ (Sakshi Pant) ಜನವರಿ 5 ರಂದು ಲಂಡನ್ನಲ್ಲಿ ಅಂಕಿತ್ ಚೌಧರಿ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಜೋಡಿಯ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಸಾಕ್ಷಿ ಪಂತ್ ತಮ್ಮ ನಿಶ್ಚಿತಾರ್ಥದ ಒಂದು ನೋಟವನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿಯೂ ಹಂಚಿಕೊಂಡಿದ್ದಾರೆ. ಅವರಿಬ್ಬರು ಈಗ ಮದುವೆಯಾಗುತ್ತಿರುವ ಹೊರತಾಗಿಯೂ 9 ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದರು. ಇದೀಗ ಮದುವೆಯಾಗಲು ನಿರ್ಧರಿಸಿದ್ದಾರೆ.
ಒಂಬತ್ತು ವರ್ಷಗಳಿಂದ ಡೇಟಿಂಗ್ ಮಾಡುತ್ತಿದ್ದ ಸಾಕ್ಷಿ ಪಂತ್ ಮತ್ತು ಅಂಕಿತ್ ಚೌಧರಿ ನಿಶ್ಚಿತಾರ್ಥದ ಉಂಗುರಗಳನ್ನು ವಿನಿಮಯ ಮಾಡಿಕೊಳ್ಳುವ ಮೂಲಕ ಮುಂದಿನ ಹೆಜ್ಜೆ ಇಟ್ಟಿದ್ದಾರೆ. ನಿಶ್ಚಿತಾರ್ಥದ ಫೊಟೋಗಳು ಬಹಿರಂಗಗೊಳ್ಳುತ್ತಿದ್ದಂತೆ ಜೋಡಿಯ ಕುರಿತ ಕೌತುಕ ಹೆಚ್ಚಾಗಿದೆ. ಅಂಕಿತ್ ಚೌಧರಿ ಯಾರು ಮತ್ತು ಆತ ಏನು ಮಾಡುತ್ತಾನೆ? ಸಾಕ್ಷಿ ಪಂತ್ ಮತ್ತು ಅವರು ಮೊದಲು ಹೇಗೆ ಸಂಧಿಸಿದ್ದು ಎಲ್ಲಿ ಎಂಬೆಲ್ಲ ಪ್ರಶ್ನೆಗಳು ಎದ್ದಿವೆ.
ಎಲ್ಲಿದ್ದಾರೆ ಅಂಕಿತ್?
ಅಂಕಿತ್ ಚೌಧರಿ ಪ್ರಸ್ತುತ ಲಂಡನ್ನಲ್ಲಿ ವಾಸಿಸುತ್ತಿದ್ದಾರೆ. ಶಿಕ್ಷಣ ಮತ್ತು ಪರಿಸರದ ಮೇಲೆ ಹೂಡಿಕೆ ಮಾಡುವ ಎಲೈಟ್ ಇ 2 ಕಂಪನಿಯ ಮಂಡಳಿಯ ಸದಸ್ಯರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅವರು 2021ರಲ್ಲಿ ಈ ಹುದ್ದೆಯನ್ನು ವಹಿಸಿಕೊಂಡಿದ್ದಾರೆ. ಇದನ್ನು ಹೊರತುಪಡಿಸಿ ಅವರ ವೃತ್ತಿಪರ ಸಾಧನೆಗಳ ಬಗ್ಗೆ ಹೆಚ್ಚುವರಿ ಮಾಹಿತಿ ಇಲ್ಲ.
2021ರಲ್ಲಿ, ರಿಷಭ್ ಪಂತ್ ಅವರ ಸಹೋದರಿ ಸಾಕ್ಷಿ ಪಂತ್ ಅವರನ್ನೂ ಅದೇ ಕಂಪನಿಯ ಮಂಡಳಿಯ ಸದಸ್ಯರಾಗಿ ನೇಮಿಸಲಾಗಿದೆ. ಜೋಡಿ ಲಂಡನ್ ನಲ್ಲಿ ತಮ್ಮ ವ್ಯವಹಾರ ಉದ್ಯಮಗಳನ್ನು ನೋಡಿಕೊಳ್ಳುತ್ತಿದೆ.
ಸಾಕ್ಷಿ ಪಂತ್ ಅಂಕಿತ್ ಚೌಧರಿಯನ್ನು ಭೇಟಿಯಾಗಿದ್ದು ಯಾವಾಗ?
ರಿಷಭ್ ಗಿಂತ ಎರಡು ವರ್ಷ ದೊಡ್ಡವರಾದ ಸಾಕ್ಷಿ ಪಂತ್ ಡೆಹ್ರಾಡೂನ್ ನಲ್ಲಿ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದ್ದಾರೆ. ಬಳಿಕ ಯುನೈಟೆಡ್ ಕಿಂಗ್ ಡಮ್ ನಲ್ಲಿ ಪದವಿ ಪಡೆದಿದ್ದಾರೆ. ಇಂಗ್ಲೆಂಡ್ನಲ್ಲಿ ಅವರು ಸಾಕಷ್ಟು ಸಮಯವನ್ನು ಕಳೆದಿದ್ದರಿಂದ ಅಂಕಿತ್ ಚೌಧರಿ ಅವರನ್ನು ಭೇಟಿಯಾಗಿದ್ದಾರೆ. ಅಲ್ಲಿ ಅವರ ಪ್ರೀತಿ ಮೊಳಕೆ ಒಡೆದಿತ್ತು.
ಇನ್ಸ್ಟಾದಲ್ಲಿವೆ ಫೋಟೋಗಳು
ಸಹೋದರಿ ಸಾಕ್ಷಿ ಅವರ ನಿಶ್ಚಿತಾರ್ಥ ಈ ಸಮಾರಂಭದ ಫೋಟೊಗಳನ್ನು ಪಂತ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ರಿಷಭ್ ಪಂತ್ ಅವರು ಕಪ್ಪು ಬಣ್ಣದ ಬ್ಲೇಸರ್ ಧರಿಸಿ ತಮ್ಮ ತಂಗಿ ಹಾಗೂ ತಾಯಿಯ ಜತೆ ಕುಟುಂಬ ಸಮೇತರಾಗಿ ಫೋಟೊ ತೆಗಿಸಿಕೊಂಡಿದ್ದಾರೆ. ಈ ಫೋಟೊಗಳು ಅವರ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡು ಪಂತ್ ಸಹೋದರಿಗೆ ಶುಭಾಶಯ ತಿಳಿಸಿದ್ದಾರೆ.
ಇದನ್ನೂ ಓದಿ : Boycott Maldives : ಮಾಲ್ಡೀವ್ಸ್ ಉದ್ಧಟತನ; ಮೋದಿ ಪರ ಬ್ಯಾಟಿಂಗ್ ಮಾಡಿದ ಸಚಿನ್
ಅಂಕಿತ್ ಚೌಧರಿ, ಸಹೋದರಿ ಸಾಕ್ಷಿ ಮತ್ತು ತಾಯಿಯ ಜತೆಗಿರುವ ಫೋಟೊವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡ ಪಂತ್ “ಅಭಿನಂದನೆಗಳು ನನ್ನ ಸಹೋದರಿ” ಎಂದು ಬರೆದುಕೊಂಡಿದ್ದಾರೆ. ಸಾಕ್ಷಿ ಕೂಡ ನಿಶ್ಚಿತಾರ್ಥದ ಫೋಟೊಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ.
2022ರ ಡಿಸೆಂಬರ್ 30ರಂದು(rishabh pant accident date) ರಿಷಭ್ ಪಂತ್ ಅವರು ಚಲಾಯಿಸಿಕೊಂಡು ಹೋಗುತ್ತಿದ್ದ ಕಾರು ಡಿವೈಡರ್ಗೆ ಡಿಕ್ಕಿ(rishabh pant accident) ಹೊಡೆದಿತ್ತು. ಈ ಭೀಕರ ಅರ್ಪಆತದಲ್ಲಿ ಅವರ ಕಾರು ಸಂಪೂರ್ಣವಾಗಿ ಬೆಂಕಿಗೆ ಆಹುತಿಯಾಗಿತ್ತು. ಆದರೆ, ಪಂತ್ ಪವಾಡ ಸದೃಶ ರೀತಿಯಲ್ಲಿ ಪಾರಾಗಿದ್ದರು.