ಬೆಂಗಳೂರು: ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಟೆಸ್ಟ್ ಕ್ರಿಕೆಟ್ ಮುಖಾಮುಖಿಯ ನಡುವೆ ಹೊಸ ಹೆಸರೊಂದು ಸೋಶಿಯಲ್ ಮೀಡಿಯಾಗಳಲ್ಲಿ ಜೋರಾರಿ ಸದ್ದು ಮಾಡಿದೆ. ಈ ಹೆಸರು ವಿಶ್ವದಾದ್ಯಂತದ ಅಭಿಮಾನಿಗಳ ಗಮನವನ್ನು ಸೆಳೆಯುತ್ತಿದೆ. ಅವರೇ ಭಾರತ ತಂಡದ ಯುವ ಕ್ರಿಕೆಟ್ ತಾರೆ ಯಶಸ್ವಿ ಜೈಸ್ವಾಲ್ (Yashasvi Jaiswal) ಅವರ ಬ್ರಿಟನ್ ಗೆಳತಿ ಎಂದು ಹೇಳಲಾದ ಮ್ಯಾಡಿ ಹ್ಯಾಮಿಲ್ಟನ್. ಅವರು ಇದ್ದಕ್ಕಿದ್ದಂತೆ ಚರ್ಚೆಯ ವಿಷಯವಾಗಿದ್ದಾರೆ.
ಮ್ಯಾಡಿ ಬಗ್ಗೆ ವಿವರಗಳು ವಿರಳವಾಗಿದ್ದರೂ ವದಂತಿಗಳು ಪ್ರಕಾರ ಜೈಸ್ವಾಲ್ ನಡುವೆ ಸುಮಾರು ಮೂರು ವರ್ಷಗಳ ಕಾಲದ ಸಂಬಂಧವಿದೆ. ಜೈಸ್ವಾಲ್ ತನ್ನ ಸಹೋದರ ಹೆನ್ರಿ ಹ್ಯಾಮಿಲ್ಟನ್ಗೆ ತುಂಬಾ ಹತ್ತಿರವಾಗಿದ್ದಾರೆ ಮತ್ತು ದೀರ್ಘಕಾಲದಿಂದ ಅವರಿಗೆ ಕಾಡುತ್ತಿದ್ದಾರೆ ಎಂದು ಮ್ಯಾಡಿ ಹಾಕಿರುವ ವಿಡಿಯೊವೊಂದು ವೈರಲ್ ಆಗಿದೆ. ಮ್ಯಾಡಿ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿರುವ ತಮಾಷೆಯ ವಿಡಿಯೊ ಈ ರೂಮರ್ಗೆ ಪೂರಕವಾದ ವಿವರವಾಗಿದೆ.
ಮ್ಯಾಡಿ ಹ್ಯಾಮಿಲ್ಟನ್ ಯಾರು?
ಪ್ರಸ್ತುತ ನಡೆಯುತ್ತಿರುವ 5 ಪಂದ್ಯಗಳ ಟೆಸ್ಟ್ ಸರಣಿಯ ಸಮಯದಲ್ಲಿ ಪಂದ್ಯದ ಮೂರನೇ ದಿನದಂದು ಹೈದರಾಬಾದ್ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಕಾಣಿಸಿಕೊಂಡಿರುವ ಮ್ಯಾಡಿ ಅವರನ್ನು ಒಂದು ನಿಗೂಢ ಸೆಳವು ಸುತ್ತುವರಿದಿದೆ. ಜೈಸ್ವಾಲ್ ತನ್ನ ಗೆಳತಿಯ ಸುತ್ತಲಿನ ವದಂತಿಗಳಿಗೆ ಇನ್ನೂ ಉತ್ತರಿಸದಿದ್ದರೂ ಅಭಿಮಾನಿಗಳು ಅವಳ ಸೌಂದರ್ಯದ ಬಗ್ಗೆ ಆಶ್ಚರ್ಯಚಕಿತರಾಗಿದ್ದಾರೆ. ಜೈಸ್ವಾಲ್ ಅವರೊಂದಿಗಿನ ಅವರ ಸಂಪರ್ಕದ ಬಗ್ಗೆ ಊಹಾಪೋಹಗಳನ್ನು ಹರಡಲಾಗುತ್ತಿದೆ. ಸಾಮಾಜಿಕ ಮಾಧ್ಯಮ ಫ್ಲಾಟ್ಫಾರ್ಮ್ಗಳು ಸಂದೇಹದ ವಿಡಿಯೊಗಳಿಗೆ ಕೂಡಿದ್ದವು. ಮ್ಯಾಡಿ ಹ್ಯಾಮಿಲ್ಟನ್ ಮತ್ತು ಯಶಸ್ವಿ ಜೈಸ್ವಾಳ್ ಮೂರು ವರ್ಷಗಳಿಂದ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬುದಾಗಿ ಸೋಶಿಯಲ್ ಮೀಡಿಯಾ ಬಳಕೆದಾರರು ಅಂದಾಜಿಸಿದ್ದಾರೆ.
ಇದನ್ನೂ ಓದಿ : Yashasvi Jaiswal : 2023ರಲ್ಲಿ ಮತ್ತೊಂದು ಸಾಧನೆ ಮಾಡಿದ ಯಶಸ್ವಿ ಜೈಸ್ವಾಲ್
ಬ್ರಿಟನ್ ಮೂಲದ ಮ್ಯಾಡಿ ವಿದ್ಯಾರ್ಥಿಯಾಗಿದ್ದು, ರಜಾದಿನಗಳು ಮತ್ತು ಕುಟುಂಬ ಕೂಟಗಳು ಸೇರಿದಂತೆ ವಿವಿಧ ಸಂದರ್ಭಗಳಲ್ಲಿ ಜೈಸ್ವಾಲ್ ಅವರೊಂದಿಗೆ ಕಾಣಿಸಿಕೊಂಡಿದ್ದಾರೆ. ಇದು ಇಬ್ಬರ ನಡುವಿನ ಆಳವಾದ ಸಂಬಂಧವನ್ನು ಸೂಚಿಸುತ್ತದೆ.
ಹೈದರಾಬಾದ್ ಟೆಸ್ಟ್ನಲ್ಲಿ ಯಶಸ್ವಿ ಜೈಸ್ವಾಲ್ ಮೊದಲ ಇನಿಂಗ್ಸ್ನಲ್ಲಿ ಅರ್ಧ ಶತಕ ಬಾರಿಸಿದ್ದರು. ಆದರೆ, ಎರಡನೇ ಇನಿಂಗ್ಸ್ನಲ್ಲಿ ಹೆಚ್ಚು ಪ್ರಭಾವ ಬೀರಲು ವಿಫಲಗೊಂಡಿದ್ದರು. ಇವೆಲ್ಲದರ ನಡುವೆ ಅವರು ಮುಂದಿನ ಪಂದ್ಯಗಳಿಗೆ ಸ್ಥಾನ ಪಡೆಯುವುದು ಖಾತರಿ ಎನಿಸಿದೆ. ಮ್ಯಾಡಿ ಎಷ್ಟು ದಿನ ಅವರ ಆಟ ನೋಡಲು ಜತೆಗೆ ಇರುತ್ತಾರೆ ಎಂಬುದೇ ಕುತೂಹಲದ ಸಂಗತಿಯಾಗಿದೆ.