ಬೆಂಗಳೂರು: ಫ್ರಾನ್ಸ್ ಮೂಲದ ಕಾರು ತಯಾರಿಕಾ ಕಂಪನಿ ಸಿಟ್ರಾನ್ ಕಳೆದ ಮೂರು ತಿಂಗಳಲ್ಲಿ ಎರಡು ಬಾರಿ ಸಿಟ್ರಾನ್ ಸಿ3 (Citron C3) ಕಾರಿನ ಬೆಲೆಯನ್ನು ಏರಿಕೆ ಮಾಡಿದೆ. ಈ ಮೂಲಕ ಕಾರಿನ ಒಟ್ಟು ಬೆಲೆ 45 ಸಾವಿರ ರೂಪಾಯಿಯಷ್ಟು ಏರಿಕೆಯಾಗಿದೆ. ಜನವರಿ 2022ರಲ್ಲಿ ಸಿಟ್ರಾನ್ ಕಾರು ಭಾರತದಲ್ಲಿ ಮಾರುಕಟ್ಟೆಗೆ ಇಳಿದಿತ್ತು. ಅಲ್ಲಿಂದ ಒಂದು ವರ್ಷ ಬೆಲೆಯಲ್ಲಿ ಏರಿಕೆ ಮಾಡಿರಲಿಲ್ಲ. ಇದೀಗ ಎರಡೆರಡು ಬಾರಿ ಹೆಚ್ಚಳ ಮಾಡಿದೆ. ಆದರೆ, ಈ ಬಾರಿ ಕೆಲವೊಂದು ಅಪ್ಡೇಟ್ಗಳನ್ನೂ ಕೊಟ್ಟಿದೆ.
ಸಿಟ್ರಾನ್ ಕಂಪನಿ ಸಿ3 ಕಾರಿನ ಎಂಜಿನ್ ಅನ್ನು ಅಪ್ಡೇಟ್ ಮಾಡಿದೆ. ಇದು ಬಿಎಸ್6 ಸೆಕೆಂಡ್ ಸ್ಟೇಜ್ನ ಮಾನದಂಡಗಳನ್ನು ಹೊಂದಿದೆ. ಏಪ್ರಿಲ್ 1ರ ಮೊದಲು ಬಿಎಸ್6ನ ಹೊಸ ಮಾನದಂಡಗಳನ್ನು ಅಳವಡಿಕೆ ಮಾಡುವಂತೆ ಕೇಂದ್ರ ಸರಕಾರ ಹೇಳಿದೆ. ಆ ಕೆಲಸವನ್ನು ಮುಗಿಸಿರುವ ಸಿಟ್ರಾನ್ ಬೆಲೆ ಏರಿಕೆ ಮಾಡಿದೆ. ಆದರೆ, ಮತ್ಯಾವುದೇ ಅಪ್ಡೇಟ್ಗಳನ್ನು ಕೊಟ್ಟಿಲ್ಲ.
ಇದನ್ನೂ ಓದಿ : Tata Motors : ಟಾಟಾ ಟಿಗೋರ್ ಇವಿ ಹಾಗೂ ಸಿಟ್ರಾನ್ ಇ- ಸಿ3 ಕಾರಿನ ನಡುವೆ ಯಾವುದು ಬೆಸ್ಟ್?
ಸಿಟ್ರಾನ್ ಸಿ3 ಕಾರು ಬಿಡುಗಡೆಗೊಳ್ಳುವಾಗ ಆರಂಭಿಕ ಬೆಲೆ 5.70 ಲಕ್ಷ ರೂಪಾಯಿಗಳು. ಟಾಪ್ ವೇರಿಯೆಂಟ್ನ ಬೆಲೆ 8.05 ಲಕ್ಷ ರೂಪಾಯಿಗಳಾಗಿತ್ತು. ಕಳೆದ ಜನವರಿಯಲ್ಲಿ 5.98 ಲಕ್ಷ ರೂಪಾಯಿಗಳಾಯಿತು. ಇದೀಗ 6.16 ಲಕ್ಷ ರೂಪಾಯಿಗಳಷ್ಟಾಗಿದೆ. ಟಾಪ್ ಎಂಡ್ ಕಾರಿನ ಬೆಲೆ 8.25 ಲಕ್ಷ ರೂಪಾಯಿಗಳಾಗಿವೆ.
ಎಂಜಿನ್ ಸಾಮರ್ಥ್ಯ?
ಸಿಟ್ರಾನ್ ಸಿ3 ಕಾರಿನಲ್ಲಿ 1.2 ಲೀಟರ್ನ ಪೆಟ್ರೋಲ್ ಎಂಜಿನ್ ಇದೆ. ಇದು 81 ಬಿಎಚ್ಪಿ ಪವರ್ ಹಾಗೂ 115 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಅದೇ ರೀತಿ ಟರ್ಬೊಚಾರ್ಜ್ಡ್ 1.2 ಲೀಟರ್ನ ಎಂಜಿನ್ 109 ಬಿಎಚ್ಪಿ ಪವರ್ ಹಾಗೂ 190 ಎನ್ಎಮ್ ಟಾರ್ಕ್ ಬಿಡುಗಡೆ ಮಾಡುತ್ತದೆ. ಇದರಲ್ಲಿ ಐದು ಸ್ಪೀಡ್ನ ಮ್ಯಾನುಯಲ್ ಹಾಗೂ ಆರು ಸ್ಪೀಡ್ನ ಆಟೊಮ್ಯಾಟಿಕ್ ಗೇರ್ ಬಾಕ್ಸ್ ಇದೆ.